கோதுமை ரவா கேசரி

தேவையானவை:

கோதுமை ரவை - 250 கிராம்
வெல்லம் - 250 கிராம்
நெய் - 75 கிராம்
முந்திரிப் பருப்பு - 15
ஏலக்காய் - 4

செ‌ய்யு‌ம் முறை:

கோதுமை ரவையை லேசாக வறுத்தெடுத்துத் தேவையான அளவு தண்ணீர் சேர்த்து அடுப்பில் வைத்து வேக வையுங்கள்.

அது நன்றாக வெந்ததும் வெல்லத்தைத் தட்டிப் போட்டுக் கிளறிவிடுங்கள்.

தொடர்ந்து வெல்லப்பாகு கெட்டியானதும் சிறிதளவு நெய்யில் வறுத்த முந்திரிப்பருப்பை அதில் போடுங்கள்.

ஏலக்காயையும் தட்டிப்போட்டு இரண்டு நிமிடங்களுக்குப் பிறகு நெய்யை ஊற்றுங்கள்.

தொடர்ந்து கிளறிவிட்டு அந்தக் கலவை கேசரி பக்குவத்திற்கு வந்ததும் அடுப்பிலிருந்து இறக்குங்கள்.

நெய்யில் வறுத்த உலர்ந்த திராட்சையைச் சேர்த்தால் மேலும் சுவையாக இருக்கும்.