கோதுமை அதிரசம்

தேவையானப் பொருட்கள்:

கோதுமை மாவு - 4 கப்
சர்க்கரை அல்லது வெல்லம் - 2 கப்
தண்ணிர் - 1 கப்
நெய் - போதுமான அளவு
கிஸ்மிஸ் - விருப்பத்திற்கு ஏற்ப

செய்முறை:

சர்க்கரை அல்லது வெல்லத்தூளுடன் சிறிது தண்ணீர் சேர்த்துப் பாகு காய்ச்சவும்.

காய்ச்சிய பாகை கோதுமை மாவில் சேர்த்து நன்கு பிசையவும். கிஸ்மிஸ் போதுமான அளவு சேர்க்கவும்.

பிசைந்த மாவை உருண்டைகளாகப் பிடித்துக் கொள்ளவும்.

வாணலியில் நெய்யை விட்டு நன்கு கொதிக்க வைக்கவும்.

பின்னர் உருண்டைகளை தட்டையாகத் தட்டி நெய்யில் போட்டு புரட்டி புரட்டி நன்கு வேக வைக்கவும்.

வித்தியாசமான கோதுமை அதிரசம் தயார்.