டெல்லி- மீரட் அதிவேக ரயில்

புதுடெல்லி: மீரட்டில் இருந்து டெல்லிக்கு அதிநவீன விரைவு ரயிலை இயக்க உ.பி. மாநில அரசு முடிவு செய்துள்ளது. டெல்லியின் ஆனந்த் விகார் ரயில் நிலையத்தில் இருந்து மீரட்டிலுள்ள பல்லவ்புரம் வழியாக பேகம்புல் ரயில் நிலையம் வரையில் இந்த ரயிலை இயக்க திட்டமிடப்பட்டுள்ளது. 100 கி.மீ. வேகத்தில் இயக்கப்படவுள்ள இந்த ரயில் மீரட்டிலிருந்து ஒரு மணிநேரத்தில் டெல்லியைச் சென்றடைந்து விடும். இந்த ரயில் திட்டத்தை இறுதி செய்வதற்கான உயர்மட்ட ஆலோசனைக் கூட்டம் மாநில தலைமைச் செயலாளர் அதுல் குமார் குப்தா தலைமையில் இன்று லக்னோவில் நடக்கிறது. திட்டத்தை நிறைவேற்றுவதற்கான வியூகங்களும் கூட்டத்தில் வகுக்கப்படவுள்ளதாகவும் அதிகாரிகள் தெரிவித்தனர்.