சோம்தேவ்-மார்டின் ஜோடி காலிறுதியில் நுழைவு

தென் ஆப்பிரிக்க ஓபன் டென்னிஸ் ஒற்றையரில் காலிறுதிக்குத் தகுதி பெற்ற சோம்தேவ் தேவ்வர்மன், இரட்டையரிலும் காலிறுதிச் சுற்றுக்குத் தகுதிபெற்றார்.

அம்ரிக்க வீரர் டேவிட் மார்டின் என்பவருடன் ஜோடி சேர்ந்து விளையாடுகிறார் சோம்தேவ் தேவ் வர்மன்.

இன்று நடைபெற்ற இரட்டையர் ஆட்டத்தில் சோம்தேவ்-மார்டின் இணை ஆஸ்ட்ரியாவின் மார்டின் ஃபிஷர், ஜெர்மனியின் ரைனர் ஷட்லர் இணையை 6- 3, 6- 4 என்ற செட் கணக்கில் வீழ்த்தி காலிறுதிக்குச் சுற்றுக்குத் தகுதி பெற்றனர்.

காலிறுதியில் சோம்தேவ்-மார்டின் இணை ஸ்லோவாக்கியா-இஸ்ரேல் இணையான கரோல் பெக்-டுடி செலா இணையை எதிர்கொள்கின்றனர்.

ஒற்றையர் காலிறுதியில் தென் ஆப்பிரிக்க வீரரான ரிக் டீ வோஸ்ட் என்பவரை சந்திக்கிறார்.