சமீராவுக்கு உடற்பயிற்சி கற்றுக் கொடுக்கும் விஷால்!

பாலிவுட்டில் இருந்து கோலிவுட்டில் முகாமிட்டிருக்கும் நடிகை சமீரா ரெட்டிக்கு, இளம் நடிகர் விஷால் உடற்பயிற்சி கற்றுக் கொடுத்துக் கொண்டிருக்கிறார். நடிகர் கம் இயக்குனர் பிரபுதேவா இயக்கத்தில் உருவாகி வரும் புதிய படத்தில் விஷால்தான் ஹீரோ. அவருக்கு ஜோடியாக நடிப்பவர் சமீரா ரெட்டி. படத்தின் கதைப்படி விஷால் ஜிம் மாஸ்டராக நடிக்கிறார். அங்கு வரும் சமீரா ரெட்டிக்கு கட்டுடல் பயிற்சி அளிக்கும் காட்சி சமீபத்தில் சென்னை வளசரவாக்கம் பகுதியில் உள்ள உடற்பயிற்சி நிலையம் ஒன்றில் படமாக்கப்பட்டது. ஒரு நாள் முழுக்க சமீரா ரெட்டி சைக்கிளிங் செய்வது போன்றும், விஷால் சமீராவுக்கு எப்படி சைக்கிள் மிதிப்பது, உடலை கட்டுக்கோப்பாக வைத்துக் கொள்வது எப்படி? என்று சொல்லிக் கொடுத்துக் கொண்டே இருந்திருக்கிறார். இன்னமும் பெயரிடப்படாத இந்த படமும் காதல் கதையை உள்ளடக்கியதுதான் என்கிறது அப்பட யூனிட்!.