காவலன் பட வெற்றிக்கு பிறகு நடிகர் விஜய் நடிக்கும் படம் நண்பன். 3 இடியட்ஸ் என்ற பெயரில் இந்தியில் வெளியாகி சக்கை போடு போட்ட படத்தின் தமிழ் ரீமேக்தான் இந்த நண்பன். பெரும் குழப்பத்திற்கு பிறகு டைரக்டர் ஷங்கர் இயக்கத்தில் உருவாகி வரும் இப்படத்தின் விஜய், ஜீவா, ஸ்ரீகாந்த், எஸ்.ஜே.சூர்யா ஆகிய 4 நாயகர்கள் நடிக்கிறார்கள் என்று முதலில் வந்த தகவல்கள் தெரிவித்தன. நாயகிகளாக இலியானா, அனுயா நடிக்கிறார்கள். இப்போது படத்தில் புதிதாக ஒரு ஹீரோவும் சேர்ந்திருக்கிறார். அவர்தான் ராகவா லாரன்ஸ். படத்தில் இடம்பெறும் அஸ்தி கரைக்கும் கேரக்டர் ஒன்றில் லாரன்ஸ் நடிக்கிறாராம். முதலில் இந்த கேரக்டரில் நடிக்க பிரசன்னாவிடம்தான் தேதி கேட்டிருந்தனர். ஆனால் அவரது தேதி கிடைக்காததால் ராகவா லாரன்ஸ் அந்த இடத்தை பிடித்துக் கொண்டார்.
முதல்கட்ட சூட்டிங்கை வெற்றிகரமாக முடித்திருக்கும் டைரக்டர் ஷங்கர், இந்த படத்தின் இறுதி கட்டத்தை எட்டுவதற்குள் இன்னும் எத்தனை ஹீரோக்களை, ஹீரோயின்களை நண்பனில் இணைக்கப் போகிறாரோ? அவருக்கே வெளிச்சம்!
0 comments :
Post a Comment