புதுடில்லி: ஐ.பி.எல்., லீக் போட்டியில் சச்சினின் மும்பை இந்தியன்ஸ் அணி, 8 விக்கெட்டுகள் வித்தியாசத்தில் அபார வெற்றி பெற்றது. வேகப்பந்து வீச்சில் மிரட்டிய மலிங்கா, 5 விக்கெட் வீழ்த்தி அசத்தினார். பேட்டிங்கில் சொதப்பிய சேவக்கின் டில்லி அணி பரிதாபமாக தோல்வியடைந்தது.
இந்தியாவில் நான்காவது ஐ.பி.எல்., "டுவென்டி-20' தொடர் நடக்கிறது. டில்லியில் நடந்த லீக் போட்டியில் மும்பை இந்தியன்ஸ், டில்லி டேர்டெவில்ஸ் அணிகள் மோதின. "டாஸ்' வென்ற டில்லி அணி கேப்டன் சேவக், பேட்டிங் தேர்வு செய்தார்.
அதிர்ச்சித் துவக்கம்:
டில்லி அணிக்கு சேவக், வார்னர் துவக்கம் கொடுத்தனர். ஹர்பஜன் வீசிய முதல் ஓவரில் சிக்சர் அடித்து அதிரடியை துவக்கினார் சேவக். ஆனால் அடுத்து மலிங்காவின் ஓவரில் எல்லாமே தலைகீழானது. இவரது வேகத்தில் இரண்டாவது பந்தில் வார்னர் (1) போல்டானார். பின் நான்காவது பந்தில் சந்த்தையும் (0) போல்டாக்கினார்.
சேவக் ஏமாற்றம்:
இருப்பினும் சேவக், அவ்வப்போது பவுண்டரி அடித்து ஆறுதல் தந்தார். இவர் 19 ரன் எடுத்திருந்த போது, துரதிர்ஷ்டவசமாக ரன் அவுட்டானார். அடுத்து வந்த நமன் ஓஜா, முனாப் படேல் ஓவரில் தலா ஒரு பவுண்டரி, சிக்சர் அடித்து அசத்தினார். மறுமுனையில் பின்ச்சை (8), ஹர்பஜன் தனது சுழலில் வெளியேற்றினார்.
மலிங்கா அபாரம்:
சற்று தாக்குப்பிடித்த ஓஜா, 29 ரன்கள் எடுத்து திரும்பினார். அதிகம் எதிர்பார்க்கப்பட்ட இர்பான் பதான், "டக்' அவுட்டானார். அதன்பின் மலிங்கா மீண்டும் மிரட்டத் துவங்கினார். இம்முறை முதலில் வேணுகோபால் ராவை (26), போல்டாக்கிய மலிங்கா, அதே ஓவரில் மார்கலையும் போல்டாக்கி அதிர்ச்சி தந்தார். கடைசியாக வந்த டிண்டாவும், மலிங்கா வேகத்தில் சிக்கினார்.
டில்லி டேர்டெவில்ஸ் அணி 17.4 ஓவரில் 95 ரன்களுக்கு சுருண்டது. மும்பை அணியின் மலிங்கா, 5 விக்கெட் வீழ்த்தினார். ஹர்பஜன் தன்பங்கிற்கு 2 விக்கெட் கைப்பற்றினார்.
ஜேக்கப்ஸ் ஏமாற்றம்:
போகிற போக்கில் எட்டக்கூடிய இலக்கை துரத்திய மும்பை இந்தியன்ஸ் அணிக்கு கேப்டன் சச்சின், ஜேக்கப்ஸ் துவக்கம் தந்தனர். ஜேக்கப்ஸ் ஒரு ரன்னில் அவுட்டானார். அம்பாதி ராயுடு (14) விரைவில் அவுட்டானார்.
சச்சின் அபாரம்:
பின் சச்சினுடன் ரோகித் சர்மா இணைந்தார். இந்த ஜோடி பதட்டமில்லாமல் ரன் சேர்த்தது. இதனிடையே மார்கல் ஓவரில், 3 பவுண்டரி அடித்து அதிரடிக்கு மாறினார் ரோகித் சர்மா. மறுபுறம் மெர்வி பந்தில், சச்சின் "சூப்பர்' சிக்சர் அடித்து அசத்தினார். இர்பான் பதான் பந்தில், சச்சின் ஒரு பவுண்டரி அடிக்க, மும்பை இந்தியன்ஸ் அணி 16.5 ஓவரில் 2 விக்கெட்டுக்கு 99 ரன்கள் எடுத்து, அபார வெற்றி பெற்றது.
சச்சின் (46), ரோகித் சர்மா (27) அவுட்டாகாமல் இருந்தனர். ஆட்டநாயகன் விருதை மலிங்கா தட்டிச் சென்றார். மும்பை இந்தியன்ஸ் அணி, தனது இரண்டாவது போட்டியில் நாளை ராயல் சாலஞ்சர்ஸ் பெங்களூரு அணியை சந்திக்கிறது.

இன்று "ஹீரோ'
கடந்த வாரம் மும்பையில் நடந்த இந்தியாவுக்கு எதிரான, உலக கோப்பை பைனலில் இலங்கையின் மலிங்கா வேகப்பந்து வீச்சில் மிரட்டினார். துவக்கத்தில் சேவக், சச்சினை அவுட்டாக்கி, மும்பை ரசிகர்களின் "வில்லனாக' மாறினார். நேற்று டில்லி அணியின் 5 விக்கெட்டுகளை வீழ்த்தி, மும்பை ரசிகர்களின் "ஹீரோ'வாக அசத்தினார்.

ஸ்கோர்போர்டு
டில்லி டேர்டெவில்ஸ்
வார்னர்(ப)மலிங்கா 1(3)
சேவக்-ரன் அவுட்(சச்சின்) 19(16)
சந்த்(ப)மலிங்கா 0(2)
பின்ச்(கே)ராயுடு(ப)ஹர்பஜன் 8(12)
ஓஜா(கே)மலிங்கா(ப)முர்டசா 29(30)
வேணுகோபால்(ப)மலிங்கா 26(25)
இர்பான்-ரன் அவுட்(சதீஷ்/ஜேக்கப்ஸ்) 0(1)
வான் டர் மெர்வி-அவுட் இல்லை- 8(6)
மார்கல்(ப)மலிங்கா 0(2)
யாதவ்(ஸ்டம்டு)ஜேக்கப்ஸ்(ப)ஹர்பஜன் 0(4)
டிண்டா(கே)பிராங்க்ளின்(ப)மலிங்கா 0(5)
உதிரிகள் 4
மொத்தம் (17.4 ஓவரில் ஆல் அவுட்) 95
விக்கெட் வீழ்ச்சி: 1-11(வார்னர்), 2-11(சந்த்), 3-27(சேவக்), 4-40(பின்ச்), 5-82(ஓஜா), 6-82(இர்பான்), 7-88(வேணுகோபால்), 8-88(மார்கல்), 9-90(யாதவ்), 10-95(டிண்டா).
பந்துவீச்சு: ஹர்பஜன் 3-0-14-2, மலிங்கா 3.4-1-13-5, முர்டசா 4-0-21-1, முனாப் படேல் 3-0-20-0, போலார்டு 3-0-18-0, பிராங்க்ளின் 1-0-9-0.
மும்பை இந்தியன்ஸ்
ஜேக்கப்ஸ்(ப)மார்கல் 1(6)
சச்சின்--அவுட் இல்லை- 46(50)
ராயுடு-ரன் அவுட்(வான் டர் மெர்வி) 14(15)
ரோகித்-அவுட் இல்லை- 27(30)
உதிரிகள் 11
மொத்தம் (16.5 ஓவரில் 2 விக்.,) 99
விக்கெட் வீழ்ச்சி: 1-1(ஜேக்கப்ஸ்), 2-31(ராயுடு).
பந்து வீச்சு: டிண்டா 2-0-7-0, மார்கல் 4-0-29-1, இர்பான் பதான் 2.5-0-14-0, யாதவ் 2-0-16-0, வான் டர் மெர்வி 4-0-16-0, பின்ச் 2-0-13-0.

Cricket match · Deam · sachin · Sports · Win to IPL

மலிங்கா வேகத்தில் சரிந்தது சேவக் அணி! *சச்சின் அணி அசத்தல் வெற்றி

புதுடில்லி: ஐ.பி.எல்., லீக் போட்டியில் சச்சினின் மும்பை இந்தியன்ஸ் அணி, 8 விக்கெட்டுகள் வித்தியாசத்தில் அபார வெற்றி பெற்றது. வேகப்பந்து வீச்சில் மிரட்டிய மலிங்கா, 5 விக்கெட் வீழ்த்தி அசத்தினார். பேட்டிங்கில் சொதப்பிய சேவக்கின் டில்லி அணி பரிதாபமாக தோல்வியடைந்தது.
இந்தியாவில் நான்காவது ஐ.பி.எல்., "டுவென்டி-20' தொடர் நடக்கிறது. டில்லியில் நடந்த லீக் போட்டியில் மும்பை இந்தியன்ஸ், டில்லி டேர்டெவில்ஸ் அணிகள் மோதின. "டாஸ்' வென்ற டில்லி அணி கேப்டன் சேவக், பேட்டிங் தேர்வு செய்தார்.
அதிர்ச்சித் துவக்கம்:
டில்லி அணிக்கு சேவக், வார்னர் துவக்கம் கொடுத்தனர். ஹர்பஜன் வீசிய முதல் ஓவரில் சிக்சர் அடித்து அதிரடியை துவக்கினார் சேவக். ஆனால் அடுத்து மலிங்காவின் ஓவரில் எல்லாமே தலைகீழானது. இவரது வேகத்தில் இரண்டாவது பந்தில் வார்னர் (1) போல்டானார். பின் நான்காவது பந்தில் சந்த்தையும் (0) போல்டாக்கினார்.
சேவக் ஏமாற்றம்:
இருப்பினும் சேவக், அவ்வப்போது பவுண்டரி அடித்து ஆறுதல் தந்தார். இவர் 19 ரன் எடுத்திருந்த போது, துரதிர்ஷ்டவசமாக ரன் அவுட்டானார். அடுத்து வந்த நமன் ஓஜா, முனாப் படேல் ஓவரில் தலா ஒரு பவுண்டரி, சிக்சர் அடித்து அசத்தினார். மறுமுனையில் பின்ச்சை (8), ஹர்பஜன் தனது சுழலில் வெளியேற்றினார்.
மலிங்கா அபாரம்:
சற்று தாக்குப்பிடித்த ஓஜா, 29 ரன்கள் எடுத்து திரும்பினார். அதிகம் எதிர்பார்க்கப்பட்ட இர்பான் பதான், "டக்' அவுட்டானார். அதன்பின் மலிங்கா மீண்டும் மிரட்டத் துவங்கினார். இம்முறை முதலில் வேணுகோபால் ராவை (26), போல்டாக்கிய மலிங்கா, அதே ஓவரில் மார்கலையும் போல்டாக்கி அதிர்ச்சி தந்தார். கடைசியாக வந்த டிண்டாவும், மலிங்கா வேகத்தில் சிக்கினார்.
டில்லி டேர்டெவில்ஸ் அணி 17.4 ஓவரில் 95 ரன்களுக்கு சுருண்டது. மும்பை அணியின் மலிங்கா, 5 விக்கெட் வீழ்த்தினார். ஹர்பஜன் தன்பங்கிற்கு 2 விக்கெட் கைப்பற்றினார்.
ஜேக்கப்ஸ் ஏமாற்றம்:
போகிற போக்கில் எட்டக்கூடிய இலக்கை துரத்திய மும்பை இந்தியன்ஸ் அணிக்கு கேப்டன் சச்சின், ஜேக்கப்ஸ் துவக்கம் தந்தனர். ஜேக்கப்ஸ் ஒரு ரன்னில் அவுட்டானார். அம்பாதி ராயுடு (14) விரைவில் அவுட்டானார்.
சச்சின் அபாரம்:
பின் சச்சினுடன் ரோகித் சர்மா இணைந்தார். இந்த ஜோடி பதட்டமில்லாமல் ரன் சேர்த்தது. இதனிடையே மார்கல் ஓவரில், 3 பவுண்டரி அடித்து அதிரடிக்கு மாறினார் ரோகித் சர்மா. மறுபுறம் மெர்வி பந்தில், சச்சின் "சூப்பர்' சிக்சர் அடித்து அசத்தினார். இர்பான் பதான் பந்தில், சச்சின் ஒரு பவுண்டரி அடிக்க, மும்பை இந்தியன்ஸ் அணி 16.5 ஓவரில் 2 விக்கெட்டுக்கு 99 ரன்கள் எடுத்து, அபார வெற்றி பெற்றது.
சச்சின் (46), ரோகித் சர்மா (27) அவுட்டாகாமல் இருந்தனர். ஆட்டநாயகன் விருதை மலிங்கா தட்டிச் சென்றார். மும்பை இந்தியன்ஸ் அணி, தனது இரண்டாவது போட்டியில் நாளை ராயல் சாலஞ்சர்ஸ் பெங்களூரு அணியை சந்திக்கிறது.

இன்று "ஹீரோ'
கடந்த வாரம் மும்பையில் நடந்த இந்தியாவுக்கு எதிரான, உலக கோப்பை பைனலில் இலங்கையின் மலிங்கா வேகப்பந்து வீச்சில் மிரட்டினார். துவக்கத்தில் சேவக், சச்சினை அவுட்டாக்கி, மும்பை ரசிகர்களின் "வில்லனாக' மாறினார். நேற்று டில்லி அணியின் 5 விக்கெட்டுகளை வீழ்த்தி, மும்பை ரசிகர்களின் "ஹீரோ'வாக அசத்தினார்.

ஸ்கோர்போர்டு
டில்லி டேர்டெவில்ஸ்
வார்னர்(ப)மலிங்கா 1(3)
சேவக்-ரன் அவுட்(சச்சின்) 19(16)
சந்த்(ப)மலிங்கா 0(2)
பின்ச்(கே)ராயுடு(ப)ஹர்பஜன் 8(12)
ஓஜா(கே)மலிங்கா(ப)முர்டசா 29(30)
வேணுகோபால்(ப)மலிங்கா 26(25)
இர்பான்-ரன் அவுட்(சதீஷ்/ஜேக்கப்ஸ்) 0(1)
வான் டர் மெர்வி-அவுட் இல்லை- 8(6)
மார்கல்(ப)மலிங்கா 0(2)
யாதவ்(ஸ்டம்டு)ஜேக்கப்ஸ்(ப)ஹர்பஜன் 0(4)
டிண்டா(கே)பிராங்க்ளின்(ப)மலிங்கா 0(5)
உதிரிகள் 4
மொத்தம் (17.4 ஓவரில் ஆல் அவுட்) 95
விக்கெட் வீழ்ச்சி: 1-11(வார்னர்), 2-11(சந்த்), 3-27(சேவக்), 4-40(பின்ச்), 5-82(ஓஜா), 6-82(இர்பான்), 7-88(வேணுகோபால்), 8-88(மார்கல்), 9-90(யாதவ்), 10-95(டிண்டா).
பந்துவீச்சு: ஹர்பஜன் 3-0-14-2, மலிங்கா 3.4-1-13-5, முர்டசா 4-0-21-1, முனாப் படேல் 3-0-20-0, போலார்டு 3-0-18-0, பிராங்க்ளின் 1-0-9-0.
மும்பை இந்தியன்ஸ்
ஜேக்கப்ஸ்(ப)மார்கல் 1(6)
சச்சின்--அவுட் இல்லை- 46(50)
ராயுடு-ரன் அவுட்(வான் டர் மெர்வி) 14(15)
ரோகித்-அவுட் இல்லை- 27(30)
உதிரிகள் 11
மொத்தம் (16.5 ஓவரில் 2 விக்.,) 99
விக்கெட் வீழ்ச்சி: 1-1(ஜேக்கப்ஸ்), 2-31(ராயுடு).
பந்து வீச்சு: டிண்டா 2-0-7-0, மார்கல் 4-0-29-1, இர்பான் பதான் 2.5-0-14-0, யாதவ் 2-0-16-0, வான் டர் மெர்வி 4-0-16-0, பின்ச் 2-0-13-0.

துபாய்: உலக கோப்பை தொடரில் அசத்திய வீரர்களைக் கொண்டு தேர்வு செய்யப்பட்டுள்ள உலக லெவன் ஒருநாள் அணியில் இந்தியாவின் சச்சின், யுவராஜ் சிங், ஜாகிர் கான் இடம் பெற்றனர். கோப்பை வென்ற கேப்டன் தோனிக்கு இதில் இடமில்லை.
சர்வதேச கிரிக்கெட் கவுன்சில் (ஐ.சி.சி.,) சார்பில், உலக கோப்பை தொடரில் சிறப்பாக சாதித்தவர்கள் திறமையின் அடிப்படையில், உலக லெவன் ஒருநாள் அணி தேர்வு செய்யப்பட்டுள்ளது. இதில் இந்தியா சார்பில் சச்சின், யுவராஜ் சிங், ஜாகிர் கான் ஆகிய மூன்று பேர் இடம் பெற்றனர். அதிகபட்சமாக இலங்கை அணியில் இருந்து சங்ககரா, ஜெயவர்தனா, தில்ஷன், முரளிதரன் ஆகிய நான்குபேர் தேர்வாகியுள்ளனர்.
தென் ஆப்ரிக்க அணியில் இருந்து இரண்டு, ஆஸ்திரேலியா, பாகிஸ்தான் அணியில் இருந்து தலா ஒருவர் இதில் இடம் பெற்றுள்ளனர். அணியின் கேப்டன் பதவிக்கு, விக்கெட் கீப்பர் கேப்டனான தோனி, சங்ககரா இடையே கடும் போட்டி இருந்தது. ஆனால், இத்தொடரில் தோனி சரியானபடி பேட்டிங் செய்யாததால், சங்ககரா இந்த இடத்தை தட்டிச் சென்றார்.
11 பேர் கொண்ட அணி விபரம்:
சங்ககரா (விக்கெட் கீப்பர்/கேப்டன்), சச்சின், யுவராஜ், ஜாகிர் கான், ஜெயவர்தனா, தில்ஷன், முரளிதரன், தென் ஆப்ரிக்காவின் டிவிலியர்ஸ், ஸ்டைன், வாட்சன் (ஆஸி.,), அப்ரிதி (பாக்.,). 12 வது வீரராக டிம் சவுத்தி (நியூசி.,) இடம் பெற்றார்.

sachin · Sports · World Levan Deam · Yuvaraj no Dhoni

உலக லெவன் அணியில் சச்சின், யுவராஜ் * தோனிக்கு இடமில்லை

துபாய்: உலக கோப்பை தொடரில் அசத்திய வீரர்களைக் கொண்டு தேர்வு செய்யப்பட்டுள்ள உலக லெவன் ஒருநாள் அணியில் இந்தியாவின் சச்சின், யுவராஜ் சிங், ஜாகிர் கான் இடம் பெற்றனர். கோப்பை வென்ற கேப்டன் தோனிக்கு இதில் இடமில்லை.
சர்வதேச கிரிக்கெட் கவுன்சில் (ஐ.சி.சி.,) சார்பில், உலக கோப்பை தொடரில் சிறப்பாக சாதித்தவர்கள் திறமையின் அடிப்படையில், உலக லெவன் ஒருநாள் அணி தேர்வு செய்யப்பட்டுள்ளது. இதில் இந்தியா சார்பில் சச்சின், யுவராஜ் சிங், ஜாகிர் கான் ஆகிய மூன்று பேர் இடம் பெற்றனர். அதிகபட்சமாக இலங்கை அணியில் இருந்து சங்ககரா, ஜெயவர்தனா, தில்ஷன், முரளிதரன் ஆகிய நான்குபேர் தேர்வாகியுள்ளனர்.
தென் ஆப்ரிக்க அணியில் இருந்து இரண்டு, ஆஸ்திரேலியா, பாகிஸ்தான் அணியில் இருந்து தலா ஒருவர் இதில் இடம் பெற்றுள்ளனர். அணியின் கேப்டன் பதவிக்கு, விக்கெட் கீப்பர் கேப்டனான தோனி, சங்ககரா இடையே கடும் போட்டி இருந்தது. ஆனால், இத்தொடரில் தோனி சரியானபடி பேட்டிங் செய்யாததால், சங்ககரா இந்த இடத்தை தட்டிச் சென்றார்.
11 பேர் கொண்ட அணி விபரம்:
சங்ககரா (விக்கெட் கீப்பர்/கேப்டன்), சச்சின், யுவராஜ், ஜாகிர் கான், ஜெயவர்தனா, தில்ஷன், முரளிதரன், தென் ஆப்ரிக்காவின் டிவிலியர்ஸ், ஸ்டைன், வாட்சன் (ஆஸி.,), அப்ரிதி (பாக்.,). 12 வது வீரராக டிம் சவுத்தி (நியூசி.,) இடம் பெற்றார்.

மாற்று திறனாளிகளுக்கு உதவும் வகையில் குறும்படம் ஒன்றில் நடிக்க இருக்கிறார் இந்தியாவின் மாஸ்டர் பேட்ஸ்மென் சச்சின். சச்சினின் தீவிர ரசிகர்களில் ஏ.ஆர்.ரஹ்மானும் ஒருவர், அதேபோல் ஏ.ஆர்.ரஹ்மானின் ‌தீவிர ரசிகர்களில் சச்சினும் ஒருவர். இந்த இரண்டு இமயங்களையும் ஒன்றிணைத்து குறும்படம் ஒன்றை இயக்குகிறார் டைரக்டர் மணிரத்னம். மாற்று திறனாளிகளுக்கு உதவும் வகையில் இந்த குறும்படம் தயாராகிறது. சச்சின் நடிக்க, ஏ.ஆர்.ரஹ்மான் பின்னணி இசையமைக்க, மணிரத்னம் இயக்குகிறார்.

Act in Short · CINEMA · Film in Cinema · sachin

குறும்படத்தில் நடிக்கும் சச்சின்

மாற்று திறனாளிகளுக்கு உதவும் வகையில் குறும்படம் ஒன்றில் நடிக்க இருக்கிறார் இந்தியாவின் மாஸ்டர் பேட்ஸ்மென் சச்சின். சச்சினின் தீவிர ரசிகர்களில் ஏ.ஆர்.ரஹ்மானும் ஒருவர், அதேபோல் ஏ.ஆர்.ரஹ்மானின் ‌தீவிர ரசிகர்களில் சச்சினும் ஒருவர். இந்த இரண்டு இமயங்களையும் ஒன்றிணைத்து குறும்படம் ஒன்றை இயக்குகிறார் டைரக்டர் மணிரத்னம். மாற்று திறனாளிகளுக்கு உதவும் வகையில் இந்த குறும்படம் தயாராகிறது. சச்சின் நடிக்க, ஏ.ஆர்.ரஹ்மான் பின்னணி இசையமைக்க, மணிரத்னம் இயக்குகிறார்.

உலக கோப்பை போட்டியில் விளையாடும் சீனியர் வீரர்கள் தெண்டுல்கர், பாண்டிங். ஆனால் இரண்டு பேருக்குள் ஆடு களத்தில் நிறைய வேறுபாடுகள் இருக்கிறது. சென்னையில் நேற்று நடந்த போட்டியில் அவர் தனது நேர்மையை வெளிப்படுத்தினார்.

2 ரன்னில் இருந்தபோது ராம்பால் வீசியபந்து தெண்டுல்கரின் கிளவுசில் (கையுறை) பட்டு சென்றது. அதை வெஸ்ட்இண்டீஸ் விக்கெட் கீப்பர் பிடித்தார். வெஸ்ட்இண்டீஸ் வீரர் மகிழ்ச்சி அடைய நடுவர் டேவிஸ் அவுட் இல்லை என்று தலையால் மறுத்தார். ஆனால் தெண்டுல்கர் பந்து கையுறையில் பட்டு சென்றதை உணர்ந்தார். இதை தொடர்ந்து நடுவர் அவுட் கொடுக்காமலேயே மைதானத்தில் இருந்து வெளியேறினார். அவரது நேர்மை கிரிக்கெட் உலகத்தால் பாராட்டப்படுகிறது.

ஆனால் இதற்கு நேர்மாறாக ஆஸ்திரேலிய கேப்டன் பாண்டிங் உள்ளார். நேற்று முன்தினம் பாகிஸ்தானுக்கு எதிரான ஆட்டத்தில் அவருக்கு நடுவர் அவுட் கொடுத்தார். ஆனால் அவுட் இல்லை என்று கூறி மைதானத்தை விட்டு செல்ல மறுத்தார். மறுபரிசீலனை முறையில் அவரது அவுட் உறுதி செய்யப்பட்டது.

வெஸ்ட்இண்டீஸ் கேப்டன் டாரன்சமி கூறும்போது, தெண்டுல்கர் தான் உண்மையிலேயே ஜென்டில் மேன். அவராக மைதானத்தை விட்டு வெளியே சென்றது மிகுந்த பாராட்டுக்குரியது என்றார்.

Cricket · sachin · Sports

தெண்டுல்கரின் நேர்மையும் பாண்டிங்கின் சுயநலமும்

உலக கோப்பை போட்டியில் விளையாடும் சீனியர் வீரர்கள் தெண்டுல்கர், பாண்டிங். ஆனால் இரண்டு பேருக்குள் ஆடு களத்தில் நிறைய வேறுபாடுகள் இருக்கிறது. சென்னையில் நேற்று நடந்த போட்டியில் அவர் தனது நேர்மையை வெளிப்படுத்தினார்.

2 ரன்னில் இருந்தபோது ராம்பால் வீசியபந்து தெண்டுல்கரின் கிளவுசில் (கையுறை) பட்டு சென்றது. அதை வெஸ்ட்இண்டீஸ் விக்கெட் கீப்பர் பிடித்தார். வெஸ்ட்இண்டீஸ் வீரர் மகிழ்ச்சி அடைய நடுவர் டேவிஸ் அவுட் இல்லை என்று தலையால் மறுத்தார். ஆனால் தெண்டுல்கர் பந்து கையுறையில் பட்டு சென்றதை உணர்ந்தார். இதை தொடர்ந்து நடுவர் அவுட் கொடுக்காமலேயே மைதானத்தில் இருந்து வெளியேறினார். அவரது நேர்மை கிரிக்கெட் உலகத்தால் பாராட்டப்படுகிறது.

ஆனால் இதற்கு நேர்மாறாக ஆஸ்திரேலிய கேப்டன் பாண்டிங் உள்ளார். நேற்று முன்தினம் பாகிஸ்தானுக்கு எதிரான ஆட்டத்தில் அவருக்கு நடுவர் அவுட் கொடுத்தார். ஆனால் அவுட் இல்லை என்று கூறி மைதானத்தை விட்டு செல்ல மறுத்தார். மறுபரிசீலனை முறையில் அவரது அவுட் உறுதி செய்யப்பட்டது.

வெஸ்ட்இண்டீஸ் கேப்டன் டாரன்சமி கூறும்போது, தெண்டுல்கர் தான் உண்மையிலேயே ஜென்டில் மேன். அவராக மைதானத்தை விட்டு வெளியே சென்றது மிகுந்த பாராட்டுக்குரியது என்றார்.

உலக கோப்பை முதல் போட்டியில் வங்காள தேசத்துக்கு எதிராக ஷேவாக் 175 ரன்கள் எடுத்தார். அதே போல இங்கிலாந்துக்கு எதிரான போட்டியில் தெண்டுல்கர் 120 ரன்கள் குவித்தார்.இதனால் உலக தர வரிசையில் இருவரும் முன்னேற்றம் அடைந்துள்ளனர்.சர்வதேச கிரிக்கெட் சங்கம் கிரிக்கெட் வீரர்கள் தர வரிசை பட்டியலை வெளியிட்டது.

உலக கோப்பையில் அதிக ரன்கள் எடுத்ததன் மூலம் ஷேவாக் 6 இடங்கள் முன்னேறி தர வரிசையில் 6-வது இடத்தை பிடித்து உள்ளார். தெண்டுல்கர் 5 இடங்கள் முன்னேறி 10-வது இடத்தை பிடித்துள்ளார்.அதே போல சிறப்பான பந்து வீச்சு மூலம் ஜாகீர்கான் 9 இடங்கள் முன்னேறி 14-வது இடத்தையும், ஹர்பஜன்சிங் 4 இடங்கள் முன்னேறி 16-வது இடத்தையும், முனாப் பட்டேல் 11 இடங்கள் முன்னேறி 22-வது இடத்தையும் பிடித்து உள்ளனர்.

இந்தியாவுக்கு எதிரான போட்டியில் 158 ரன் எடுத்த இங்கிலாந்து வீரர் ஸ்டிராஸ் 8 இடங்கள் முன்னேறி 13-வது இடத்தை பிடித்து உள்ளார். பேட்டிங் தர வரிசையில் தென்ஆப்பிரிக்க வீரர் அம்லா முதலிடத்திலும், பந்து வீச்சு தர வரிசையில் நியூசிலாந்து வீரர் வெட்டோரி முதலிடத்திலும் உள்ளனர்.

Good playing · sachin · Sewak · Sports · World Cup Cricket

உலக கோப்பையில் சிறப்பான ஆட்டம்: தெண்டுல்கர்,ஷேவாக் தரவரிசையில் முன்னேற்றம்

உலக கோப்பை முதல் போட்டியில் வங்காள தேசத்துக்கு எதிராக ஷேவாக் 175 ரன்கள் எடுத்தார். அதே போல இங்கிலாந்துக்கு எதிரான போட்டியில் தெண்டுல்கர் 120 ரன்கள் குவித்தார்.இதனால் உலக தர வரிசையில் இருவரும் முன்னேற்றம் அடைந்துள்ளனர்.சர்வதேச கிரிக்கெட் சங்கம் கிரிக்கெட் வீரர்கள் தர வரிசை பட்டியலை வெளியிட்டது.

உலக கோப்பையில் அதிக ரன்கள் எடுத்ததன் மூலம் ஷேவாக் 6 இடங்கள் முன்னேறி தர வரிசையில் 6-வது இடத்தை பிடித்து உள்ளார். தெண்டுல்கர் 5 இடங்கள் முன்னேறி 10-வது இடத்தை பிடித்துள்ளார்.அதே போல சிறப்பான பந்து வீச்சு மூலம் ஜாகீர்கான் 9 இடங்கள் முன்னேறி 14-வது இடத்தையும், ஹர்பஜன்சிங் 4 இடங்கள் முன்னேறி 16-வது இடத்தையும், முனாப் பட்டேல் 11 இடங்கள் முன்னேறி 22-வது இடத்தையும் பிடித்து உள்ளனர்.

இந்தியாவுக்கு எதிரான போட்டியில் 158 ரன் எடுத்த இங்கிலாந்து வீரர் ஸ்டிராஸ் 8 இடங்கள் முன்னேறி 13-வது இடத்தை பிடித்து உள்ளார். பேட்டிங் தர வரிசையில் தென்ஆப்பிரிக்க வீரர் அம்லா முதலிடத்திலும், பந்து வீச்சு தர வரிசையில் நியூசிலாந்து வீரர் வெட்டோரி முதலிடத்திலும் உள்ளனர்.

பெங்களூரு: இந்தியா, இங்கிலாந்து அணிகள் மோதிய பரபரப்பான உலக கோப்பை லீக் போட்டி "டை ஆனது. கடைசி பந்து வரை நெஞ்சம் படபடத்த இப்போட்டியில், இரு அணிகளும் தலா 338 ரன்கள் எடுக்க, எத்தரப்புக்கும் வெற்றி வசப்படவில்லை. இந்திய அணிக்கு சச்சின் சதம் மற்றும் ஜாகிர் கானின் அபார பந்துவீச்சு கைகொடுத்தது. இங்கிலாந்து சார்பில் கேப்டன் ஸ்டிராஸ் சதம்(158) வீணானது.
இந்திய துணைக் கண்டத்தில் உலக கோப்பை கிரிக்கெட் தொடர் நடக்கிறது. நேற்று பெங்களூருவில் நடந்த "பி பிரிவு லீக் போட்டியில் இந்தியா, இங்கிலாந்து அணிகள் மோதின.
ஸ்ரீசாந்த் நீக்கம்:
இந்திய அணியில் ஸ்ரீசாந்த் நீக்கப்பட்டு, பியுஸ் சாவ்லா வாய்ப்பு பெற்றார். இங்கிலாந்து அணியில் உடல்நலக்குறைவு காரணமாக முன்னணி பவுலர் ஸ்டூவர்ட் பிராட் இடம் பெறவில்லை. இவருக்கு பதிலாக அஜ்மல் ஷெஜாத் சேர்க்கப்பட்டார். ரவி போபரா நீக்கப்பட்டு, மைக்கேல் யார்டி இடம் பெற்றார். "டாஸ் வென்ற இந்திய கேப்டன் தோனி சற்றும் தயங்காமல் பேட்டிங் தேர்வு செய்தார்.
சச்சின் சதம்:
ஆண்டர்சன் வீசிய முதல் ஓவரிலேயே மூன்று முறை கண்டம் தப்பினார் சேவக். பின் டிம் பிரஸ்னன் வேகத்தில் கீப்பர் மட் பிரயாரின் சூப்பர் "கேட்ச்சில் சேவக்(35) அவுட்டானார். அடுத்து வந்த காம்பிர் "கம்பெனி கொடுக்க, சச்சின் தனது அபார ஆட்டத்தை தொடர்ந்தார். கோலிங்வுட், ஸ்வான் பந்துகளை வரிசையாக சிக்சருக்கு பறக்க விட்ட இவரது ஆட்டத்தை பார்த்துக் கொண்டே இருக்கலாம் போல் இருந்தது. இரண்டாவது விக்கெட்டுக்கு 134 ரன்கள் சேர்த்த நிலையில், காம்பிர்(51), ஸ்வான் பந்தில் போல்டானார். பிரஸ்னன் பந்தை பவுண்டரிக்கு அனுப்பிய சச்சின், உலக கோப்பை அரங்கில் 5வது சதம் அடித்து சாதனை படைத்தார். இது ஒரு நாள் போட்டிகளில் இவரது 47வது சதம். பின் ஸ்வான் சுழலில் இன்னொரு சிக்சர் அடித்து அசத்தினார். ஆண்டர்சன் வேகத்தில் சச்சின் 120 ரன்களுக்கு(10 பவுண்டரி, 5 சிக்சர்) அவுட்டானார்.
யுவராஜ் அசத்தல்:
இதற்கு பின் கேப்டன் தோனி, யுவராஜ் சேர்ந்து விவேகமாக ஆடினர். ஷாஜத் வீசிய போட்டியின் 43வது ஓவரில் தோனி இரண்டு பவுண்டரி விளாசினார். இவரது அடுத்த ஓவரில் யுவராஜ் தன் பங்குக்கு இரண்டு பவுண்டரி அடித்தார். யார்டி பந்தில் தோனி ஒரு சிக்சர் அடிக்க, ஸ்கோர் "ஜெட் வேகத்தில் உயர்ந்தது. அரைசதம் கடந்த யுவராஜ்(58), யார்டி பந்தில் அவுட்டானார்.
பிரஸ்னன் 5 விக்.,:
கடைசி கட்டத்தில் துல்லியமாக பந்துவீசிய பிரஸ்னன், இந்தியாவின் ரன் வேகத்தை கட்டுப்படுத்தினார். இவரது வேகத்தில் தோனி(31) நடையை கட்டினார். போட்டியின் 49வது ஓவரை வீசிய பிரஸ்னன், முதலிரண்டு பந்துகளில் யூசுப் பதான்(14), விராத் கோஹ்லியை(8) வெளியேற்றினார். இதையடுத்து "ஹாட்ரிக் வாய்ப்பு காத்திருந்தது. அடுத்து வந்த ஜாகிர் ஒரு ரன் எடுக்க, வாய்ப்பு நழுவியது. 4வது பந்தில் ஹர்பஜனையும்(0) அவுட்டாக்கிய பிரஸ்னன், தனது 5வது விக்கெட்டை பெற்றார். கடைசி ஓவரில் சாவ்லா(2), ஜாகிர்(4) ரன் அவுட்டாக, இந்திய அணி 50 ஓவரில் 49.5 ஓவரில் 338 ரன்களுக்கு ஆல் அவுட்டானது.
நல்ல துவக்கம்:
கடின இலக்கை விரட்டிய இங்கிலாந்து அணிக்கு கேப்டன் ஸ்டிராஸ், பீட்டர்சன் இணைந்து நல்ல துவக்கம் தந்தனர். முனாப் பந்தில் ஸ்டிராஸ் கொடுத்த "கேட்ச்சை ஹர்பஜன் கோட்டை விட்டார். அப்போது அவர் 22 ரன்கள் தான் எடுத்திருந்தார்.
ஸ்டிராஸ் அசத்தல்:
முதல் விக்கெட்டுக்கு 68 ரன்கள் சேர்த்த நிலையில், முனாப் வேகத்தில் பீட்டர்சன்(31) வீழ்ந்தார். சாவ்லா சுழலில் டிராட்(16) வெளியேறினார். இதற்கு பின் ஸ்டிராஸ், இயான் பெல் இணைந்து அசத்தலாக ஆடினர். யூசுப் பதான் பந்தை ஒரு ரன்னுக்கு தட்டி விட்ட ஸ்டிராஸ், ஒரு நாள் போட்டிகளில் தனது 6வது சதத்தை எட்டினார். தொடர்ந்து மிரட்டிய இவர், யுவராஜ் சுழலில் ஒரு "சூப்பர் சிக்சர் அடித்தார். மறுபக்கம் சாவ்லா பந்தை இயான் பெல், சிக்சருக்கு அனுப்ப, இந்திய ரசிகர்கள் நொந்து போயினர்.
ஜாகிர் திருப்புமுனை:
இந்த நேரத்தில் போட்டியின் 43வது ஓவரை வீசிய ஜாகிர் கான் இங்கிலாந்துக்கு இரட்டை "அடி கொடுத்தார். நான்காவது பந்தில் இயான் பெல்லை(69) வெளியேற்றினார். 5வது பந்தில் ஸ்டிராஸ்(158) அவுட்டானார். இதனை எதிர்த்து இங்கிலாந்து அப்பீல் செய்தும் பலன் கிடைக்கவில்லை. அடுத்த பந்தில் "ஹாட்ரிக் வாய்ப்பு இருந்தது. ஆனால், பிரயார் தடுத்து ஆட, வாய்ப்பு நழுவியது. மீண்டும் மிரட்டிய ஜாகிர், கோலிங்வுட்டை(1) போல்டாக்கினார். ஹர்பஜன் சுழலில் பிரயார்(4) காலியானார். முனாப் பந்தில் யார்டி(13) வெளியேற, இந்தியா வெற்றியை நெருங்கியது. அப்போது 49வது ஓவரை வீசிய சாவ்லா சுழலில் ஸ்வான், பிரஸ்னன் தலா ஒரு சிக்சர் அடிக்க, மீண்டும் பரபரப்பு ஏற்பட்டது.
6 பந்தில் 14 ரன்கள்:
கடைசி ஓவரில் இங்கிலாந்தின் வெற்றிக்கு 14 ரன்கள் தேவைப்பட்டன. முனாப் படேல் பந்துவீசினார். முதல் பந்தில் ஸ்வான் 2 ரன் எடுத்தார். இரண்டாவது பந்தில் ஒரு ரன். 3வது பந்தில் ஷாஜாத் ஒரு சிக்சர் அடிக்க, "டென்ஷன் எகிறியது. நான்காவது பந்தில் ஒரு ரன். 5வது பந்தில் ஸ்வான் 2 ரன்கள் எடுத்தார். கடைசி பந்தில் ஸ்வான் ஒரு ரன் எடுக்க, இங்கிலாந்து அணி 50 ஓவரில் 8 விக்கெட்டுக்கு 338 ரன்கள் எடுத்தது. இரு அணிகளும் ஒரே ஸ்கோர் எடுத்ததால் போட்டி, சமநிலையை("டை) எட்டியது. இரு அணிகளுக்கும் தலா ஒரு புள்ளி வழங்கப்பட்டது.
பவுலிங் ஏமாற்றம்:
பேட்டிங்கில் அசத்திய போதும், கடைசி கட்டத்தில் பவுலிங்கில் சொதப்பியதால், இந்திய வெற்றி நழுவியது.
ஆட்ட நாயகன் விருதை ஸ்டிராஸ் தட்டிச் சென்றார்.





நான்காவது "டை
இந்தியா-இங்கிலாந்து அணிகளுக்கு இடையிலான போட்டி "டை ஆனது. இதன்மூலம் உலக கோப்பை அரங்கில், "டையில் முடிந்த நான்காவது போட்டி என்ற சோகமான பெருமை பெற்றது. முதன்முதலில் கடந்த 1999ல் ஆஸ்திரேலியா-தென் ஆப்ரிக்கா இடையிலான போட்டி "டை ஆனது. அதன்பின் தென் ஆப்ரிக்கா-இலங்கை (2003), அயர்லாந்து-ஜிம்பாப்வே (2007) அணிகள் மோதிய போட்டி "டை ஆனது.






சச்சின் "உலக சாதனை!
சர்வதேச கிரிக்கெட் அரங்கில் அதிக ரன், அதிக சதம் உள்ளிட்ட பல்வேறு சாதனைகளுக்கு சொந்தக் காரரான இந்திய "மாஸ்டர் பேட்ஸ்மேன் சச்சின், உலக கோப்பை அரங்கிலும் பல சாதனைகள் படைத்துள்ளார்.
இங்கிலாந்துக்கு எதிரான லீக் போட்டியில், 115 பந்தில் 120 ரன்கள் (5 சிக்சர், 10 பவுண்டரி) எடுத்த சச்சின், உலக கோப்பை வரலாற்றில் அதிக சதம் (5) கடந்து புதிய உலக சாதனை படைத்தார். இதுவரை இவர், 38 போட்டியில் பங்கேற்று 5 சதம், 13 அரைசதம் உட்பட 1944 ரன்கள் எடுத்துள்ளார். இவரை அடுத்து இந்தியாவின் கங்குலி, ஆஸ்திரேலியாவின் பாண்டிங், மார்க் வாக் உள்ளிட்டோர் தலா 4 சதம் அடித்து 2வது இடத்தை பகிர்ந்து கொண்டுள்ளனர்.
உலக கோப்பை அரங்கில் சச்சின் அடித்த சதங்களின் விபரம்:
ஆண்டு சதம் எதிரணி
1996 127* கென்யா
1996 137 இலங்கை
1999 140* கென்யா
2003 152 நமீபியா
2011 120 இங்கிலாந்து
-----------
மூன்றாவது இடம்
நேற்றைய போட்டியில் விளையாடிய சச்சின், உலக கோப்பை அரங்கில் அதிக போட்டிகளில் விளையாடிய வீரர்கள் வரிசையில் மூன்றாவது இடத்தை இலங்கையின் ஜெயசூர்யா, பாகிஸ்தானின் வாசிம் அக்ரம் ஆகியோருடன் பகிர்ந்து கொண்டார். முதலிரண்டு இடங்களில் ஆஸ்திரேலியாவின் பாண்டிங் (41 போட்டி), மெக்ராத் (39 போட்டி) ஆகியோர் உள்ளனர்.
----
56 ரன்கள் தேவை
உலக கோப்பை அரங்கில், 2000 ரன்கள் என்ற புதிய மைல்கல்லை எட்ட, சச்சினுக்கு இன்னும் 56 ரன்கள் தேவைப்படுகிறது. இதுவரை இவர் 38 போட்டியில் பங்கேற்று 1944 ரன்கள் எடுத்துள்ளார்.
----
இன்னும் இரண்டு சதம்
சர்வதேச கிரிக்கெட் அரங்கில், ஒருநாள் (47) மற்றும் டெஸ்ட் (51) போட்டியில் சேர்த்து மொத்தம் 98 சதம் அடித்துள்ள சச்சின், இன்னும் இரண்டு சதம் அடிக்கும் பட்சத்தில், சதத்தில் சதம் கடந்து மேலும் ஒரு புதிய சாதனை படைக்கலாம்.
---
அதிக பவுண்டரி
நேற்றைய போட்டியில் மொத்தம் 10 பவுண்டரி அடித்த சச்சின், தனது 7வது பவுண்டரியை கடந்த போது, உலக கோப்பை அரங்கில் 200 அல்லது அதற்கு மேற்பட்ட பவுண்டரி அடித்த முதல் வீரர் என்ற பெருமை பெற்றார். இதுவரை இவர் 38 போட்டியில் 203 பவுண்டரி அடித்துள்ளார்.
* நேற்று 5 சிக்சர் விளாசிய சச்சின், அதிக சிக்சர் அடித்த வீரர்கள் வரிசையில் 2வது இடம் பிடித்தார். இவர் இதுவரை 24 சிக்சர் விளாசியுள்ளார். முதலிடத்தில் மற்றொரு இந்திய வீரர் கங்குலி (25 சிக்சர்) உள்ளார்.
--------
இந்தியா "338
நேற்று 338 ரன்கள் எடுத்த இந்திய அணி, உலக கோப்பை அரங்கில் இங்கிலாந்துக்கு எதிராக அதிகபட்ச ஸ்கோரை பதிவு செய்தது. முன்னதாக கடந்த 2003ல் 9 விக்கெட்டுக்கு 250 ரன்கள் எடுத்திருந்ததே அதிகபட்சமாக இருந்தது.
* தவிர இது, சர்வதேச அரங்கில் இங்கிலாந்துக்கு எதிராக எடுக்கப்பட்ட, 2வது அதிகபட்சம். முன்னதாக கடந்த 2008ல் ராஜ்காட்டில் நடந்த போட்டியில் இந்திய அணி 50 ஓவரில் 5 விக்கெட்டுக்கு 387 ரன்கள் எடுத்தது.
* இது, உலக கோப்பை அரங்கில் இந்திய அணியின் 4வது சிறந்த அதிகபட்ச ஸ்கோர். முன்னதாக 413/5 (எதிர்-பெர்முடா, 2007), 373/6(எதிர்-இலங்கை, 1999), 370/4(எதிர்-வங்கதேசம், 2011) ரன்கள் எடுத்தது. இதன்மூலம் இந்திய அணி ஆறாவது முறையாக உலக கோப்பை தொடரில் 300 ரன்களுக்கு மேல் எடுத்தது.
* இது, பெங்களூரு மைதானத்தில் பதிவு செய்யப்பட்ட 2வது அதிகபட்ச ஸ்கோர். முன்னதாக கடந்த 2003ல் ஆஸ்திரேலிய அணி, இந்தியாவுக்கு எதிராக 2 விக்கெட்டுக்கு 347 ரன்கள் எடுத்தது. இதன்மூலம் இங்கு, இந்திய அணி மூன்றாவது முறையாக 300 ரன்களுக்கு மேல் எடுத்தது.
----
சேவக் "1000
நேற்று 35 ரன்கள் எடுத்த இந்திய துவக்க வீரர் சேவக், ஒருநாள் கிரிக்கெட் அரங்கில் இங்கிலாந்துக்கு எதிராக ஆயிரம் ரன்களை கடந்த மூன்றாவது இந்திய வீரர் என்ற பெருமை பெற்றார். முன்னதாக சச்சின் (1455 ரன்கள்), யுவராஜ் சிங் (1187 ரன்கள்) உள்ளிட்டோர், இப்பெருமை பெற்றனர்.
---
"ரன் வள்ளல் ஆண்டர்சன்
நேற்று 9.5 ஓவர்கள் வீசிய இங்கிலாந்து வேகப்பந்துவீச்சாளர் ஜேம்ஸ் ஆண்டர்சன், ஒரு விக்கெட் மட்டும் கைப்பற்றி, 91 ரன்கள் வழங்கினார். இதன்மூலம் உலக கோப்பை அரங்கில், ஒரு போட்டியில் அதிக ரன்கள் வழங்கிய பவுலர்கள் வரிசையில் 5வது இடம் பிடித்தார். தவிர இவர், சர்வதேச ஒருநாள் போட்டியில் இரண்டாவது முறையாக 91 ரன்கள் வழங்கி தனது மோசமான பந்துவீச்சை பதிவு செய்தார். முன்னதாக கடந்த 2ம் தேதி ஆஸ்திரேலியாவுக்கு எதிரான போட்டியில் 10 ஓவரில் 91 ரன்கள் வழங்கினார். கடந்த 1983ல் நடந்த உலக கோப்பை தொடரில் இங்கிலாந்துக்கு எதிராக நியூசிலாந்தின் ஸினிடன், 12 ஓவரில் 2 விக்கெட்டுக்கு 105 ரன்கள் விட்டுக் கொடுத்தார்.
---



ஸ்கோர்போர்டு
இந்தியா
சேவக்(கே)பிரையர்(ப)பிரஸ்னன் 35(26)
சச்சின்(கே)யார்டி(ப)ஆண்டர்சன் 120(115)
காம்பிர்(ப)சுவான் 51(61)
யுவராஜ்(கே)பெல்(ப)யார்டி 58(50)
தோனி(கே)சப்-ரைட்(ப)பிரஸ்னன் 31(25)
யூசுப்(கே)சுவான்(ப)பிரஸ்னன் 14(8)
கோஹ்லி(ப)பிரஸ்னன் 8(5)
ஹர்பஜன் எல்.பி.டபிள்யு.,(ப)பிரஸ்னன் 0(1)
ஜாகிர்-ரன் அவுட்(பிரஸ்னன்/பிரையர்) 4(5)
சாவ்லா ரன்-அவுட்(ஆண்டர்சன்) 2(4)
முனாப்-அவுட் இல்லை- 0(0)
உதிரிகள் 15
மொத்தம் (49.5 ஓவரில் "ஆல் அவுட்) 338
விக்கெட் வீழ்ச்சி: 1-46(சேவக்), 2-180(காம்பிர்), 3-236(சச்சின்), 4-305(யுவராஜ்), 5-305(தோனி), 6-327(யூசுப் பதான்), 7-327(கோஹ்லி), 8-328(ஹர்பஜன்), 9-338(சாவ்லா), 10-338(ஜாகிர் கான்).
பந்து வீச்சு: ஆண்டர்சன் 9.5-0-91-1, ஷெசாத் 8-0-53-0, பிரஸ்னன் 10-1-48-5, சுவான் 9-1-59-1, கோலிங்வுட் 3-0-20-0, யார்டி 10-0-64-1.
இங்கிலாந்து
ஸ்டிராஸ் எல்.பி.டபிள்யு.,(ப)ஜாகிர் 158(145)
பீட்டர்சன் (கே)+(ப)முனாப் 31(22)
டிராட் எல்.பி.டபிள்யு.,(ப)சாவ்லா 16(19)
பெல் (கே)கோஹ்லி (ப)ஜாகிர் 69(71)
கோலிங்வுட் (ப)ஜாகிர் 1(5)
பிரையர் (கே)சப்-ரெய்னா (ப)ஹர்பஜன் 4(8)
யார்டி (கே)சேவக் (ப)முனாப் 13(10)
பிரஸ்னன் (ப)முனாப் 14(9)
சுவான் -அவுட் இல்லை- 15(9)
ஷாக்ஜாத் -அவுட் இல்லை- 6(2)
உதிரிகள் 11
மொத்தம் (50 ஓவரில், 8 விக்.,) 338
விக்கெட் வீழ்ச்சி: 1-68(பீட்டர்சன்), 2-111(டிராட்), 3-281(பெல்), 4-281(ஸ்டிராஸ்), 5-285(கோலிங்வுட்), 6-289(பிரையர்), 7-307(யார்டி), 8-325(பிரஸ்னன்).
பந்துவீச்சு: ஜாகிர் 10-0-64-3, முனாப் 10-0-70-2, சாவ்லா 10-0-71-2, ஹர்பஜன் 10-0-58-1, யுவராஜ் 7-0-46-0, யூசுப் 3-0-21-0.

Play thrilling tie share points · sachin · Sports · Strauss

கடைசி பந்து வரை "டென்ஷன்: போட்டி "டை சச்சின், ஸ்டிராஸ் அதிரடி சதம்

பெங்களூரு: இந்தியா, இங்கிலாந்து அணிகள் மோதிய பரபரப்பான உலக கோப்பை லீக் போட்டி "டை ஆனது. கடைசி பந்து வரை நெஞ்சம் படபடத்த இப்போட்டியில், இரு அணிகளும் தலா 338 ரன்கள் எடுக்க, எத்தரப்புக்கும் வெற்றி வசப்படவில்லை. இந்திய அணிக்கு சச்சின் சதம் மற்றும் ஜாகிர் கானின் அபார பந்துவீச்சு கைகொடுத்தது. இங்கிலாந்து சார்பில் கேப்டன் ஸ்டிராஸ் சதம்(158) வீணானது.
இந்திய துணைக் கண்டத்தில் உலக கோப்பை கிரிக்கெட் தொடர் நடக்கிறது. நேற்று பெங்களூருவில் நடந்த "பி பிரிவு லீக் போட்டியில் இந்தியா, இங்கிலாந்து அணிகள் மோதின.
ஸ்ரீசாந்த் நீக்கம்:
இந்திய அணியில் ஸ்ரீசாந்த் நீக்கப்பட்டு, பியுஸ் சாவ்லா வாய்ப்பு பெற்றார். இங்கிலாந்து அணியில் உடல்நலக்குறைவு காரணமாக முன்னணி பவுலர் ஸ்டூவர்ட் பிராட் இடம் பெறவில்லை. இவருக்கு பதிலாக அஜ்மல் ஷெஜாத் சேர்க்கப்பட்டார். ரவி போபரா நீக்கப்பட்டு, மைக்கேல் யார்டி இடம் பெற்றார். "டாஸ் வென்ற இந்திய கேப்டன் தோனி சற்றும் தயங்காமல் பேட்டிங் தேர்வு செய்தார்.
சச்சின் சதம்:
ஆண்டர்சன் வீசிய முதல் ஓவரிலேயே மூன்று முறை கண்டம் தப்பினார் சேவக். பின் டிம் பிரஸ்னன் வேகத்தில் கீப்பர் மட் பிரயாரின் சூப்பர் "கேட்ச்சில் சேவக்(35) அவுட்டானார். அடுத்து வந்த காம்பிர் "கம்பெனி கொடுக்க, சச்சின் தனது அபார ஆட்டத்தை தொடர்ந்தார். கோலிங்வுட், ஸ்வான் பந்துகளை வரிசையாக சிக்சருக்கு பறக்க விட்ட இவரது ஆட்டத்தை பார்த்துக் கொண்டே இருக்கலாம் போல் இருந்தது. இரண்டாவது விக்கெட்டுக்கு 134 ரன்கள் சேர்த்த நிலையில், காம்பிர்(51), ஸ்வான் பந்தில் போல்டானார். பிரஸ்னன் பந்தை பவுண்டரிக்கு அனுப்பிய சச்சின், உலக கோப்பை அரங்கில் 5வது சதம் அடித்து சாதனை படைத்தார். இது ஒரு நாள் போட்டிகளில் இவரது 47வது சதம். பின் ஸ்வான் சுழலில் இன்னொரு சிக்சர் அடித்து அசத்தினார். ஆண்டர்சன் வேகத்தில் சச்சின் 120 ரன்களுக்கு(10 பவுண்டரி, 5 சிக்சர்) அவுட்டானார்.
யுவராஜ் அசத்தல்:
இதற்கு பின் கேப்டன் தோனி, யுவராஜ் சேர்ந்து விவேகமாக ஆடினர். ஷாஜத் வீசிய போட்டியின் 43வது ஓவரில் தோனி இரண்டு பவுண்டரி விளாசினார். இவரது அடுத்த ஓவரில் யுவராஜ் தன் பங்குக்கு இரண்டு பவுண்டரி அடித்தார். யார்டி பந்தில் தோனி ஒரு சிக்சர் அடிக்க, ஸ்கோர் "ஜெட் வேகத்தில் உயர்ந்தது. அரைசதம் கடந்த யுவராஜ்(58), யார்டி பந்தில் அவுட்டானார்.
பிரஸ்னன் 5 விக்.,:
கடைசி கட்டத்தில் துல்லியமாக பந்துவீசிய பிரஸ்னன், இந்தியாவின் ரன் வேகத்தை கட்டுப்படுத்தினார். இவரது வேகத்தில் தோனி(31) நடையை கட்டினார். போட்டியின் 49வது ஓவரை வீசிய பிரஸ்னன், முதலிரண்டு பந்துகளில் யூசுப் பதான்(14), விராத் கோஹ்லியை(8) வெளியேற்றினார். இதையடுத்து "ஹாட்ரிக் வாய்ப்பு காத்திருந்தது. அடுத்து வந்த ஜாகிர் ஒரு ரன் எடுக்க, வாய்ப்பு நழுவியது. 4வது பந்தில் ஹர்பஜனையும்(0) அவுட்டாக்கிய பிரஸ்னன், தனது 5வது விக்கெட்டை பெற்றார். கடைசி ஓவரில் சாவ்லா(2), ஜாகிர்(4) ரன் அவுட்டாக, இந்திய அணி 50 ஓவரில் 49.5 ஓவரில் 338 ரன்களுக்கு ஆல் அவுட்டானது.
நல்ல துவக்கம்:
கடின இலக்கை விரட்டிய இங்கிலாந்து அணிக்கு கேப்டன் ஸ்டிராஸ், பீட்டர்சன் இணைந்து நல்ல துவக்கம் தந்தனர். முனாப் பந்தில் ஸ்டிராஸ் கொடுத்த "கேட்ச்சை ஹர்பஜன் கோட்டை விட்டார். அப்போது அவர் 22 ரன்கள் தான் எடுத்திருந்தார்.
ஸ்டிராஸ் அசத்தல்:
முதல் விக்கெட்டுக்கு 68 ரன்கள் சேர்த்த நிலையில், முனாப் வேகத்தில் பீட்டர்சன்(31) வீழ்ந்தார். சாவ்லா சுழலில் டிராட்(16) வெளியேறினார். இதற்கு பின் ஸ்டிராஸ், இயான் பெல் இணைந்து அசத்தலாக ஆடினர். யூசுப் பதான் பந்தை ஒரு ரன்னுக்கு தட்டி விட்ட ஸ்டிராஸ், ஒரு நாள் போட்டிகளில் தனது 6வது சதத்தை எட்டினார். தொடர்ந்து மிரட்டிய இவர், யுவராஜ் சுழலில் ஒரு "சூப்பர் சிக்சர் அடித்தார். மறுபக்கம் சாவ்லா பந்தை இயான் பெல், சிக்சருக்கு அனுப்ப, இந்திய ரசிகர்கள் நொந்து போயினர்.
ஜாகிர் திருப்புமுனை:
இந்த நேரத்தில் போட்டியின் 43வது ஓவரை வீசிய ஜாகிர் கான் இங்கிலாந்துக்கு இரட்டை "அடி கொடுத்தார். நான்காவது பந்தில் இயான் பெல்லை(69) வெளியேற்றினார். 5வது பந்தில் ஸ்டிராஸ்(158) அவுட்டானார். இதனை எதிர்த்து இங்கிலாந்து அப்பீல் செய்தும் பலன் கிடைக்கவில்லை. அடுத்த பந்தில் "ஹாட்ரிக் வாய்ப்பு இருந்தது. ஆனால், பிரயார் தடுத்து ஆட, வாய்ப்பு நழுவியது. மீண்டும் மிரட்டிய ஜாகிர், கோலிங்வுட்டை(1) போல்டாக்கினார். ஹர்பஜன் சுழலில் பிரயார்(4) காலியானார். முனாப் பந்தில் யார்டி(13) வெளியேற, இந்தியா வெற்றியை நெருங்கியது. அப்போது 49வது ஓவரை வீசிய சாவ்லா சுழலில் ஸ்வான், பிரஸ்னன் தலா ஒரு சிக்சர் அடிக்க, மீண்டும் பரபரப்பு ஏற்பட்டது.
6 பந்தில் 14 ரன்கள்:
கடைசி ஓவரில் இங்கிலாந்தின் வெற்றிக்கு 14 ரன்கள் தேவைப்பட்டன. முனாப் படேல் பந்துவீசினார். முதல் பந்தில் ஸ்வான் 2 ரன் எடுத்தார். இரண்டாவது பந்தில் ஒரு ரன். 3வது பந்தில் ஷாஜாத் ஒரு சிக்சர் அடிக்க, "டென்ஷன் எகிறியது. நான்காவது பந்தில் ஒரு ரன். 5வது பந்தில் ஸ்வான் 2 ரன்கள் எடுத்தார். கடைசி பந்தில் ஸ்வான் ஒரு ரன் எடுக்க, இங்கிலாந்து அணி 50 ஓவரில் 8 விக்கெட்டுக்கு 338 ரன்கள் எடுத்தது. இரு அணிகளும் ஒரே ஸ்கோர் எடுத்ததால் போட்டி, சமநிலையை("டை) எட்டியது. இரு அணிகளுக்கும் தலா ஒரு புள்ளி வழங்கப்பட்டது.
பவுலிங் ஏமாற்றம்:
பேட்டிங்கில் அசத்திய போதும், கடைசி கட்டத்தில் பவுலிங்கில் சொதப்பியதால், இந்திய வெற்றி நழுவியது.
ஆட்ட நாயகன் விருதை ஸ்டிராஸ் தட்டிச் சென்றார்.





நான்காவது "டை
இந்தியா-இங்கிலாந்து அணிகளுக்கு இடையிலான போட்டி "டை ஆனது. இதன்மூலம் உலக கோப்பை அரங்கில், "டையில் முடிந்த நான்காவது போட்டி என்ற சோகமான பெருமை பெற்றது. முதன்முதலில் கடந்த 1999ல் ஆஸ்திரேலியா-தென் ஆப்ரிக்கா இடையிலான போட்டி "டை ஆனது. அதன்பின் தென் ஆப்ரிக்கா-இலங்கை (2003), அயர்லாந்து-ஜிம்பாப்வே (2007) அணிகள் மோதிய போட்டி "டை ஆனது.






சச்சின் "உலக சாதனை!
சர்வதேச கிரிக்கெட் அரங்கில் அதிக ரன், அதிக சதம் உள்ளிட்ட பல்வேறு சாதனைகளுக்கு சொந்தக் காரரான இந்திய "மாஸ்டர் பேட்ஸ்மேன் சச்சின், உலக கோப்பை அரங்கிலும் பல சாதனைகள் படைத்துள்ளார்.
இங்கிலாந்துக்கு எதிரான லீக் போட்டியில், 115 பந்தில் 120 ரன்கள் (5 சிக்சர், 10 பவுண்டரி) எடுத்த சச்சின், உலக கோப்பை வரலாற்றில் அதிக சதம் (5) கடந்து புதிய உலக சாதனை படைத்தார். இதுவரை இவர், 38 போட்டியில் பங்கேற்று 5 சதம், 13 அரைசதம் உட்பட 1944 ரன்கள் எடுத்துள்ளார். இவரை அடுத்து இந்தியாவின் கங்குலி, ஆஸ்திரேலியாவின் பாண்டிங், மார்க் வாக் உள்ளிட்டோர் தலா 4 சதம் அடித்து 2வது இடத்தை பகிர்ந்து கொண்டுள்ளனர்.
உலக கோப்பை அரங்கில் சச்சின் அடித்த சதங்களின் விபரம்:
ஆண்டு சதம் எதிரணி
1996 127* கென்யா
1996 137 இலங்கை
1999 140* கென்யா
2003 152 நமீபியா
2011 120 இங்கிலாந்து
-----------
மூன்றாவது இடம்
நேற்றைய போட்டியில் விளையாடிய சச்சின், உலக கோப்பை அரங்கில் அதிக போட்டிகளில் விளையாடிய வீரர்கள் வரிசையில் மூன்றாவது இடத்தை இலங்கையின் ஜெயசூர்யா, பாகிஸ்தானின் வாசிம் அக்ரம் ஆகியோருடன் பகிர்ந்து கொண்டார். முதலிரண்டு இடங்களில் ஆஸ்திரேலியாவின் பாண்டிங் (41 போட்டி), மெக்ராத் (39 போட்டி) ஆகியோர் உள்ளனர்.
----
56 ரன்கள் தேவை
உலக கோப்பை அரங்கில், 2000 ரன்கள் என்ற புதிய மைல்கல்லை எட்ட, சச்சினுக்கு இன்னும் 56 ரன்கள் தேவைப்படுகிறது. இதுவரை இவர் 38 போட்டியில் பங்கேற்று 1944 ரன்கள் எடுத்துள்ளார்.
----
இன்னும் இரண்டு சதம்
சர்வதேச கிரிக்கெட் அரங்கில், ஒருநாள் (47) மற்றும் டெஸ்ட் (51) போட்டியில் சேர்த்து மொத்தம் 98 சதம் அடித்துள்ள சச்சின், இன்னும் இரண்டு சதம் அடிக்கும் பட்சத்தில், சதத்தில் சதம் கடந்து மேலும் ஒரு புதிய சாதனை படைக்கலாம்.
---
அதிக பவுண்டரி
நேற்றைய போட்டியில் மொத்தம் 10 பவுண்டரி அடித்த சச்சின், தனது 7வது பவுண்டரியை கடந்த போது, உலக கோப்பை அரங்கில் 200 அல்லது அதற்கு மேற்பட்ட பவுண்டரி அடித்த முதல் வீரர் என்ற பெருமை பெற்றார். இதுவரை இவர் 38 போட்டியில் 203 பவுண்டரி அடித்துள்ளார்.
* நேற்று 5 சிக்சர் விளாசிய சச்சின், அதிக சிக்சர் அடித்த வீரர்கள் வரிசையில் 2வது இடம் பிடித்தார். இவர் இதுவரை 24 சிக்சர் விளாசியுள்ளார். முதலிடத்தில் மற்றொரு இந்திய வீரர் கங்குலி (25 சிக்சர்) உள்ளார்.
--------
இந்தியா "338
நேற்று 338 ரன்கள் எடுத்த இந்திய அணி, உலக கோப்பை அரங்கில் இங்கிலாந்துக்கு எதிராக அதிகபட்ச ஸ்கோரை பதிவு செய்தது. முன்னதாக கடந்த 2003ல் 9 விக்கெட்டுக்கு 250 ரன்கள் எடுத்திருந்ததே அதிகபட்சமாக இருந்தது.
* தவிர இது, சர்வதேச அரங்கில் இங்கிலாந்துக்கு எதிராக எடுக்கப்பட்ட, 2வது அதிகபட்சம். முன்னதாக கடந்த 2008ல் ராஜ்காட்டில் நடந்த போட்டியில் இந்திய அணி 50 ஓவரில் 5 விக்கெட்டுக்கு 387 ரன்கள் எடுத்தது.
* இது, உலக கோப்பை அரங்கில் இந்திய அணியின் 4வது சிறந்த அதிகபட்ச ஸ்கோர். முன்னதாக 413/5 (எதிர்-பெர்முடா, 2007), 373/6(எதிர்-இலங்கை, 1999), 370/4(எதிர்-வங்கதேசம், 2011) ரன்கள் எடுத்தது. இதன்மூலம் இந்திய அணி ஆறாவது முறையாக உலக கோப்பை தொடரில் 300 ரன்களுக்கு மேல் எடுத்தது.
* இது, பெங்களூரு மைதானத்தில் பதிவு செய்யப்பட்ட 2வது அதிகபட்ச ஸ்கோர். முன்னதாக கடந்த 2003ல் ஆஸ்திரேலிய அணி, இந்தியாவுக்கு எதிராக 2 விக்கெட்டுக்கு 347 ரன்கள் எடுத்தது. இதன்மூலம் இங்கு, இந்திய அணி மூன்றாவது முறையாக 300 ரன்களுக்கு மேல் எடுத்தது.
----
சேவக் "1000
நேற்று 35 ரன்கள் எடுத்த இந்திய துவக்க வீரர் சேவக், ஒருநாள் கிரிக்கெட் அரங்கில் இங்கிலாந்துக்கு எதிராக ஆயிரம் ரன்களை கடந்த மூன்றாவது இந்திய வீரர் என்ற பெருமை பெற்றார். முன்னதாக சச்சின் (1455 ரன்கள்), யுவராஜ் சிங் (1187 ரன்கள்) உள்ளிட்டோர், இப்பெருமை பெற்றனர்.
---
"ரன் வள்ளல் ஆண்டர்சன்
நேற்று 9.5 ஓவர்கள் வீசிய இங்கிலாந்து வேகப்பந்துவீச்சாளர் ஜேம்ஸ் ஆண்டர்சன், ஒரு விக்கெட் மட்டும் கைப்பற்றி, 91 ரன்கள் வழங்கினார். இதன்மூலம் உலக கோப்பை அரங்கில், ஒரு போட்டியில் அதிக ரன்கள் வழங்கிய பவுலர்கள் வரிசையில் 5வது இடம் பிடித்தார். தவிர இவர், சர்வதேச ஒருநாள் போட்டியில் இரண்டாவது முறையாக 91 ரன்கள் வழங்கி தனது மோசமான பந்துவீச்சை பதிவு செய்தார். முன்னதாக கடந்த 2ம் தேதி ஆஸ்திரேலியாவுக்கு எதிரான போட்டியில் 10 ஓவரில் 91 ரன்கள் வழங்கினார். கடந்த 1983ல் நடந்த உலக கோப்பை தொடரில் இங்கிலாந்துக்கு எதிராக நியூசிலாந்தின் ஸினிடன், 12 ஓவரில் 2 விக்கெட்டுக்கு 105 ரன்கள் விட்டுக் கொடுத்தார்.
---



ஸ்கோர்போர்டு
இந்தியா
சேவக்(கே)பிரையர்(ப)பிரஸ்னன் 35(26)
சச்சின்(கே)யார்டி(ப)ஆண்டர்சன் 120(115)
காம்பிர்(ப)சுவான் 51(61)
யுவராஜ்(கே)பெல்(ப)யார்டி 58(50)
தோனி(கே)சப்-ரைட்(ப)பிரஸ்னன் 31(25)
யூசுப்(கே)சுவான்(ப)பிரஸ்னன் 14(8)
கோஹ்லி(ப)பிரஸ்னன் 8(5)
ஹர்பஜன் எல்.பி.டபிள்யு.,(ப)பிரஸ்னன் 0(1)
ஜாகிர்-ரன் அவுட்(பிரஸ்னன்/பிரையர்) 4(5)
சாவ்லா ரன்-அவுட்(ஆண்டர்சன்) 2(4)
முனாப்-அவுட் இல்லை- 0(0)
உதிரிகள் 15
மொத்தம் (49.5 ஓவரில் "ஆல் அவுட்) 338
விக்கெட் வீழ்ச்சி: 1-46(சேவக்), 2-180(காம்பிர்), 3-236(சச்சின்), 4-305(யுவராஜ்), 5-305(தோனி), 6-327(யூசுப் பதான்), 7-327(கோஹ்லி), 8-328(ஹர்பஜன்), 9-338(சாவ்லா), 10-338(ஜாகிர் கான்).
பந்து வீச்சு: ஆண்டர்சன் 9.5-0-91-1, ஷெசாத் 8-0-53-0, பிரஸ்னன் 10-1-48-5, சுவான் 9-1-59-1, கோலிங்வுட் 3-0-20-0, யார்டி 10-0-64-1.
இங்கிலாந்து
ஸ்டிராஸ் எல்.பி.டபிள்யு.,(ப)ஜாகிர் 158(145)
பீட்டர்சன் (கே)+(ப)முனாப் 31(22)
டிராட் எல்.பி.டபிள்யு.,(ப)சாவ்லா 16(19)
பெல் (கே)கோஹ்லி (ப)ஜாகிர் 69(71)
கோலிங்வுட் (ப)ஜாகிர் 1(5)
பிரையர் (கே)சப்-ரெய்னா (ப)ஹர்பஜன் 4(8)
யார்டி (கே)சேவக் (ப)முனாப் 13(10)
பிரஸ்னன் (ப)முனாப் 14(9)
சுவான் -அவுட் இல்லை- 15(9)
ஷாக்ஜாத் -அவுட் இல்லை- 6(2)
உதிரிகள் 11
மொத்தம் (50 ஓவரில், 8 விக்.,) 338
விக்கெட் வீழ்ச்சி: 1-68(பீட்டர்சன்), 2-111(டிராட்), 3-281(பெல்), 4-281(ஸ்டிராஸ்), 5-285(கோலிங்வுட்), 6-289(பிரையர்), 7-307(யார்டி), 8-325(பிரஸ்னன்).
பந்துவீச்சு: ஜாகிர் 10-0-64-3, முனாப் 10-0-70-2, சாவ்லா 10-0-71-2, ஹர்பஜன் 10-0-58-1, யுவராஜ் 7-0-46-0, யூசுப் 3-0-21-0.

தென்ஆப்பிரிக்க அணியின் பந்து வீச்சு பயிற்சியாளராக வின்சென்ட் பார்னஸ் இருக்கிறார். இவர் செல்லமாக நாய் ஒன்றை வளர்த்து வருகிறார். அந்த நாய்க்கு `சச்சின்' என்று பெயர் சூட்டி உள்ளார்.

சச்சின் தெண்டுல்கர் எனக்கு மிகவும் பிடித்த கிரிக்கெட் வீரர். எனவே அவரது பெயரை எனது செல்ல நாய்க்கு சூட்டியுள்ளேன் என்று அவர் கூறினார். தென்ஆப்பிரிக்காவில் நாயை மரியாதைக்குரிய விலங்காக கருதுகின்றனர். எனவே ஒருவரை கவுரவிக்க விரும்பினால் அந்த பெயரை நாய்க்கு சூட்டுகின்றனர்.

அதே போல இவரும் தனது நாய்க்கு சச்சின் பெயரை சூட்டி உள்ளார். ஆனால் இந்தியாவில் நாயை மரியாதைக்குரிய விலங்காக கருதுவது இல்லை. எனவே அவர் சச்சின் பெயரை வைத்ததற்கு இந்திய ரசிகர்கள் கண்டனம் தெரிவித்து உள்ளனர். பயிற்சியாளர் நாய்க்கு சச்சின் பெயரை வைத்திருப்பது பற்றிய தகவல் மும்பையில் இருந்து வெளியாகும் ஆங்கில பத்திரிகையின் இணையதளத்தில் வந்திருந்தது.

அதில் ரசிகர்கள் எழுதியுள்ள கருத்தில் கடும் கண்டனத்தை தெரிவித்து இருந்தனர். அந்த பெயரை வாபஸ் பெற வேண்டும் என்றும் பலர் குறிப்பிட்டு இருந்தனர்.

Fans condemn to Southafrica · sachin · Sports

நாய்க்கு `சச்சின்' பெயரை வைத்த தென்ஆப்பிரிக்க பயிற்சியாளர்; ரசிகர்கள் கடும் கண்டனம்

தென்ஆப்பிரிக்க அணியின் பந்து வீச்சு பயிற்சியாளராக வின்சென்ட் பார்னஸ் இருக்கிறார். இவர் செல்லமாக நாய் ஒன்றை வளர்த்து வருகிறார். அந்த நாய்க்கு `சச்சின்' என்று பெயர் சூட்டி உள்ளார்.

சச்சின் தெண்டுல்கர் எனக்கு மிகவும் பிடித்த கிரிக்கெட் வீரர். எனவே அவரது பெயரை எனது செல்ல நாய்க்கு சூட்டியுள்ளேன் என்று அவர் கூறினார். தென்ஆப்பிரிக்காவில் நாயை மரியாதைக்குரிய விலங்காக கருதுகின்றனர். எனவே ஒருவரை கவுரவிக்க விரும்பினால் அந்த பெயரை நாய்க்கு சூட்டுகின்றனர்.

அதே போல இவரும் தனது நாய்க்கு சச்சின் பெயரை சூட்டி உள்ளார். ஆனால் இந்தியாவில் நாயை மரியாதைக்குரிய விலங்காக கருதுவது இல்லை. எனவே அவர் சச்சின் பெயரை வைத்ததற்கு இந்திய ரசிகர்கள் கண்டனம் தெரிவித்து உள்ளனர். பயிற்சியாளர் நாய்க்கு சச்சின் பெயரை வைத்திருப்பது பற்றிய தகவல் மும்பையில் இருந்து வெளியாகும் ஆங்கில பத்திரிகையின் இணையதளத்தில் வந்திருந்தது.

அதில் ரசிகர்கள் எழுதியுள்ள கருத்தில் கடும் கண்டனத்தை தெரிவித்து இருந்தனர். அந்த பெயரை வாபஸ் பெற வேண்டும் என்றும் பலர் குறிப்பிட்டு இருந்தனர்.

மும்பை: ""கடந்த ஒரு ஆண்டுக்கும் மேலாக டெஸ்ட் அரங்கில் தோனி தலைமையிலான இந்திய அணி "நம்பர்-1' இடத்தில் உள்ளது. இதில், இடம் பெற்றிருப்பது மிகவும் பெருமையாக உள்ளது,''
என, சச்சின் தெரிவித்துள்ளார்.


ஒருநாள் கிரிக்கெட்டில் 200 ரன்கள், டெஸ்டில் 50 சதம் அடித்து அசத்தியவர் இந்திய சாதனை பேட்ஸ்மேன் சச்சின். இவருக்கு இந்த ஆண்டின் சிறந்த இந்திய வீரர் மற்றும் ஸ்பெஷல் டெஸ்ட் வீரர் என்ற விருதை, "காஸ்டிரால்' நிறுவனம் வழங்கியது. இதற்கு முன் கடந்த 2009ல், இதே நிறுவனம் வழங்கிய சிறந்த டெஸ்ட் வீரர் விருதும் பெற்றுள்ளார். இவர் தவிர, தோனி, ஹர்பஜன், டிராவிட், யூசுப் பதான் ஆகியோரும் விருது பெற்றனர். விழாவில் பங்கேற்ற சச்சின் கூறியது:


இந்தியாவில் நடந்த டெஸ்ட் போட்டியில், இலங்கை அணியை தோற்கடித்து, இந்திய அணி "நம்பர்-1' டெஸ்ட் அணி என்ற அந்தஸ்தை முதன் முதலாக பெற்றது. அப்போது, இது 30 அல்லது 40 நாட்களுக்குத் தான் நீடிக்கும் என்று, பெரும்பாலானவர்கள் கருத்து தெரிவித்தனர். அடுத்து வந்த தென் ஆப்ரிக்க தொடரில் முதல் டெஸ்டில் தோல்வியடைந்தோம். உடனே "நம்பர்-1' இடம் பறிபோகும் என்றனர். ஆனால், இப்போது ஒரு ஆண்டுக்கும் மேலாக இதே இடத்தில் நீடிக்கிறோம்.
இந்த இடத்தை பெறுவது என்பது அவ்வளவு எளிதல்ல. இதற்காக பல்வேறு சவால்களை எதிர்கொண்டுள்ளோம். கடினமாக உழைத்துள்ளோம். பயிற்சியாளர் கிறிஸ்டனும் அணியில் வியக்கத்தக்க வகையில் மாற்றம் கொண்டு வந்தார். கடந்த 2007க்கு பின் அணியில் உள்ள அனைத்து பேட்ஸ்மேன்களும் சிறப்பாக விளையாடி வருகின்றனர். இத்தகைய அணியில் இருப்பதை மிகவும் பெருமையாக கருதுகிறேன்.


வயது தடையல்ல:
இதுவரை நான்கு முறை காயத்துக்கு "ஆப்பரேஷன்' செய்துள்ளேன். இந்த நேரத்தில் அணியில் வருவதும், போவதுமாக இருந்தேன். பின் 2007க்குப் பின் பெரிய அளவில் காயம் எதுவுமில்லாததால், மகிழ்ச்சியாக உணர்கிறேன். என்னைப் பொறுத்தவரையில் கிரிக்கெட்டில், நீடிக்க வயது ஒரு தடையே அல்ல. நான் 16 வயதில் போட்டிகளில் பங்கேற்க துவங்கினேன். இது போல யாரும் எந்த வயதிலும் துவங்கலாம், எவ்வளவு காலம் வேண்டுமானாலும் விளையாடலாம். ஆனால் எப்படி விளையாடுகின்றோம் என்பது தான் முக்கியம். இந்த உலக கோப்பை தொடரில் சிலவற்றை நிறைவேற்ற விரும்புகிறேன். அது என்ன என்பது எல்லோருக்கும் தெரியும்.
இவ்வாறு சச்சின் கூறினார்.

Cricket · Feature · Indian Cricket Team · sachin · sachin tendulgar · Sports

"நம்பர்-1' அணியில் இருப்பது பெருமை: சச்சின்

மும்பை: ""கடந்த ஒரு ஆண்டுக்கும் மேலாக டெஸ்ட் அரங்கில் தோனி தலைமையிலான இந்திய அணி "நம்பர்-1' இடத்தில் உள்ளது. இதில், இடம் பெற்றிருப்பது மிகவும் பெருமையாக உள்ளது,''
என, சச்சின் தெரிவித்துள்ளார்.


ஒருநாள் கிரிக்கெட்டில் 200 ரன்கள், டெஸ்டில் 50 சதம் அடித்து அசத்தியவர் இந்திய சாதனை பேட்ஸ்மேன் சச்சின். இவருக்கு இந்த ஆண்டின் சிறந்த இந்திய வீரர் மற்றும் ஸ்பெஷல் டெஸ்ட் வீரர் என்ற விருதை, "காஸ்டிரால்' நிறுவனம் வழங்கியது. இதற்கு முன் கடந்த 2009ல், இதே நிறுவனம் வழங்கிய சிறந்த டெஸ்ட் வீரர் விருதும் பெற்றுள்ளார். இவர் தவிர, தோனி, ஹர்பஜன், டிராவிட், யூசுப் பதான் ஆகியோரும் விருது பெற்றனர். விழாவில் பங்கேற்ற சச்சின் கூறியது:


இந்தியாவில் நடந்த டெஸ்ட் போட்டியில், இலங்கை அணியை தோற்கடித்து, இந்திய அணி "நம்பர்-1' டெஸ்ட் அணி என்ற அந்தஸ்தை முதன் முதலாக பெற்றது. அப்போது, இது 30 அல்லது 40 நாட்களுக்குத் தான் நீடிக்கும் என்று, பெரும்பாலானவர்கள் கருத்து தெரிவித்தனர். அடுத்து வந்த தென் ஆப்ரிக்க தொடரில் முதல் டெஸ்டில் தோல்வியடைந்தோம். உடனே "நம்பர்-1' இடம் பறிபோகும் என்றனர். ஆனால், இப்போது ஒரு ஆண்டுக்கும் மேலாக இதே இடத்தில் நீடிக்கிறோம்.
இந்த இடத்தை பெறுவது என்பது அவ்வளவு எளிதல்ல. இதற்காக பல்வேறு சவால்களை எதிர்கொண்டுள்ளோம். கடினமாக உழைத்துள்ளோம். பயிற்சியாளர் கிறிஸ்டனும் அணியில் வியக்கத்தக்க வகையில் மாற்றம் கொண்டு வந்தார். கடந்த 2007க்கு பின் அணியில் உள்ள அனைத்து பேட்ஸ்மேன்களும் சிறப்பாக விளையாடி வருகின்றனர். இத்தகைய அணியில் இருப்பதை மிகவும் பெருமையாக கருதுகிறேன்.


வயது தடையல்ல:
இதுவரை நான்கு முறை காயத்துக்கு "ஆப்பரேஷன்' செய்துள்ளேன். இந்த நேரத்தில் அணியில் வருவதும், போவதுமாக இருந்தேன். பின் 2007க்குப் பின் பெரிய அளவில் காயம் எதுவுமில்லாததால், மகிழ்ச்சியாக உணர்கிறேன். என்னைப் பொறுத்தவரையில் கிரிக்கெட்டில், நீடிக்க வயது ஒரு தடையே அல்ல. நான் 16 வயதில் போட்டிகளில் பங்கேற்க துவங்கினேன். இது போல யாரும் எந்த வயதிலும் துவங்கலாம், எவ்வளவு காலம் வேண்டுமானாலும் விளையாடலாம். ஆனால் எப்படி விளையாடுகின்றோம் என்பது தான் முக்கியம். இந்த உலக கோப்பை தொடரில் சிலவற்றை நிறைவேற்ற விரும்புகிறேன். அது என்ன என்பது எல்லோருக்கும் தெரியும்.
இவ்வாறு சச்சின் கூறினார்.