ஐ.பி.எல் லீக் போட்டியில் காம்பிர் தலைமையிலான கொல்கத்தா அணி 6 விக்கெட் வித்தியாசத்தில் அசத்தல் வெற்றி பெற்றது.

இதன் மூலம் புள்ளிப்பட்டியலில் நம்பர்-1 இடத்துக்கு முன்னேறியது. சொந்த மண்ணில் வீழ்ந்த ஷேவாக்கின் டெல்லி அணி, இரண்டாவது இடத்துக்கு தள்ளப்பட்டது.

டெல்லியில் நேற்று நடந்த ஐந்தாவது ஐ.பி.எல் தொடரின் 51வது லீக் போட்டியில் டெல்லி டேர்டெவில்ஸ், கொல்கத்தா நைட் ரைடர்ஸ் அணிகள் மோதின.

டெல்லி அணியில் கெவின் பீட்டர்சன், பவன் நேகிக்கு பதிலாக டேவிட் வார்னர், வருண் ஆரோன் வாய்ப்பு பெற்றனர். கொல்கத்தா அணியில் லாங்கே, இக்பால் அப்துல்லா நீக்கப்பட்டு, பிரட் லீ, பிரதீப் சங்வான் இடம் பெற்றனர்.

நாணய சுழற்சியில் வெற்றி பெற்ற டெல்லி அணியின் தலைவர் ஷேவாக் துடுப்பெடுத்தாட முடிவு செய்தார்.

டெல்லி அணிக்கு ஷேவாக், வார்னர் சேர்ந்து நல்ல துவக்கம் தந்தனர். பிரட் லீ வீசிய முதல் ஓவரில் வார்னர் திணற, மெய்டனாக அமைந்தது. மறுபக்கம் வழக்கம் போல் அதிரடி காட்டிய ஷேவாக், சங்வான் ஓவரில் 2 பவுண்டரி, ஒரு சிக்சர் விளாசினார். மீண்டும் பந்துவீச வந்த பிரட் லீ ஓவரில் ஒரு சிக்சர், பவுண்டரி அடித்து பதிலடி கொடுத்தார் வார்னர்.

இந்த நேரத்தில் காலிஸ் திருப்புமுனை ஏற்படுத்தினார். முதலில் ஷேவாக்கை(23) வெளியேற்றினார். அடுத்த ஓவரில் வார்னரையும்(21) பெவிலியனுக்கு அனுப்பினார்.

இதே ஓவரில் ஜெயவர்தனாவும் ஆட்டமிழந்ததாக எதிர் அணியினர் தெரிவித்தனர். பந்தை பிடித்த, விக்கெட் கீப்பர் பிரண்டன் மெக்கலம் உள்ளிட்ட கொல்கத்தா வீரர்கள் அப்பீல் செய்தனர்.

ஆனால், அம்பயர் நிராகரிக்க, கண்டம் தப்பினார். இது தொடர்பாக கொல்கத்தா அணித்தலைவர் காம்பிர், ஜெயவர்தனா கடும் வாக்குவாதத்தில் ஈடுபட்டனர். பின் பாட்யா ஓவரில் ஒரு பவுண்டரி, சிக்சர் அடித்து நம்பிக்கை தந்தார் ஜெயவர்தனா.

பொறுப்பாக விளையாடிய ஜெயவர்தனா(30), காம்பிரின் நேரடி த்ரோவில் ஆட்டமிழக்க, டெல்லி அணிக்கு சிக்கல் ஏற்பட்டது. படுமந்தமாக ஆடிய ராஸ் டெய்லரும்(16 ரன், 27 பந்து) வெளியேற, 14.2 ஓவரில் 4 விக்கெட்டுக்கு 100 ஓட்டங்கள் எடுத்து தவித்தது. பிரட் லீ பந்தில் யோகேஷ்(10) போல்டாக, வேகம் அப்படியே குறைந்தது.

கடைசி கட்டத்தில் இர்பான் பதான் போராடினார். பிரட் லீ வேகத்தில் அடுத்தடுத்து 2 பவுண்டரி அடித்தார். தொடர்ந்து நரைன் சுழலில் சிக்சர் விளாசினார். இவர் 36  ஓட்டங்களுக்கு நரைன் பந்தில் ஆட்டமிழந்தார். இதே ஓவரில் நமன் ஓஜா(2) வெளியேறினார். டெல்லி அணி 20 ஓவரில் 9 விக்கெட்டுக்கு 153 ஓட்டங்கள் எடுத்தது.

சுலப இலக்கை விரட்டிய கொல்கத்தா அணிக்கு காம்பிர், பிரண்டன் மெக்கலம் சேர்ந்து வலுவான அடித்தளம் அமைத்தனர். இர்பான் வீசிய முதல் ஓவரிலேயே மெக்கலம் வரிசையாக 2 பவுண்டரி அடித்தார்.

நதீம் சுழலில் காம்பிர் 2 பவுண்டரி, ஒரு சிக்சர் விளாசினார். ஆரோன் பந்தில் காம்பிர் கொடுத்த கேட்ச்சை உமேஷ் நழுவவிட்டார். இதை பயன்படுத்திக் கொள்ளாத காம்பிர்(36) அடுத்த பந்தில் போல்டானார்.

பின் காலிஸ், மெக்கலம் சேர்ந்து கலக்கல் ஆட்டத்தை வெளிப்படுத்தினர். பொறுப்பாக ஆடிய மெக்கலம் இத்தொடரில் தனது முதல் அரைசதம் எட்டினார். உமேஷ் யாதவ் வீசிய போட்டியின் 16வது ஓவரில் காலிஸ்(30), மெக்கலம்(56) அடுத்தடுத்து ஆட்டமிழந்தனர்.

தொடர்ந்து மனோஜ் திவாரியும்(8) வெளியேற, லேசான பதட்டம் ஏற்பட்டது. ஆனாலும் குறைவான இலக்கு என்பதால் பிரச்னை ஏற்படவில்லை.

யூசுப் பதான்(7*), தேபபிரதா தாஸ்(1*) சேர்ந்து வெற்றியை உறுதி செய்தனர்.  கொல்கத்தா அணி 18.4 ஓவரில் 4 விக்கெட்டுக்கு 154 ஓட்டங்கள் எடுத்து, தொடர்ந்து 6வது வெற்றியை பெற்றது. தவிர, முந்தைய போட்டியில் டெல்லியிடம் சந்தித்த தோல்விக்கும் பழிதீர்த்தது. ஆட்ட நாயகன் விருதை காலிஸ் வென்றார்.

DD · Delhi Daredevils · IPL · IPL 2012 · IPL 5 · IPL Cricket · IPL season 5 · KKR · KKR vs DD · Kolkata Knight Riders · Sports

டெல்லியை வீழ்த்தி முதலிடத்தை பிடித்தது கொல்கத்தா நைட் ரைடர்ஸ்

ஐ.பி.எல் லீக் போட்டியில் காம்பிர் தலைமையிலான கொல்கத்தா அணி 6 விக்கெட் வித்தியாசத்தில் அசத்தல் வெற்றி பெற்றது.

இதன் மூலம் புள்ளிப்பட்டியலில் நம்பர்-1 இடத்துக்கு முன்னேறியது. சொந்த மண்ணில் வீழ்ந்த ஷேவாக்கின் டெல்லி அணி, இரண்டாவது இடத்துக்கு தள்ளப்பட்டது.

டெல்லியில் நேற்று நடந்த ஐந்தாவது ஐ.பி.எல் தொடரின் 51வது லீக் போட்டியில் டெல்லி டேர்டெவில்ஸ், கொல்கத்தா நைட் ரைடர்ஸ் அணிகள் மோதின.

டெல்லி அணியில் கெவின் பீட்டர்சன், பவன் நேகிக்கு பதிலாக டேவிட் வார்னர், வருண் ஆரோன் வாய்ப்பு பெற்றனர். கொல்கத்தா அணியில் லாங்கே, இக்பால் அப்துல்லா நீக்கப்பட்டு, பிரட் லீ, பிரதீப் சங்வான் இடம் பெற்றனர்.

நாணய சுழற்சியில் வெற்றி பெற்ற டெல்லி அணியின் தலைவர் ஷேவாக் துடுப்பெடுத்தாட முடிவு செய்தார்.

டெல்லி அணிக்கு ஷேவாக், வார்னர் சேர்ந்து நல்ல துவக்கம் தந்தனர். பிரட் லீ வீசிய முதல் ஓவரில் வார்னர் திணற, மெய்டனாக அமைந்தது. மறுபக்கம் வழக்கம் போல் அதிரடி காட்டிய ஷேவாக், சங்வான் ஓவரில் 2 பவுண்டரி, ஒரு சிக்சர் விளாசினார். மீண்டும் பந்துவீச வந்த பிரட் லீ ஓவரில் ஒரு சிக்சர், பவுண்டரி அடித்து பதிலடி கொடுத்தார் வார்னர்.

இந்த நேரத்தில் காலிஸ் திருப்புமுனை ஏற்படுத்தினார். முதலில் ஷேவாக்கை(23) வெளியேற்றினார். அடுத்த ஓவரில் வார்னரையும்(21) பெவிலியனுக்கு அனுப்பினார்.

இதே ஓவரில் ஜெயவர்தனாவும் ஆட்டமிழந்ததாக எதிர் அணியினர் தெரிவித்தனர். பந்தை பிடித்த, விக்கெட் கீப்பர் பிரண்டன் மெக்கலம் உள்ளிட்ட கொல்கத்தா வீரர்கள் அப்பீல் செய்தனர்.

ஆனால், அம்பயர் நிராகரிக்க, கண்டம் தப்பினார். இது தொடர்பாக கொல்கத்தா அணித்தலைவர் காம்பிர், ஜெயவர்தனா கடும் வாக்குவாதத்தில் ஈடுபட்டனர். பின் பாட்யா ஓவரில் ஒரு பவுண்டரி, சிக்சர் அடித்து நம்பிக்கை தந்தார் ஜெயவர்தனா.

பொறுப்பாக விளையாடிய ஜெயவர்தனா(30), காம்பிரின் நேரடி த்ரோவில் ஆட்டமிழக்க, டெல்லி அணிக்கு சிக்கல் ஏற்பட்டது. படுமந்தமாக ஆடிய ராஸ் டெய்லரும்(16 ரன், 27 பந்து) வெளியேற, 14.2 ஓவரில் 4 விக்கெட்டுக்கு 100 ஓட்டங்கள் எடுத்து தவித்தது. பிரட் லீ பந்தில் யோகேஷ்(10) போல்டாக, வேகம் அப்படியே குறைந்தது.

கடைசி கட்டத்தில் இர்பான் பதான் போராடினார். பிரட் லீ வேகத்தில் அடுத்தடுத்து 2 பவுண்டரி அடித்தார். தொடர்ந்து நரைன் சுழலில் சிக்சர் விளாசினார். இவர் 36  ஓட்டங்களுக்கு நரைன் பந்தில் ஆட்டமிழந்தார். இதே ஓவரில் நமன் ஓஜா(2) வெளியேறினார். டெல்லி அணி 20 ஓவரில் 9 விக்கெட்டுக்கு 153 ஓட்டங்கள் எடுத்தது.

சுலப இலக்கை விரட்டிய கொல்கத்தா அணிக்கு காம்பிர், பிரண்டன் மெக்கலம் சேர்ந்து வலுவான அடித்தளம் அமைத்தனர். இர்பான் வீசிய முதல் ஓவரிலேயே மெக்கலம் வரிசையாக 2 பவுண்டரி அடித்தார்.

நதீம் சுழலில் காம்பிர் 2 பவுண்டரி, ஒரு சிக்சர் விளாசினார். ஆரோன் பந்தில் காம்பிர் கொடுத்த கேட்ச்சை உமேஷ் நழுவவிட்டார். இதை பயன்படுத்திக் கொள்ளாத காம்பிர்(36) அடுத்த பந்தில் போல்டானார்.

பின் காலிஸ், மெக்கலம் சேர்ந்து கலக்கல் ஆட்டத்தை வெளிப்படுத்தினர். பொறுப்பாக ஆடிய மெக்கலம் இத்தொடரில் தனது முதல் அரைசதம் எட்டினார். உமேஷ் யாதவ் வீசிய போட்டியின் 16வது ஓவரில் காலிஸ்(30), மெக்கலம்(56) அடுத்தடுத்து ஆட்டமிழந்தனர்.

தொடர்ந்து மனோஜ் திவாரியும்(8) வெளியேற, லேசான பதட்டம் ஏற்பட்டது. ஆனாலும் குறைவான இலக்கு என்பதால் பிரச்னை ஏற்படவில்லை.

யூசுப் பதான்(7*), தேபபிரதா தாஸ்(1*) சேர்ந்து வெற்றியை உறுதி செய்தனர்.  கொல்கத்தா அணி 18.4 ஓவரில் 4 விக்கெட்டுக்கு 154 ஓட்டங்கள் எடுத்து, தொடர்ந்து 6வது வெற்றியை பெற்றது. தவிர, முந்தைய போட்டியில் டெல்லியிடம் சந்தித்த தோல்விக்கும் பழிதீர்த்தது. ஆட்ட நாயகன் விருதை காலிஸ் வென்றார்.

ஐபிஎல் 5 தொடரில் இன்றைய முதல் போட்டியில் 153 ரன்களை சேஸ் செய்த ராஜஸ்தான் றொயல்ஸ் அணி 1 ஓட்டத்தில் அதிர்ச்சி தோல்வியை தழுவியது. ஐபிஎல் 5 தொடரில் இன்று டெல்லியில் நடைபெற்ற போட்டியில் டெல்லி டேர்டெவில்ஸ், ராஜஸ்தான் றொயல்ஸ் அணிகள் மோதின. நாணய சுழற்சியில் வென்ற டெல்லி டேர்டெவில்ஸ் முதலில் துடுப்பெடுத்தட முடிவு செய்தது. அதன் பின் களமிறங்கிய டெல்லி டேர்டெவில்சின் தொடக்க வீரர் ஜெயவர்த்தனே 2வது ஓவரிலேயே 6 ஓட்டங்கள் எடுத்த நிலையில் ஆட்டமிழந்தார். அடுத்து வந்த பீட்டர்சனும் 5 ஓட்டங்களில் டிராவிடிடம் கேட்ச் கொடுத்து வெளியேறினார். தொடக்கத்திலேயே அடுத்தடுத்து 2 விக்கெட்களை இழந்த டெல்லி டேர்டெவில்ஸ் அணியின் ஸ்கோரை, அணித்தலைவர் ஷேவாக் தூக்கி நிறுத்தினார். அதிரடியாக ஆடிய ஷேவாக் ஐபிஎல் 5 தொடரில் தனது 4வது அரைசதத்தை கடந்தார். அதன்பிறகும் அதிரடியை தொடர்ந்த ஷேவாக் 39 பந்துகளை சந்தித்து 2 சிக்ஸ், 8 பவுண்டரிகள் அடித்து 63 ஓட்டங்களை குவித்து, மெனாரியாவிடம் கேட்ச் கொடுத்து வெளியேறினார். அவருக்கு ஒத்துழைப்பு கொடுத்து ஆடி வந்த ரோஸ் டெய்லர் 25 ஓட்டங்கள் எடுத்து போல்டானார். அடுத்த வந்த நமன் ஓஜா அதிரடியாக 1 சிக்ஸ் அடித்து, அடுத்த பந்தில் டிராவிடிடம் கேட்ச் கொடுத்து ஆட்டமிழந்தார். கடைசி கட்டத்தில் யோகேஷ் நகர் உடன் ஜோடி சேர்ந்த இர்பான் பதான் அணியின் ஸ்கோரை மெதுவாக உயர்த்தினார். யோகேஷ் நகர் 2 சிக்ஸ், 2 பவுண்டரிகள் அடித்து 27 ஓட்டங்கள் எடுத்து ஆட்டமிழந்தார். கடைசி பந்தில் இர்பான் பதான் ஒரு பவுண்டரி அடிக்க, நிர்ணயிக்கப்பட்ட 20 ஓவர்களின் முடிவில் டெல்லி டேர்டெவில்ஸ் அணி 6 விக்கெட்கள் இழப்பிற்கு 152 ஓட்டங்களை எடுத்தது. 153 ஓட்டங்கள் எடுத்தால் வெற்றிப் பெறலாம் என்று களமிறங்கிய ராஜஸ்தான் றொயல்ஸ் அணி மந்தமாக தொடங்கினாலும், 5 ஓவர்களுக்கு பிறகு அதிரடிக்கு தாவியது. தொடக்க வீரர்களாக களமிறங்கிய ராகுல் டிராவிட், ரஹானே ஜோடி அணியின் ஸ்கோரை சீராக உயர்த்தினர். 13வது ஓவர் வரை விக்கெட் போகாமல் ஆடிய ராஜஸ்தான் றொயல்ஸ் 99வது ஓட்டத்தில் முதல் விக்கெட்டை இழந்தது. அணித்தலைவர் ராகுல் டிராவிட் 40 ஓட்டங்கள் எடுத்த நிலையில் ஆட்டமிழந்தார். அதன்பிறகும் அதிரடியாக ஆடிய ரஹானே அரைசதம் கடந்தார். அவருக்கு ஒத்துழைப்பு கொடுத்து ஆடிய பிராட் ஹார்ஜ் 22 ஓட்டங்கள் எடுத்து எல்.பி.டபில்யூ ஆனார். கடைசி வரை ரஹானே களத்தில் நின்று அணியின் வெற்றிக்காக பாடுபட்டார். கடைசி ஓவரில் 12 ஓட்டங்கள் தேவைப்பட்ட நிலையில் ஓவைஸ் ஷா 1 சிக்ஸ் அடித்து நம்பிக்கை அளித்தார். ஆனால் கடைசி பந்தில் வெற்றிப் பெற 2 ஓட்டம் தேவைப்பட்ட நிலையில் பந்தை அடிக்க தவறிய ரஹானே ரன் ஓட, எதிர் முனைக்கு சென்ற ஓவைஸ் ஷா ஆட்டமிழந்தார். இதனால் கடைசி வரை களத்தில் நின்று போராடிய ரஹானே ஆட்டம் வீணாகி, ராஜஸ்தான் ராயல்ஸ் 1 ஓட்டத்தில் தோல்வியை தழுவியது. கடைசி வரை ஆட்டமிழக்காமல் இருந்த ரஹானே 63 பந்துகளில் 1 சிக்ஸ், 9 பவுண்டரிகள் அடித்து 84 ஓட்டங்கள் எடுத்தார்.

Delhi Daredevils · IPL · rajesthan royals · Sports

ராஜஸ்தான் றொயல்ஸ் அணி 1 ஓட்டத்தில் அதிர்ச்சி தோல்வி

ஐபிஎல் 5 தொடரில் இன்றைய முதல் போட்டியில் 153 ரன்களை சேஸ் செய்த ராஜஸ்தான் றொயல்ஸ் அணி 1 ஓட்டத்தில் அதிர்ச்சி தோல்வியை தழுவியது. ஐபிஎல் 5 தொடரில் இன்று டெல்லியில் நடைபெற்ற போட்டியில் டெல்லி டேர்டெவில்ஸ், ராஜஸ்தான் றொயல்ஸ் அணிகள் மோதின. நாணய சுழற்சியில் வென்ற டெல்லி டேர்டெவில்ஸ் முதலில் துடுப்பெடுத்தட முடிவு செய்தது. அதன் பின் களமிறங்கிய டெல்லி டேர்டெவில்சின் தொடக்க வீரர் ஜெயவர்த்தனே 2வது ஓவரிலேயே 6 ஓட்டங்கள் எடுத்த நிலையில் ஆட்டமிழந்தார். அடுத்து வந்த பீட்டர்சனும் 5 ஓட்டங்களில் டிராவிடிடம் கேட்ச் கொடுத்து வெளியேறினார். தொடக்கத்திலேயே அடுத்தடுத்து 2 விக்கெட்களை இழந்த டெல்லி டேர்டெவில்ஸ் அணியின் ஸ்கோரை, அணித்தலைவர் ஷேவாக் தூக்கி நிறுத்தினார். அதிரடியாக ஆடிய ஷேவாக் ஐபிஎல் 5 தொடரில் தனது 4வது அரைசதத்தை கடந்தார். அதன்பிறகும் அதிரடியை தொடர்ந்த ஷேவாக் 39 பந்துகளை சந்தித்து 2 சிக்ஸ், 8 பவுண்டரிகள் அடித்து 63 ஓட்டங்களை குவித்து, மெனாரியாவிடம் கேட்ச் கொடுத்து வெளியேறினார். அவருக்கு ஒத்துழைப்பு கொடுத்து ஆடி வந்த ரோஸ் டெய்லர் 25 ஓட்டங்கள் எடுத்து போல்டானார். அடுத்த வந்த நமன் ஓஜா அதிரடியாக 1 சிக்ஸ் அடித்து, அடுத்த பந்தில் டிராவிடிடம் கேட்ச் கொடுத்து ஆட்டமிழந்தார். கடைசி கட்டத்தில் யோகேஷ் நகர் உடன் ஜோடி சேர்ந்த இர்பான் பதான் அணியின் ஸ்கோரை மெதுவாக உயர்த்தினார். யோகேஷ் நகர் 2 சிக்ஸ், 2 பவுண்டரிகள் அடித்து 27 ஓட்டங்கள் எடுத்து ஆட்டமிழந்தார். கடைசி பந்தில் இர்பான் பதான் ஒரு பவுண்டரி அடிக்க, நிர்ணயிக்கப்பட்ட 20 ஓவர்களின் முடிவில் டெல்லி டேர்டெவில்ஸ் அணி 6 விக்கெட்கள் இழப்பிற்கு 152 ஓட்டங்களை எடுத்தது. 153 ஓட்டங்கள் எடுத்தால் வெற்றிப் பெறலாம் என்று களமிறங்கிய ராஜஸ்தான் றொயல்ஸ் அணி மந்தமாக தொடங்கினாலும், 5 ஓவர்களுக்கு பிறகு அதிரடிக்கு தாவியது. தொடக்க வீரர்களாக களமிறங்கிய ராகுல் டிராவிட், ரஹானே ஜோடி அணியின் ஸ்கோரை சீராக உயர்த்தினர். 13வது ஓவர் வரை விக்கெட் போகாமல் ஆடிய ராஜஸ்தான் றொயல்ஸ் 99வது ஓட்டத்தில் முதல் விக்கெட்டை இழந்தது. அணித்தலைவர் ராகுல் டிராவிட் 40 ஓட்டங்கள் எடுத்த நிலையில் ஆட்டமிழந்தார். அதன்பிறகும் அதிரடியாக ஆடிய ரஹானே அரைசதம் கடந்தார். அவருக்கு ஒத்துழைப்பு கொடுத்து ஆடிய பிராட் ஹார்ஜ் 22 ஓட்டங்கள் எடுத்து எல்.பி.டபில்யூ ஆனார். கடைசி வரை ரஹானே களத்தில் நின்று அணியின் வெற்றிக்காக பாடுபட்டார். கடைசி ஓவரில் 12 ஓட்டங்கள் தேவைப்பட்ட நிலையில் ஓவைஸ் ஷா 1 சிக்ஸ் அடித்து நம்பிக்கை அளித்தார். ஆனால் கடைசி பந்தில் வெற்றிப் பெற 2 ஓட்டம் தேவைப்பட்ட நிலையில் பந்தை அடிக்க தவறிய ரஹானே ரன் ஓட, எதிர் முனைக்கு சென்ற ஓவைஸ் ஷா ஆட்டமிழந்தார். இதனால் கடைசி வரை களத்தில் நின்று போராடிய ரஹானே ஆட்டம் வீணாகி, ராஜஸ்தான் ராயல்ஸ் 1 ஓட்டத்தில் தோல்வியை தழுவியது. கடைசி வரை ஆட்டமிழக்காமல் இருந்த ரஹானே 63 பந்துகளில் 1 சிக்ஸ், 9 பவுண்டரிகள் அடித்து 84 ஓட்டங்கள் எடுத்தார்.