புதுக்கோட்டையில் நடந்த நிகழ்ச்சியொன்றில் பேசிய அவர், தமிழ் மக்கள், தமிழ் மண்ணுக்காக போராடி, வாதாடி வரும் இயக்கம்தான் இந்த இயக்கம். இது தேர்தலுக்காக தொடங்கப்பட்ட இயக்கமல்ல.
நாங்கள் திமுக கூட்டணியில்தான் உள்ளோம் என்பதை ஏற்கனவே தெளிவுப்படுத்தி உள்ளோம்.
விடுதலை சிறுத்தைக்கு 230 தொகுதிகளிலும் ஓட்டு வங்கி உள்ளது. 120 தொகுதிகளில் வெற்றி தோல்வியை நிர்ணயிக்கும சக்தியாக உள்ளோம். எனவே விடுதலை சிறுத்தைகள் இல்லாமல் தேர்தல் முடிவை தீர்மானிக்க முடியாது.
கடந்த நாடாளுமன்றத் தேர்தலில் 2 தொகுதிகளில் போட்டியிட்டு 1 தொகுதியில் ஒரு லட்சம் ஓட்டு வித்தியாசத்தில் வெற்றி பெற்றோம். மற்றொரு தொகுதியில் 2,000 ஓட்டுக்களில் மட்டுமே தோல்வி அடைந்தோம். 2 தொகுதியிலும் வெற்றி பெற்றிருந்தால் தேர்தல் கமிஷன் அங்கீகாரம் கிடைத்திருக்கும்.
வரும் சட்டசபை தேர்தலில் தேர்தல் கமிஷன் அங்கீகாரம் கிடைக்க அதிக தொகுதிகளை கேட்போம். இந்த தேர்தலில் திமுக கூட்டணி வெற்றி பெறுவது உறுதி. இந்த 2011ம் ஆண்டு விடுதலை சிறுத்தைகள் ஆண்டாக அமையும் என்றார்.
பின்னர் நிருபர்களிடம் பேசிய அவர், திமுக கூட்டணி வலிமையாக உள்ளது. வரும் சட்டசபைத் தேர்தலில் எங்களுக்கு வெற்றி வாய்ப்புள்ள தொகுதிகளைக் கேட்போம். காங்கிரஸ் கட்சியுடன் தொகுதி பங்கீடு முடிந்த பிறகு எங்கள் கட்சியுடனான பேச்சுவார்த்தையை திமுக தொடஙகும்.
திமுக கூட்டணிக்கு பாமக வரவேண்டும். வருவதற்கான வாய்ப்பு உள்ளது. இருந்தாலும் அவர்களை வெளிப்படையாகவே அழைக்கிறோம் என்றார்.
முன்னதாக கந்தவர்கோட்டையில் விடுதலைச் சிறுத்தைகள் கட்சிப் பிரமுகல் இல்ல திருமணத்தில் பேசிய அவர், நமது கட்சி அங்கீகாரம் பெற 7 சீட்டுகளாவது ஜெயிக்க வேண்டும். அதற்காக நாம் கடுமையாக உழைக்க வேண்டும்.
இப்போது நாம் நமது கட்சியின் அங்கீகாரத்தை பெறுவதற்காக சட்டமன்ற உறுப்பினர்களின் எண்ணிக்கையை அதிகரித்து, கட்சியின் அங்கீகாரத்தை பெற்றுத் தீர வேண்டும்.
நாம் வெற்றி பெற்று முதல்வர் கருணாநிதிக்கு உறுதுணையாக இருக்க வேண்டும். 5, 6 மாவட்டங்களில் மட்டுமே பாமக இன்று வளர்ந்து நிற்கிறது. ஆனால், 40 தொகுதிகளில் இருக்கும் நாம், அங்கீகாரம் இல்லாமல் தவித்துக் கொண்டு இருக்கிறோம். நமது கட்சியில் அதிக உறுப்பினர்களை சேர்க்க வேண்டும் என்றார்.
0 comments :
Post a Comment