அண்ணாநகர் மேற்கு விரிவாக்கம் 1-வது குறுக்கு தெருவைச் சேர்ந்தவர் மாசிலாமணி. என்ஜினீயரான இவர் அரசு குடிசை மாற்று வாரியத்தில் செயற் பொறியாளராக பணியாற்றி ஓய்வு பெற்றவர். தற்போது கட்டுமான தொழில் செய்து வந்தார். இவருக்கு லலிதா என்ற மனைவியும், தினேஷ், கார்த்திக் ஆகிய மகன்களும் உள்ளனர். மகன்கள் இருவரும் அமெரிக்காவில் சாப்ட்வேர் என்ஜினீயராக வேலை பார்த்து வருகிறார்கள்.

மாசிலாமணி சென்னையில் பல இடங்களில் கட்டிட பணிகளை செய்து வருகிறார். அடிக்கடி காரில் சென்று கட்டுமான பணிகளை பார்வையிடுவார். இதற்காக சுரேஷ் (25) என்ற கார் டிரைவரையும் பணிக்கு வைத்திருந்தார். மூலக்கடை அருகேயுள்ள எருக்கஞ்சேரியில் மாசிலா மணி ஒருவருக்கு வீடு கட்டி கொடுத்து வந்தார். இந்த கட்டிட பணியை பார்வையிட நேற்று முன்தினம் அவர் காரில் எடுக்கஞ்சேரிக்கு சென்றார். அங்கு வேலை பார்த்த தொழிலாளிகளுக்கு கூலியும் கொடுத்தார்.

பின்னர் அவர் அங்கிருந்து புறப்பட்டார். ஆனால் வீடு வந்து சேர வில்லை. இதையடுத்து அவரை உறவினர்கள் பல இடங்களில் சென்று தேடினார்கள். ஆனால் கிடைக்கவில்லை. அவரது செல்போனும் சுவிட்ச் ஆப் செய்யப்பட்டிருந்தது. இதுபற்றி அவரது சகோதரர் அனந்தநாராயணன் கொடுங்கையூர் போலீசில் புகார் செய்தார். போலீசார் அவரை தேடி வந்தனர்.

இதற்கிடையே நேற்று முன்தினம் இரவு கிண்டி தொழிற்பேட்டை அருகில் ஒரு கார் எரிந்த நிலையில் காணப்பட்டது. போலீசார் விரைந்து சென்று பார்த்தபோது காருக்குள் ஒருவர் கரிக்கட்டையாக எரிந்த நிலையில் பிணமாக கிடந்தார். போலீசார் பிணத்தை கைப்பற்றி ராயப்பேட்டை அரசு ஆஸ்பத்திரிக்கு அனுப்பி வைத்தனர்.

காரில் பிணமாக கிடந்தது மாசிலாமணியாக இருக்கலாம் என்று போலீசாருக்கு சந்தேகம் ஏற்பட்டது. மாசிலாமணி காணாமல் போன அன்று காரில் ரூ. 4 1/2 லட்சம் பணம் இருந்தது. பணத்துக்காக மாசிலா மணியை டிரைவர் சுரேஷ் காருடன் எரித்து கொன்று விட்டு பணத்தை எடுத்துக் கொண்டு தப்பி ஓடி இருக்கலாம் என்று சந்தேகிக்கப்படுகிறது.

மேலும் தொழில் போட்டி காரணமாக மாசிலாமணி கொல்லப்பட்டிருக்கலாமா? என்ற சந்தேகமும் எழுந்துள்ளது. புளியந்தோப்பு துணை கமிஷனர் (பொறுப்பு) அபிஷேக் மாசிலாமணியின் மனைவி லலிதாவிடம் நேரில் சென்று விசாரணை நடத்தினார். டிரைவர் சுரேஷ் பற்றி அவரிடம் கேட்டபோது, கடந்த 1 1/2 மாதத்துக்கு முன்புதான் வேலைக்கு சேர்ந்ததாகவும், அவர் யார் என்று தெரியாது. வேறு ஒருவர் அவரை பணிக்கு சேர்த்து விட்டதாகவும் தெரிவித்தார்.

இதையடுத்து டிரைவர் சுரேசை வேலைக்கு சேர்த்து விட்டது யார்? என்று விசாரித்து அவரைப் பற்றிய விவரங்களை போலீசார் சேகரித்து வருகிறார்கள். மேலும் மாசிலாமணி சென்னையில் பல கட்டிடங்களை கட்டி வருவதால் 100-க்கும் மேற்பட்டவர்கள் அவரிடம் வேலை பார்த்தனர். அவர்களில் யாராவது பணத்துக்கு ஆசைப்பட்டு இந்த செயலில் ஈடுபட்டிருக்கலாமா என்றும் சந்தேகிக்கப்படுகிறது.

இதுபற்றி மாசிலாமணியின் சகோதரர் அனந்தநாராயணன் கூறுகையில், எனது அண்ணன் மனைவி கர்நாடகாவில் உள்ள பங்காரு பேட்டைக்கு சென்றிருந்தார். அவரை அழைத்து வர அண்ணன் திட்டமிட்டிருந்தார். அதற்குள் அவர் காருக்குள் பிணமாக கிடந்ததாக தகவல் கிடைத்தது.

இதையடுத்து அண்ணியை அங்கிருந்து வரவழைத்தோம். புதிதாக வேலைக்கு சேர்ந்த டிரைவர் சுரேஷ் மீதுதான் எங்களுக்கு சந்தேகமாக உள்ளது என்றார். இணை கமிஷனர் சண்முக ராஜேஸ்வரன் கூறும்போது, தப்பி ஓடிய டிரைவரை தேடி வருகிறோம். கொலை நடந்த இடத்தில் 4 தடயங்கள் சிக்கியுள்ளன. கொலையாளியை பிடிக்க 5 தனிப்படைகள் அமைக்கப்பட்டுள்ளன என்றார்.

Feature · Government · Murder in Chennai · Officer · TAMILNADU

சென்னையில் காரில் பிணம்: அரசு அதிகாரி எரித்து கொலை

அண்ணாநகர் மேற்கு விரிவாக்கம் 1-வது குறுக்கு தெருவைச் சேர்ந்தவர் மாசிலாமணி. என்ஜினீயரான இவர் அரசு குடிசை மாற்று வாரியத்தில் செயற் பொறியாளராக பணியாற்றி ஓய்வு பெற்றவர். தற்போது கட்டுமான தொழில் செய்து வந்தார். இவருக்கு லலிதா என்ற மனைவியும், தினேஷ், கார்த்திக் ஆகிய மகன்களும் உள்ளனர். மகன்கள் இருவரும் அமெரிக்காவில் சாப்ட்வேர் என்ஜினீயராக வேலை பார்த்து வருகிறார்கள்.

மாசிலாமணி சென்னையில் பல இடங்களில் கட்டிட பணிகளை செய்து வருகிறார். அடிக்கடி காரில் சென்று கட்டுமான பணிகளை பார்வையிடுவார். இதற்காக சுரேஷ் (25) என்ற கார் டிரைவரையும் பணிக்கு வைத்திருந்தார். மூலக்கடை அருகேயுள்ள எருக்கஞ்சேரியில் மாசிலா மணி ஒருவருக்கு வீடு கட்டி கொடுத்து வந்தார். இந்த கட்டிட பணியை பார்வையிட நேற்று முன்தினம் அவர் காரில் எடுக்கஞ்சேரிக்கு சென்றார். அங்கு வேலை பார்த்த தொழிலாளிகளுக்கு கூலியும் கொடுத்தார்.

பின்னர் அவர் அங்கிருந்து புறப்பட்டார். ஆனால் வீடு வந்து சேர வில்லை. இதையடுத்து அவரை உறவினர்கள் பல இடங்களில் சென்று தேடினார்கள். ஆனால் கிடைக்கவில்லை. அவரது செல்போனும் சுவிட்ச் ஆப் செய்யப்பட்டிருந்தது. இதுபற்றி அவரது சகோதரர் அனந்தநாராயணன் கொடுங்கையூர் போலீசில் புகார் செய்தார். போலீசார் அவரை தேடி வந்தனர்.

இதற்கிடையே நேற்று முன்தினம் இரவு கிண்டி தொழிற்பேட்டை அருகில் ஒரு கார் எரிந்த நிலையில் காணப்பட்டது. போலீசார் விரைந்து சென்று பார்த்தபோது காருக்குள் ஒருவர் கரிக்கட்டையாக எரிந்த நிலையில் பிணமாக கிடந்தார். போலீசார் பிணத்தை கைப்பற்றி ராயப்பேட்டை அரசு ஆஸ்பத்திரிக்கு அனுப்பி வைத்தனர்.

காரில் பிணமாக கிடந்தது மாசிலாமணியாக இருக்கலாம் என்று போலீசாருக்கு சந்தேகம் ஏற்பட்டது. மாசிலாமணி காணாமல் போன அன்று காரில் ரூ. 4 1/2 லட்சம் பணம் இருந்தது. பணத்துக்காக மாசிலா மணியை டிரைவர் சுரேஷ் காருடன் எரித்து கொன்று விட்டு பணத்தை எடுத்துக் கொண்டு தப்பி ஓடி இருக்கலாம் என்று சந்தேகிக்கப்படுகிறது.

மேலும் தொழில் போட்டி காரணமாக மாசிலாமணி கொல்லப்பட்டிருக்கலாமா? என்ற சந்தேகமும் எழுந்துள்ளது. புளியந்தோப்பு துணை கமிஷனர் (பொறுப்பு) அபிஷேக் மாசிலாமணியின் மனைவி லலிதாவிடம் நேரில் சென்று விசாரணை நடத்தினார். டிரைவர் சுரேஷ் பற்றி அவரிடம் கேட்டபோது, கடந்த 1 1/2 மாதத்துக்கு முன்புதான் வேலைக்கு சேர்ந்ததாகவும், அவர் யார் என்று தெரியாது. வேறு ஒருவர் அவரை பணிக்கு சேர்த்து விட்டதாகவும் தெரிவித்தார்.

இதையடுத்து டிரைவர் சுரேசை வேலைக்கு சேர்த்து விட்டது யார்? என்று விசாரித்து அவரைப் பற்றிய விவரங்களை போலீசார் சேகரித்து வருகிறார்கள். மேலும் மாசிலாமணி சென்னையில் பல கட்டிடங்களை கட்டி வருவதால் 100-க்கும் மேற்பட்டவர்கள் அவரிடம் வேலை பார்த்தனர். அவர்களில் யாராவது பணத்துக்கு ஆசைப்பட்டு இந்த செயலில் ஈடுபட்டிருக்கலாமா என்றும் சந்தேகிக்கப்படுகிறது.

இதுபற்றி மாசிலாமணியின் சகோதரர் அனந்தநாராயணன் கூறுகையில், எனது அண்ணன் மனைவி கர்நாடகாவில் உள்ள பங்காரு பேட்டைக்கு சென்றிருந்தார். அவரை அழைத்து வர அண்ணன் திட்டமிட்டிருந்தார். அதற்குள் அவர் காருக்குள் பிணமாக கிடந்ததாக தகவல் கிடைத்தது.

இதையடுத்து அண்ணியை அங்கிருந்து வரவழைத்தோம். புதிதாக வேலைக்கு சேர்ந்த டிரைவர் சுரேஷ் மீதுதான் எங்களுக்கு சந்தேகமாக உள்ளது என்றார். இணை கமிஷனர் சண்முக ராஜேஸ்வரன் கூறும்போது, தப்பி ஓடிய டிரைவரை தேடி வருகிறோம். கொலை நடந்த இடத்தில் 4 தடயங்கள் சிக்கியுள்ளன. கொலையாளியை பிடிக்க 5 தனிப்படைகள் அமைக்கப்பட்டுள்ளன என்றார்.

சென்னை : ""தமிழக சட்டசபை தேர்தல் அமைதியாக நடந்தது. 81 சதவீதம் வரை ஓட்டுகள் பதிவாகியிருக்கும் என எதிர்பார்க்கப்படுகிறது. இந்த அளவிற்கு ஓட்டு சதவீதம் அதிகரித்ததற்கு, மக்களிடையே ஏற்பட்ட விழிப்புணர்வு தான் காரணம்,'' என்று, தமிழக தலைமைத் தேர்தல் அதிகாரி பிரவீன்குமார் கூறினார். மூன்று ஓட்டுச்சாவடிகளில் மட்டும், 15ம் தேதி மறு வாக்குப்பதிவு நடைபெறும் என்றும், அவர் தெரிவித்தார்.

இரவு அவர், நிருபர்களிடம் கூறியதாவது:ஓட்டுப்பதிவு குறித்த சதவீதம் இன்னும் முழுமையாக கிடைக்கவில்லை. பல ஓட்டுச்சாவடிகளில் கூட்டம் அதிகம் இருந்ததால், ஓட்டுப்பதிவு தொடர்ந்து நடந்து வருகிறது. எனவே, முழுமையான விவரம் நள்ளிரவுக்குள் அல்லது நாளை (இன்று) காலை தான் முழுமையான விவரம் தெரியவரும். எனினும், ஓட்டுப்பதிவு சதவீதம் 75 முதல் 81க்குள் இருக்கும் என எதிர்பார்க்கிறோம். மாநில அளவில் 65 மின்னணு ஓட்டுப்பதிவு இயந்திரங்கள் பழுதடைந்ததாக, புகார்கள் வந்தன. அதில், 11 இயந்திரங்கள் சரி செய்யப்பட்டன. 54 இயந்திரங்களுக்கு பதில், புதிய ஓட்டுப்பதிவு இயந்திரங்கள் வைக்கப்பட்டன.திருவிடைமருதூரில் இரண்டு ஓட்டுச்சாவடிகளில் அடங்கிய வாக்காளர்கள், தேர்தலை புறக்கணித்துள்ளனர். ஓட்டுச்சாவடி இடம் மாற்றம் தொடர்பான பிரச்னையில், இந்த முடிவை எடுத்ததாக அவர்கள் கூறினர். இந்த ஓட்டுச்சாவடிகளில் தலா 1,300 ஓட்டுகள் இருந்தன. மாநில அளவில், பெரிய அளவில் எந்தவிதமான அசம்பாவிதங்களும் நடைபெறவில்லை.

நெய்வேலியில், 7.10க்கு இரு தரப்பினரிடையே ஏற்பட்ட மோதலில், ஒரு ஓட்டுச்சாவடியில் இருந்த ஓட்டுப்பதிவு இயந்திரம் முற்றிலும் சேதம் அடைந்துள்ளது. எனவே, அந்த ஓட்டுச்சாவடியில் மீண்டும் ஓட்டுப்பதிவு நடைபெற வாய்ப்புள்ளது. மேலும், கன்னியாகுமரியில் ஒரு ஓட்டுச்சாவடியிலும், திருவண்ணாமலை மாவட்டம் ஆரணியில் ஒரு ஓட்டுச்சாவடியிலும் அமைக்கப்பட்டிருந்த மின்னணு ஓட்டுப்பதிவு இயந்திரத்தில், ஓட்டுகள் பதிவாகவில்லை. எனவே, இந்த இரு ஓட்டுச் சாவடிகளிலும் மறு ஓட்டுப்பதிவு நடைபெறும்.இது குறித்து, தேர்தல் கமிஷனுக்கு தெரிவித்துள்ளோம். உத்தரவு வந்ததும், மறு ஓட்டுப்பதிவு 15ம் தேதி நடைபெறும். அதிகபட்சமாக கரூர் மாவட்டத்தில் 86 சதவீதம் ஓட்டுகள் பதிவாகியுள்ளது. குறைந்தபட்சமாக, தூத்துக்குடியில் 74 சதவீதம் ஓட்டுகள் பதிவாகியுள்ளன. கடந்த சட்டசபை தேர்தலை விட (70%), இந்த தேர்தலில் ஓட்டுப்பதிவு அதிகரித்ததற்கு, மக்களிடையே குறிப்பாக இளைஞர்களிடையே அதிகளவில் ஏற்பட்ட விழிப்புணர்வு தான் காரணம்.

சென்னையில், நடுத்தர மக்களும், உயர்தட்டு மக்களும் அதிகளவில் குடும்பம், குடும்பமாக வந்து ஓட்டளித்தனர். தேர்தல் கமிஷன் மற்றும் அரசியல் கட்சியினர் ஏற்படுத்திய விழிப்புணர்வும், ஓட்டு சதவீதம் அதிகரித்ததற்கு முக்கிய காரணம். மத்திய பாதுகாப்பு படை வீரர்களுக்கு, படியை குறைத்துவிட்டதாக கூறப்பட்டது தவறு. முன்னாள் ராணுவ வீரர்களுக்கான படி, முந்தைய தேர்தலை விட 60 ரூபாய் குறைக்கப்பட்டது. இந்த தொகையை தருவதாக தெரிவித்துள்ளோம்.வாக்காளர்களுக்கு பணம் கொடுத்ததாக, 11ம் தேதி இரவு 53 பேர் கைது செய்யப்பட்டனர். இது போன்று, 1,565 புகார்கள் பதிவு செய்யப்பட்டுள்ளன. இதில், சம்பந்தபட்டவர்களுக்கு ஒரு ஆண்டு வரை சிறை தண்டனை கிடைக்கும். மாநிலத்தில், எந்த ஓட்டுச்சாவடிகளிலும் கள்ள ஓட்டு சம்பவம் நடைபெறவில்லை.இவ்வாறு பிரவீன்குமார் கூறினார்.

ஓட்டு எண்ணிக்கை எங்கு நடக்கும்? சென்னை மாவட்டத்திற்கான ஓட்டு எண்ணிக்கை, அண்ணா பல்கலைக்கழகம், லயோலா கல்லூரி மற்றும் ராணி மேரி கல்லூரி ஆகிய மூன்று இடங்களில் நடைபெறும் என, பிரவீன்குமார் தெரிவித்தார். தொகுதி வாரியாக பதிவான ஓட்டுப்பதிவு இயந்திரங்கள், இந்த மூன்று இடங்களிலும் பிரித்து பாதுகாப்புடன் வைக்கப்படும் என்றும், அவர் தெரிவித்தார்.

Electoral · Feature · Interview · Officer · Praveen kumar · State Chief · TAMILNADU

அதிக ஓட்டுப்பதிவுக்கு மக்களின் விழிப்புணர்வே காரணம் : பிரவீன்குமார் பேட்டி

சென்னை : ""தமிழக சட்டசபை தேர்தல் அமைதியாக நடந்தது. 81 சதவீதம் வரை ஓட்டுகள் பதிவாகியிருக்கும் என எதிர்பார்க்கப்படுகிறது. இந்த அளவிற்கு ஓட்டு சதவீதம் அதிகரித்ததற்கு, மக்களிடையே ஏற்பட்ட விழிப்புணர்வு தான் காரணம்,'' என்று, தமிழக தலைமைத் தேர்தல் அதிகாரி பிரவீன்குமார் கூறினார். மூன்று ஓட்டுச்சாவடிகளில் மட்டும், 15ம் தேதி மறு வாக்குப்பதிவு நடைபெறும் என்றும், அவர் தெரிவித்தார்.

இரவு அவர், நிருபர்களிடம் கூறியதாவது:ஓட்டுப்பதிவு குறித்த சதவீதம் இன்னும் முழுமையாக கிடைக்கவில்லை. பல ஓட்டுச்சாவடிகளில் கூட்டம் அதிகம் இருந்ததால், ஓட்டுப்பதிவு தொடர்ந்து நடந்து வருகிறது. எனவே, முழுமையான விவரம் நள்ளிரவுக்குள் அல்லது நாளை (இன்று) காலை தான் முழுமையான விவரம் தெரியவரும். எனினும், ஓட்டுப்பதிவு சதவீதம் 75 முதல் 81க்குள் இருக்கும் என எதிர்பார்க்கிறோம். மாநில அளவில் 65 மின்னணு ஓட்டுப்பதிவு இயந்திரங்கள் பழுதடைந்ததாக, புகார்கள் வந்தன. அதில், 11 இயந்திரங்கள் சரி செய்யப்பட்டன. 54 இயந்திரங்களுக்கு பதில், புதிய ஓட்டுப்பதிவு இயந்திரங்கள் வைக்கப்பட்டன.திருவிடைமருதூரில் இரண்டு ஓட்டுச்சாவடிகளில் அடங்கிய வாக்காளர்கள், தேர்தலை புறக்கணித்துள்ளனர். ஓட்டுச்சாவடி இடம் மாற்றம் தொடர்பான பிரச்னையில், இந்த முடிவை எடுத்ததாக அவர்கள் கூறினர். இந்த ஓட்டுச்சாவடிகளில் தலா 1,300 ஓட்டுகள் இருந்தன. மாநில அளவில், பெரிய அளவில் எந்தவிதமான அசம்பாவிதங்களும் நடைபெறவில்லை.

நெய்வேலியில், 7.10க்கு இரு தரப்பினரிடையே ஏற்பட்ட மோதலில், ஒரு ஓட்டுச்சாவடியில் இருந்த ஓட்டுப்பதிவு இயந்திரம் முற்றிலும் சேதம் அடைந்துள்ளது. எனவே, அந்த ஓட்டுச்சாவடியில் மீண்டும் ஓட்டுப்பதிவு நடைபெற வாய்ப்புள்ளது. மேலும், கன்னியாகுமரியில் ஒரு ஓட்டுச்சாவடியிலும், திருவண்ணாமலை மாவட்டம் ஆரணியில் ஒரு ஓட்டுச்சாவடியிலும் அமைக்கப்பட்டிருந்த மின்னணு ஓட்டுப்பதிவு இயந்திரத்தில், ஓட்டுகள் பதிவாகவில்லை. எனவே, இந்த இரு ஓட்டுச் சாவடிகளிலும் மறு ஓட்டுப்பதிவு நடைபெறும்.இது குறித்து, தேர்தல் கமிஷனுக்கு தெரிவித்துள்ளோம். உத்தரவு வந்ததும், மறு ஓட்டுப்பதிவு 15ம் தேதி நடைபெறும். அதிகபட்சமாக கரூர் மாவட்டத்தில் 86 சதவீதம் ஓட்டுகள் பதிவாகியுள்ளது. குறைந்தபட்சமாக, தூத்துக்குடியில் 74 சதவீதம் ஓட்டுகள் பதிவாகியுள்ளன. கடந்த சட்டசபை தேர்தலை விட (70%), இந்த தேர்தலில் ஓட்டுப்பதிவு அதிகரித்ததற்கு, மக்களிடையே குறிப்பாக இளைஞர்களிடையே அதிகளவில் ஏற்பட்ட விழிப்புணர்வு தான் காரணம்.

சென்னையில், நடுத்தர மக்களும், உயர்தட்டு மக்களும் அதிகளவில் குடும்பம், குடும்பமாக வந்து ஓட்டளித்தனர். தேர்தல் கமிஷன் மற்றும் அரசியல் கட்சியினர் ஏற்படுத்திய விழிப்புணர்வும், ஓட்டு சதவீதம் அதிகரித்ததற்கு முக்கிய காரணம். மத்திய பாதுகாப்பு படை வீரர்களுக்கு, படியை குறைத்துவிட்டதாக கூறப்பட்டது தவறு. முன்னாள் ராணுவ வீரர்களுக்கான படி, முந்தைய தேர்தலை விட 60 ரூபாய் குறைக்கப்பட்டது. இந்த தொகையை தருவதாக தெரிவித்துள்ளோம்.வாக்காளர்களுக்கு பணம் கொடுத்ததாக, 11ம் தேதி இரவு 53 பேர் கைது செய்யப்பட்டனர். இது போன்று, 1,565 புகார்கள் பதிவு செய்யப்பட்டுள்ளன. இதில், சம்பந்தபட்டவர்களுக்கு ஒரு ஆண்டு வரை சிறை தண்டனை கிடைக்கும். மாநிலத்தில், எந்த ஓட்டுச்சாவடிகளிலும் கள்ள ஓட்டு சம்பவம் நடைபெறவில்லை.இவ்வாறு பிரவீன்குமார் கூறினார்.

ஓட்டு எண்ணிக்கை எங்கு நடக்கும்? சென்னை மாவட்டத்திற்கான ஓட்டு எண்ணிக்கை, அண்ணா பல்கலைக்கழகம், லயோலா கல்லூரி மற்றும் ராணி மேரி கல்லூரி ஆகிய மூன்று இடங்களில் நடைபெறும் என, பிரவீன்குமார் தெரிவித்தார். தொகுதி வாரியாக பதிவான ஓட்டுப்பதிவு இயந்திரங்கள், இந்த மூன்று இடங்களிலும் பிரித்து பாதுகாப்புடன் வைக்கப்படும் என்றும், அவர் தெரிவித்தார்.