தமிழக இடைக்கால பட்ஜெட்டின் முக்கிய அம்சங்கள்

2011-12 ஆண்டிற்கான தமிழக சட்டசபையின் இடைக்கால பட்ஜெட்டை நிதி அமைச்சர் அன்பழகன் தாக்கல் செய்தார். அதன் விபரம் வருமாறு:-

* காவல் துறையை நவீனப்படுத்த ரூ.3,239 கோடி ஒதுக்கீடு, அதில் சிறைத்துறைக்கு மட்டும் ரூ.140 கோடி ஒதுக்கீடு.

* பள்ளிக்கல்வித் துறைக்கு 12,674 கோடி ஒதுக்கீடு. இதில் தொழிற்கல்வி பயிலும் முதல் தலைமுறை பட்டதாரிக்கு ரூ.277 கோடி ஒதுக்கீடு.

* நெடுஞ்சாலைத்துறைக்கு ரூ. 5,143 கோடி ஒதுக்கீடு.

* சென்னை மெட்ரோ ரெயில் திட்டத்திற்கு ரூ. 750 கோடி ஒதுக்கீடு.

* நகராட்சி வளர்ச்சி திட்டத்திற்கு ரூ.2,198 கோடி ஒதுக்கீடு.

* ஏழை பெண்கள் திட்டத்திற்கு ரூ.337 கோடி ஒதுக்கீடு.

* கலைஞர் வீட்டு வசதி திட்டத்திற்கு ரூ. 375 கோடி ஒதுக்கீடு.

* மீன்வளத்துறைக்கு ரூ.222 கோடி ஒதுக்கீடு.

* சமூக பாதுகாப்பு திட்டத்திற்கு ரூ.1,421 கோடி ஒதுக்கீடு.

* ஒகேனக்கல் கூட்டுக்குடிநீர் திட்டத்திற்கு ரூ.400 கோடி ஒதுக்கீடு.

* கர்ப்பிணி பெண்களுக்கு உதவி வழங்கும் திட்டத்திற்கு ரூ.360 கோடி ஒதுக்கீடு

* நீதிமன்றங்கள் கட்டவும், மேம்படுத்தவும் ரூ. 633 கோடி ஒதுக்கீடு

* சமச்சீர் கல்வி முறை இந்த ஆண்டு அனைத்து வகுப்புகளுக்கும் விரிவுப்படுத்தப்பட்டுள்ளது,

* மதுரை, கோவை உள்ளிட்ட கூட்டுக்குடிநீர் திட்டங்களுக்கு ரூ. 845 கோடி ஒதுக்கீடு.

* இடைக்கால வரவு- செலவு திட்டத்தில் உணவு மானியத்திற்காக ரூ. 4,000 கோடி ஒதுக்கீடு

* சிறுபான்மை கல்வி ஒதுக்கீடு திட்டத்திற்கு 40.68 கோடி ஒதுக்கீடு

* பயிர்கடன் வழங்குதலில் ஏற்படும் இழப்பீட்டை சரி செய்ய ரூ.140 கோடி ஒதுக்கீடு

* தொழில்வளர்ச்சி வரி சலுகை ரூ. 1,525 கோடி ஒதுக்கீடு

* 2011-2012-ம் ஆண்டிற்கு மாற்றுத்திறனாளிகள் நலனுக்காக ரூ.221 கோடி ஒதுக்கப்பட்டுள்ளது.