இடாநகர் மே 4: அருணாசலப் பிரதேச முதல்வர் டோர்ஜி காண்டு (56) சென்ற ஹெலிகாப்டர் விபத்துக்குள்ளானது உறுதியாகியுள்ளது. அவர் உள்பட ஹெலிகாப்டரில் பயணம் செய்த 5 பேரும் மரணம் அடைந்தனர்.
இதை மத்திய உள்துறை அமைச்சர் ப.சிதம்பரம் புதன்கிழமை உறுதி செய்தார். டோர்ஜி காண்டுவின் இறுதிச் சடங்கில் கலந்து கொள்ள அவர் இடாநகருக்கு ஹெலிகாப்டரில் புறப்பட்டுச் சென்றார்.
அருணாசலப் பிரதேசத்தின் தவாங் மாவட்டத்தில் கேலா, லுகுதாங்குக்கு இடைப்பட்ட மலைப் பிரதேசத்தில் டோர்ஜி காண்டு சென்ற ஹெலிகாப்டரின் சிதறிய பாகங்கள் கண்டறியப்பட்டன.
அந்த இடத்தில் 5 உடல்களும் கருகிய நிலையில் கண்டுபிடிக்கப்பட்டுள்ளன. இதில் ஒரு உடலை டோர் ஜி காண்டுதான் என்று அவரது உறவினரும், பஞ்சாயத்துத் தலைவருமான துப்தன் என்பவர் அடையாளம் கண்டு கூறினார். மற்றொருவரின் உடலும் அடையாளம் காணப்பட்டது. பிற மூவரின் உடல்களை அடையாளம் காண முடியவில்லை.
டோர்ஜி காண்டு சென்ற ஹெலிகாப்டர் காணாமல் போனதும் கிராம மக்களின் உதவியும் கோரப்பட்டது. இதையடுத்து அவர்களும் முழுவீச்சில் தேடிவந்தனர். இந்நிலையில் தவாங் மாவட்டத்தின் மலைப் பகுதியில் சுமார் 4900 மீட்டர் உயரத்தில் ஹெலிகாப்டர் சிதைந்து கிடப்பதைத் தேடும் பணியில் ஈடுபட்டிருந்த கிராம மக்கள் கண்டறிந்தனர். இடாநகரில் உள்ள காவல்துறை கட்டுப்பாட்டு அறைக்கு தகவல் தெரிவித்தனர்.
ராணுவக் குழு விரைவு... பின்னர் இதுகுறித்து அருகில் உள்ள ராணுவ சோதனை சாவடிக்கு தகவல் தெரிவிக்கப்பட்டது. அவர்கள் அங்கு விரைந்துள்ளனர். ஹெலிகாப்டர் சிதைந்து கிடக்கும் இடத்தை ராணுவ வீரர்கள் சென்றடைய இன்னும் சில மணி நேரம் ஆகும் என மத்திய உள்துறை அமைச்சகம் தெரிவித்துள்ளது.
முதல்வர் டோர்ஜி காண்டு கடந்த சனிக்கிழமை தவாங்கில் இருந்து இடாநகருக்கு பவன் ஹான்ஸ் நிறுவனத்தின் ஹெலிகாப்டரில் பயணம் செய்தார். அவருடன் 2 விமானிகள் உள்பட 4 பேர் இருந்தனர். புறப்பட்ட 20 நிமிடங்களில் ஹெலிகாப்டர் அனைத்து தகவல் தொடர்பையும் இழந்தது.
இதையடுத்து ஹெலிகாப்டர் விபத்தில் சிக்கியிருக்குமோ என்ற சந்தேகம் எழுந்தது. ஹெலிகாப்டரைத் தேடும் பணி முடுக்கிவிடப்பட்டது.
இதனிடையே, இஸ்ரோவின் உதவியும் நாடப்பட்டது. செயற்கைக்கோள் படம் பிடித்து அனுப்பியதில் இந்திய எல்லையை ஒட்டிய பூடான் பகுதியில் ஹெலிகாப்டரின் உடைந்த பாகங்கள் கிடப்பது போல் தெரிந்தது. இதையடுத்து அந்த இடத்துக்கு ஐடிபிபி வீரர்கள் 300 பேர் அனுப்பி வைக்கப்பட்டனர்.
சொந்த வாழ்க்கை: டோர்ஜி காண்டு மோன்பா பழங்குடியினத்தைச் சேர்ந்தவர். பள்ளிப் படிப்பை பாதியில் நிறுத்தியவர். ராணுவத்தில் 7 ஆண்டுகளுக்கு மேல் பணியாற்றியுள்ளார். வங்கதேசப் போரின் போது சிறப்பாகப் பணியாற்றியதற்கு தங்கப் பதக்கம் பெற்றவர். பணி ஓய்வுக்குப் பின்னர் காங்கிரஸில் தன்னை இணைத்துக் கொண்டு தீவிரமாகச் செயல்பட்டார். அருணாசலப் பிரதேசத்தின் 6-வது முதல்வர். இப்போது 2-வது தடவையாக முதல்வர் பதவி வகித்தார். இவருக்கு 2 மனைவிகள். 4 மகன்கள். 2 மகள்கள் உள்ளனர்.
வேதனையாக உள்ளது...
தில்லியில் புதன்கிழமை செய்தியாளர்களுக்கு பேட்டியளித்த உள்துறை அமைச்சர் ப.சிதம்பரம், டோர்ஜி காண்டுவின் ஹெலிகாப்டர் மாயமாகி சில தினங்கள் ஆனாலும் அவர் உயிருடன் இருப்பார் என்று நம்பி வந்தோம். அவரை மீட்க பல்வேறு வழிகளில் தீவிரமாக முயற்சித்தோம். இந்நிலையில் தவாங் மாவட்டத்தில் ஹெலிகாப்டர் ஒன்று சிதறிக்கிடப்பதை கிராம மக்கள் கண்டறிந்துள்ளனர். அங்கு கிடந்த உடலை டோர்ஜி காண்டுதான் என்று அவரது உறவினர் அடையாளம் காட்டியுள்ளார். அந்த இடத்துக்கு ராணுவம் விரைந்துள்ளது. இந்த செய்தி வேதனையை ஏற்படுத்தியுள்ளது என்றார்.
விபத்தில் சிக்கியதா?
டோர்ஜி காண்டு சென்ற ஹெலிகாப்டர் பறந்து கொண்டிருக்கும் போது தொழில்நுட்பக் கோளாறு காரணமாக கீழே விழுந்து நொறுங்கியதா? அல்லது மோசமான வானிலை காரணமாக மலையின் மீது மோதி விபத்துக்குள்ளானதா? அல்லது சதி வேலையா என்பது குறித்தும் விசாரணை நடைபெறும் என்று தெரிகிறது.
சொந்த கிராமத்தில் அடக்கம்
இடாநகரில் செய்தியாளர்களுக்குப் பேட்டியளித்த வடகிழக்கு மாநிலங்களின் மேம்பாட்டுக்கான மத்திய அமைச்சர் பி.கே.ஹண்டிக், ஹெலிகாப்டரின் பாகங்கள் சிதறிக் கிடக்கும் இடத்தில் 5 உடல்களும் இருப்பதாக தகவல் வந்துள்ளது. அடர்ந்த வனப் பகுதியாக இருப்பதால் உடல்களை அங்கிருந்து கொண்டுவருவது சிரமமாக இருக்கும். இதில் தாமதமும் ஏற்படலாம்.
ஆனால் டோர்ஜியின் உடல் எப்படியும் இடாநகருக்கு கொண்டுவந்து பொதுமக்களின் அஞ்சலிக்கு வைக்கப்படும். பின்னர் தவாங் மாவட்டத்தில் உள்ள அவரது சொந்த கிராமமான கியாங்கருக்கு கொண்டு சென்று அடக்கம் செய்யப்படும் என்றார்.
அடுத்த முதல்வர் யார்?
முதல்வர் டோர்ஜி காண்டு மரணம் அடைந்துள்ளதால், அந்த மாநிலத்தின் அடுத்த முதல்வராக யார் தேர்வு செய்யப்படுவார் என்ற கேள்வி எழுந்துள்ளது.
இதுகுறித்து மத்திய அமைச்சர் ஹண்டிக்கிடம் கேட்டதற்கு, அடுத்த முதல்வர் யார் என்று இப்போது சொல்ல முடியாது.
மாநிலத்தின் நலனை கருத்தில் கொண்டு நல்ல முடிவு எடுக்கப்படும்.
இப்போது மாநிலத்தின் அரசியல் சூழலை மத்திய அமைச்சர்கள் நாராயணசாமியும், முகுல் வாஸ்னிக்கும் கூர்ந்து கவனித்து வருகின்றனர் என்றார் ஹண்டிக்.

accident · Arunachal Pradesh · CM · Dead · Feature · helicopter · INDIA

ஹெலிகாப்டர் விபத்தில் அருணாசல முதல்வர் மரணம்

இடாநகர் மே 4: அருணாசலப் பிரதேச முதல்வர் டோர்ஜி காண்டு (56) சென்ற ஹெலிகாப்டர் விபத்துக்குள்ளானது உறுதியாகியுள்ளது. அவர் உள்பட ஹெலிகாப்டரில் பயணம் செய்த 5 பேரும் மரணம் அடைந்தனர்.
இதை மத்திய உள்துறை அமைச்சர் ப.சிதம்பரம் புதன்கிழமை உறுதி செய்தார். டோர்ஜி காண்டுவின் இறுதிச் சடங்கில் கலந்து கொள்ள அவர் இடாநகருக்கு ஹெலிகாப்டரில் புறப்பட்டுச் சென்றார்.
அருணாசலப் பிரதேசத்தின் தவாங் மாவட்டத்தில் கேலா, லுகுதாங்குக்கு இடைப்பட்ட மலைப் பிரதேசத்தில் டோர்ஜி காண்டு சென்ற ஹெலிகாப்டரின் சிதறிய பாகங்கள் கண்டறியப்பட்டன.
அந்த இடத்தில் 5 உடல்களும் கருகிய நிலையில் கண்டுபிடிக்கப்பட்டுள்ளன. இதில் ஒரு உடலை டோர் ஜி காண்டுதான் என்று அவரது உறவினரும், பஞ்சாயத்துத் தலைவருமான துப்தன் என்பவர் அடையாளம் கண்டு கூறினார். மற்றொருவரின் உடலும் அடையாளம் காணப்பட்டது. பிற மூவரின் உடல்களை அடையாளம் காண முடியவில்லை.
டோர்ஜி காண்டு சென்ற ஹெலிகாப்டர் காணாமல் போனதும் கிராம மக்களின் உதவியும் கோரப்பட்டது. இதையடுத்து அவர்களும் முழுவீச்சில் தேடிவந்தனர். இந்நிலையில் தவாங் மாவட்டத்தின் மலைப் பகுதியில் சுமார் 4900 மீட்டர் உயரத்தில் ஹெலிகாப்டர் சிதைந்து கிடப்பதைத் தேடும் பணியில் ஈடுபட்டிருந்த கிராம மக்கள் கண்டறிந்தனர். இடாநகரில் உள்ள காவல்துறை கட்டுப்பாட்டு அறைக்கு தகவல் தெரிவித்தனர்.
ராணுவக் குழு விரைவு... பின்னர் இதுகுறித்து அருகில் உள்ள ராணுவ சோதனை சாவடிக்கு தகவல் தெரிவிக்கப்பட்டது. அவர்கள் அங்கு விரைந்துள்ளனர். ஹெலிகாப்டர் சிதைந்து கிடக்கும் இடத்தை ராணுவ வீரர்கள் சென்றடைய இன்னும் சில மணி நேரம் ஆகும் என மத்திய உள்துறை அமைச்சகம் தெரிவித்துள்ளது.
முதல்வர் டோர்ஜி காண்டு கடந்த சனிக்கிழமை தவாங்கில் இருந்து இடாநகருக்கு பவன் ஹான்ஸ் நிறுவனத்தின் ஹெலிகாப்டரில் பயணம் செய்தார். அவருடன் 2 விமானிகள் உள்பட 4 பேர் இருந்தனர். புறப்பட்ட 20 நிமிடங்களில் ஹெலிகாப்டர் அனைத்து தகவல் தொடர்பையும் இழந்தது.
இதையடுத்து ஹெலிகாப்டர் விபத்தில் சிக்கியிருக்குமோ என்ற சந்தேகம் எழுந்தது. ஹெலிகாப்டரைத் தேடும் பணி முடுக்கிவிடப்பட்டது.
இதனிடையே, இஸ்ரோவின் உதவியும் நாடப்பட்டது. செயற்கைக்கோள் படம் பிடித்து அனுப்பியதில் இந்திய எல்லையை ஒட்டிய பூடான் பகுதியில் ஹெலிகாப்டரின் உடைந்த பாகங்கள் கிடப்பது போல் தெரிந்தது. இதையடுத்து அந்த இடத்துக்கு ஐடிபிபி வீரர்கள் 300 பேர் அனுப்பி வைக்கப்பட்டனர்.
சொந்த வாழ்க்கை: டோர்ஜி காண்டு மோன்பா பழங்குடியினத்தைச் சேர்ந்தவர். பள்ளிப் படிப்பை பாதியில் நிறுத்தியவர். ராணுவத்தில் 7 ஆண்டுகளுக்கு மேல் பணியாற்றியுள்ளார். வங்கதேசப் போரின் போது சிறப்பாகப் பணியாற்றியதற்கு தங்கப் பதக்கம் பெற்றவர். பணி ஓய்வுக்குப் பின்னர் காங்கிரஸில் தன்னை இணைத்துக் கொண்டு தீவிரமாகச் செயல்பட்டார். அருணாசலப் பிரதேசத்தின் 6-வது முதல்வர். இப்போது 2-வது தடவையாக முதல்வர் பதவி வகித்தார். இவருக்கு 2 மனைவிகள். 4 மகன்கள். 2 மகள்கள் உள்ளனர்.
வேதனையாக உள்ளது...
தில்லியில் புதன்கிழமை செய்தியாளர்களுக்கு பேட்டியளித்த உள்துறை அமைச்சர் ப.சிதம்பரம், டோர்ஜி காண்டுவின் ஹெலிகாப்டர் மாயமாகி சில தினங்கள் ஆனாலும் அவர் உயிருடன் இருப்பார் என்று நம்பி வந்தோம். அவரை மீட்க பல்வேறு வழிகளில் தீவிரமாக முயற்சித்தோம். இந்நிலையில் தவாங் மாவட்டத்தில் ஹெலிகாப்டர் ஒன்று சிதறிக்கிடப்பதை கிராம மக்கள் கண்டறிந்துள்ளனர். அங்கு கிடந்த உடலை டோர்ஜி காண்டுதான் என்று அவரது உறவினர் அடையாளம் காட்டியுள்ளார். அந்த இடத்துக்கு ராணுவம் விரைந்துள்ளது. இந்த செய்தி வேதனையை ஏற்படுத்தியுள்ளது என்றார்.
விபத்தில் சிக்கியதா?
டோர்ஜி காண்டு சென்ற ஹெலிகாப்டர் பறந்து கொண்டிருக்கும் போது தொழில்நுட்பக் கோளாறு காரணமாக கீழே விழுந்து நொறுங்கியதா? அல்லது மோசமான வானிலை காரணமாக மலையின் மீது மோதி விபத்துக்குள்ளானதா? அல்லது சதி வேலையா என்பது குறித்தும் விசாரணை நடைபெறும் என்று தெரிகிறது.
சொந்த கிராமத்தில் அடக்கம்
இடாநகரில் செய்தியாளர்களுக்குப் பேட்டியளித்த வடகிழக்கு மாநிலங்களின் மேம்பாட்டுக்கான மத்திய அமைச்சர் பி.கே.ஹண்டிக், ஹெலிகாப்டரின் பாகங்கள் சிதறிக் கிடக்கும் இடத்தில் 5 உடல்களும் இருப்பதாக தகவல் வந்துள்ளது. அடர்ந்த வனப் பகுதியாக இருப்பதால் உடல்களை அங்கிருந்து கொண்டுவருவது சிரமமாக இருக்கும். இதில் தாமதமும் ஏற்படலாம்.
ஆனால் டோர்ஜியின் உடல் எப்படியும் இடாநகருக்கு கொண்டுவந்து பொதுமக்களின் அஞ்சலிக்கு வைக்கப்படும். பின்னர் தவாங் மாவட்டத்தில் உள்ள அவரது சொந்த கிராமமான கியாங்கருக்கு கொண்டு சென்று அடக்கம் செய்யப்படும் என்றார்.
அடுத்த முதல்வர் யார்?
முதல்வர் டோர்ஜி காண்டு மரணம் அடைந்துள்ளதால், அந்த மாநிலத்தின் அடுத்த முதல்வராக யார் தேர்வு செய்யப்படுவார் என்ற கேள்வி எழுந்துள்ளது.
இதுகுறித்து மத்திய அமைச்சர் ஹண்டிக்கிடம் கேட்டதற்கு, அடுத்த முதல்வர் யார் என்று இப்போது சொல்ல முடியாது.
மாநிலத்தின் நலனை கருத்தில் கொண்டு நல்ல முடிவு எடுக்கப்படும்.
இப்போது மாநிலத்தின் அரசியல் சூழலை மத்திய அமைச்சர்கள் நாராயணசாமியும், முகுல் வாஸ்னிக்கும் கூர்ந்து கவனித்து வருகின்றனர் என்றார் ஹண்டிக்.

வாஷிங்டன்: பாகிஸ்தானில் கொல்லப்பட்ட ஒசாமா பின் லேடனின் உடலில் இருந்து எடுக்கப்பட்ட திசுவிலிருந்த டிஎன்ஏவை, இறந்து போன அவரது சகோதரியின் மூளை திசுவிலிருந்து எடுத்த டிஎன்ஏவுடன் ஒப்பிட்டுப் பார்த்து, அது பின் லேடன் தான் என்ற முடிவுக்கு வந்துள்ளது சிஐஏ.

நியூயார்க்கில் விமானத் தாக்குதல் நடந்தவுடன் அமெரிக்காவின் சிஐஏ உளவுப் பிரிவு உலகம் முழுதும் வசித்து வரும் பின்லேடனின் குடும்ப உறுப்பினர்களை பட்டியல் எடுத்து, அவர்களில் பெரும்பாலானவர்களின் ரத்த மாதிரியையும் திசுக்களையும் எடுத்து டிஎன்ஏ 'சிக்னேச்சரையும்' பதிவு செய்து வைத்துவிட்டது.

வழக்கமாக ஒரு நபரின் டிஎன்ஏ அவரது பெற்றோர் அல்லது குழந்தையின் டிஎன்ஏவோடு 50 சதவீதம் தான் ஒத்து இருக்கும். இன்னொரு 50 சதவீத டிஎன்ஏ அவருக்கே உரிய தனித்துவத்துடன் இருக்கும்.

இதனால் டிஎன்ஏ மேட்சிங் செய்யும்போது ஏற்படும் குறையைக் கலைய, பெற்றோர், குழந்தைகள் மற்றும் நெருங்கிய உறவுகளின் டிஎன்ஏக்களுடன் ஒப்பிட்டுப் பார்க்கப்படும். இதன்மூலம் குறையை (error) கலைய முடியும்.

இதற்காக கடந்த 10 ஆண்டுகளாகவே பின்லேடனின் பல உறவினர்களிடமும் சிஐஏ டிஎன்ஏ மாதிரிகளை சேகரித்து வந்தது.

ஆனால், பின்லேடனுக்கு உடன் பிறந்த சகோதர சகோதரிகள் இல்லை. அவரது சகோதரர்கள், சகோதரிகள் அனைவருமே ஒன்றுவிட்ட சகோதரிகள் அல்லது சகோதரர்கள் தான் (siblings). இவர்களில் பெரும்பாலானவர்கள், பின்லேடன் தீவிரவாதப் பாதைக்குத் திரும்பியவுடனேயே அவருடனான தொடர்பை துண்டித்துக் கொண்டவர்கள்.

இதில் ஒரு சகோதரி அமெரிக்காவின் பாஸ்டன் நகரில் வசித்து வந்தார். புற்று நோயால் பாதிக்கப்பட்ட அவர் மசாசூசெட்ஸ் அரசு மருத்துவமனையில் அனுமதிக்கப்பட்டு பலியானவுடன், அமெரிக்க அதிகாரிகள் நீதிமன்ற உதவியோடு, அந்தப் பெண்ணின் மூளையில் இருந்து திசுக்களில் இருந்து டிஎன்ஏ மாதிரியை எடுத்து வைத்திருந்தனர்.

பின்லேடன் கொல்லப்பட்டவுடன், அவரது உடலிருந்து எடுக்கப்பட்ட டிஎன்ஏவை அவரது இந்த உறவினர்களின் உடலிலிருந்து எடுக்கப்பட்ட டிஎன்ஏவோடு ஒப்பிட்டபோது 99.9 சதவீதம் இது பின்லேடன் என்று உறுதிப்படுத்தப்பட்டதாக அமெரிக்கா தெரிவித்துள்ளது.

இது தவிர பாகிஸ்தானில் பிடிபட்ட பின்லேடனின் இரு மனைவிகளிடமும் அவரது உடலை அமெரிக்கப் படையினர் காட்டி, அது பின்லேடன் தான் என்று உறுதி செய்ததாகவும் கூறப்படுகிறது.

வழக்கமாக டிஎன்ஏ மேட்சிங் செய்ய 14 நாட்கள் வரை ஆகும். ஆனால், கடந்த ஆண்டு அரிசோனா பல்கலைக்கழகத்தின் நுண்ணியிரியல் பிரிவு ஒரு சாதனத்தைக் கண்டுபிடித்தது. 2 மணி நேரத்தில் டிஎன்ஏ மேட்சிங் செய்யும் அந்த அதிநவீன கருவியை சிஐஏ, ஆப்கானில்தானில் தயார் நிலையில் வைத்திருந்தது.

பின்லேடனின் உடலை அங்கு கொண்டு சென்று டிஎன்ஏ சோதனையை முடித்துவிட்டு, இது 99.9 சதவீதம் பின்லேடன் தான் என்று தகவல் தரப்பட்ட பின்னரே தொலைக்காட்சிகள் முன் தோன்றி அவர் கொல்லப்பட்டதை அறிவித்தார் அமெரிக்க அதிபர் ஒபாமா.

ஆனாலும் மிச்சமுள்ள 0.1 சதவீத சந்தேகத்தை வைத்து இது பின்லேடன் இல்லை என்று வாதிடுவோர் நிச்சயம் இருக்கத் தான் செய்வார்கள் என்கிறார், டிஎன்ஏ ஆராய்ச்சியாளரான கி்ட் ஏடன்.

america · Dead · DNA · Feature · Match in Laden's · Osama Bin Laden · Samples · Sister · WORLD

இறந்தது பின்லேடன் தான்-உறுதி செய்ய உதவிய இறந்து போன சகோதரியின் மூளை திசு டிஎன்ஏ!

வாஷிங்டன்: பாகிஸ்தானில் கொல்லப்பட்ட ஒசாமா பின் லேடனின் உடலில் இருந்து எடுக்கப்பட்ட திசுவிலிருந்த டிஎன்ஏவை, இறந்து போன அவரது சகோதரியின் மூளை திசுவிலிருந்து எடுத்த டிஎன்ஏவுடன் ஒப்பிட்டுப் பார்த்து, அது பின் லேடன் தான் என்ற முடிவுக்கு வந்துள்ளது சிஐஏ.

நியூயார்க்கில் விமானத் தாக்குதல் நடந்தவுடன் அமெரிக்காவின் சிஐஏ உளவுப் பிரிவு உலகம் முழுதும் வசித்து வரும் பின்லேடனின் குடும்ப உறுப்பினர்களை பட்டியல் எடுத்து, அவர்களில் பெரும்பாலானவர்களின் ரத்த மாதிரியையும் திசுக்களையும் எடுத்து டிஎன்ஏ 'சிக்னேச்சரையும்' பதிவு செய்து வைத்துவிட்டது.

வழக்கமாக ஒரு நபரின் டிஎன்ஏ அவரது பெற்றோர் அல்லது குழந்தையின் டிஎன்ஏவோடு 50 சதவீதம் தான் ஒத்து இருக்கும். இன்னொரு 50 சதவீத டிஎன்ஏ அவருக்கே உரிய தனித்துவத்துடன் இருக்கும்.

இதனால் டிஎன்ஏ மேட்சிங் செய்யும்போது ஏற்படும் குறையைக் கலைய, பெற்றோர், குழந்தைகள் மற்றும் நெருங்கிய உறவுகளின் டிஎன்ஏக்களுடன் ஒப்பிட்டுப் பார்க்கப்படும். இதன்மூலம் குறையை (error) கலைய முடியும்.

இதற்காக கடந்த 10 ஆண்டுகளாகவே பின்லேடனின் பல உறவினர்களிடமும் சிஐஏ டிஎன்ஏ மாதிரிகளை சேகரித்து வந்தது.

ஆனால், பின்லேடனுக்கு உடன் பிறந்த சகோதர சகோதரிகள் இல்லை. அவரது சகோதரர்கள், சகோதரிகள் அனைவருமே ஒன்றுவிட்ட சகோதரிகள் அல்லது சகோதரர்கள் தான் (siblings). இவர்களில் பெரும்பாலானவர்கள், பின்லேடன் தீவிரவாதப் பாதைக்குத் திரும்பியவுடனேயே அவருடனான தொடர்பை துண்டித்துக் கொண்டவர்கள்.

இதில் ஒரு சகோதரி அமெரிக்காவின் பாஸ்டன் நகரில் வசித்து வந்தார். புற்று நோயால் பாதிக்கப்பட்ட அவர் மசாசூசெட்ஸ் அரசு மருத்துவமனையில் அனுமதிக்கப்பட்டு பலியானவுடன், அமெரிக்க அதிகாரிகள் நீதிமன்ற உதவியோடு, அந்தப் பெண்ணின் மூளையில் இருந்து திசுக்களில் இருந்து டிஎன்ஏ மாதிரியை எடுத்து வைத்திருந்தனர்.

பின்லேடன் கொல்லப்பட்டவுடன், அவரது உடலிருந்து எடுக்கப்பட்ட டிஎன்ஏவை அவரது இந்த உறவினர்களின் உடலிலிருந்து எடுக்கப்பட்ட டிஎன்ஏவோடு ஒப்பிட்டபோது 99.9 சதவீதம் இது பின்லேடன் என்று உறுதிப்படுத்தப்பட்டதாக அமெரிக்கா தெரிவித்துள்ளது.

இது தவிர பாகிஸ்தானில் பிடிபட்ட பின்லேடனின் இரு மனைவிகளிடமும் அவரது உடலை அமெரிக்கப் படையினர் காட்டி, அது பின்லேடன் தான் என்று உறுதி செய்ததாகவும் கூறப்படுகிறது.

வழக்கமாக டிஎன்ஏ மேட்சிங் செய்ய 14 நாட்கள் வரை ஆகும். ஆனால், கடந்த ஆண்டு அரிசோனா பல்கலைக்கழகத்தின் நுண்ணியிரியல் பிரிவு ஒரு சாதனத்தைக் கண்டுபிடித்தது. 2 மணி நேரத்தில் டிஎன்ஏ மேட்சிங் செய்யும் அந்த அதிநவீன கருவியை சிஐஏ, ஆப்கானில்தானில் தயார் நிலையில் வைத்திருந்தது.

பின்லேடனின் உடலை அங்கு கொண்டு சென்று டிஎன்ஏ சோதனையை முடித்துவிட்டு, இது 99.9 சதவீதம் பின்லேடன் தான் என்று தகவல் தரப்பட்ட பின்னரே தொலைக்காட்சிகள் முன் தோன்றி அவர் கொல்லப்பட்டதை அறிவித்தார் அமெரிக்க அதிபர் ஒபாமா.

ஆனாலும் மிச்சமுள்ள 0.1 சதவீத சந்தேகத்தை வைத்து இது பின்லேடன் இல்லை என்று வாதிடுவோர் நிச்சயம் இருக்கத் தான் செய்வார்கள் என்கிறார், டிஎன்ஏ ஆராய்ச்சியாளரான கி்ட் ஏடன்.