''தமிழ் ஈழ மக்களின் துயரமும் தியாகமும் நிறைந்த கண்ணீர் வரலாற்றில்,காக்கைவன்னியன்களும், கருணாக்களும், தொடர்ந்து துரோகம்இழைப்பவர்களும் தமிழ் ஈழ விடுதலை விரும்பிகளால் அடையாளம்காணப்பட வேண்டும்.
இரத்தமும் கண்ணீரும் சிந்தி மகத்தான போராட்டங்களாலும், அளப்பரிய தியாகத்தாலும், தமிழ் ஈழத் தேசியத் தலைவர் மாவீரர் பிரபாகரனும், அவர் கட்டி எழுப்பிய தமிழ் ஈழ விடுதலைப்புலிகள் இயக்கமும் நிர்மாணித்த ஈழத் தமிழ் தேசத்தை, மலர இருந்த சுதந்திரத் தமிழ் ஈழத்தை நிர்மூலம் செய்யத் திட்டமிட்டு, மனிதகுலத்தின் மனச்சாட்சியை நடுநடுங்கச் செய்யும் கோரமான இனப் படுகொலையைச் சிங்கள இனவாத அரசின் அதிபர் மகிந்த இராஜ பக்ச கூட்டம் செய்யவும்,விடுதலைப்புலிகளைப் போர்க்களத்தில் தோற்கடிக்கவும், இலட்சக்கணக்கான தமிழ் ஈழ மக்களை, குழந்தைகள், பெண்கள், வயதில் மூத்தோர் என அனைவரையும் ஈவு இரக்கம் இன்றிப் படுகொலை செய்யவும், சோனியா காந்தி இயக்கும்இந்தியாவின் ஐக்கிய முற்போக்குக் கூட்டணி அரசு ஆயுதங்களும்ஆயிரமாயிரம் கோடிப் பணமும் கொடுத்து, இந்தியாவின் முப்படைத்தளபதிகளையும் இலங்கைக்கு அனுப்பி, தமிழர் அழிப்பு யுத்தத்தைஇயக்கியது மன்னிக்க முடியாத கொடிய துரோகம்.
லண்டன் சேனல் 4 தொலைக்காட்சி, 2010 டிசம்பர் 30-ல் வெளியிட்டகாணொளிக் காட்சிகள், தமிழர் நெஞ்சில் நெருப்பைப் போட்டு துடிக்கச்செய்கின்றன. பிரித்தானியத் தமிழர்கள் கொட்டும் பனியில் பல்லாயிரக்கணக்கில்திரண்டு, ராஜ பக்சவை லண்டனை விட்டு ஓடச் செய்தனர். உலகின்மனச்சாட்சி இப்பொழுதுதான் தமிழர் துயரத்தை உணரத் தொடங்கி உள்ளது.
சர்வதேச குற்றயியல் நீதிமன்றத்தின் குற்றவாளிக் கூண்டில் இராஜ பக்சவையும் அவனது கொடிய சகோதரர்களையும் தண்டிக்க, தன்மானத் தமிழர்கள் சூளுரைக்கும் நிலை உருவாகி உள்ளது. வீரத் தியாகி முத்துக்குமார் உள்ளிட்ட 17 தமிழர்கள் தணலுக்குத் தங்கள் உயிர்களை ஆகுதியாக்கியது வீண் போகாது.இச்சூழலில், இந்தியாவின் மத்தியில் ஆட்சிக்குத் தலைமை தாங்கும்காங்கிரசின் தலைமை ஈழத் தமிழர்க்குச் செய்த துரோகத்தை மூடிமறைக்கவும், உண்மைகளைப் புதைக்குழிக்கு அனுப்பவும், பொய்ப்பிரசாரத்தை அவிழ்த்து விடவும், இந்திய உளவுத்துறையின் ஏற்பாட்டில் ஒருகூட்டம் ஒரு திட்டத்தை வகுத்துள்ளது.
தமிழ்ஈழ விடுதலைப்புலிகளுக்கு எதிராக எண்ணற்ற துரோகங்களைச் செய்து,தமிழ்ஈழப் பகைவர்களின் கைக்கூலியாகச் செயல்பட்ட ஈ என் டி எல் எஃப்இயக்கத்தைச் சேர்ந்த சிலர், ஸ்ரீபெரும்புதூரில் இருந்து டெல்லிக்குநடைப்பயணம் போகவும், பொய்களைப் பரப்புரை செய்யவும்திட்டமிட்டுள்ளதோடு, டெல்லியில் காங்கிரஸ் தலைவர்களைச் சந்தித்து,ஈழத் தமிழர் என்ற போர்வையில் தமிழ் ஈழ விடுதலைக்கு உண்மையில்போராடுவோரைக் கொச்சைப்படுத்தவும், தமிழ் இனத்துக்கு இழிவைத் தரும்காரியங்களில் ஈடுபடவும் முற்பட்டு உள்ளனர்.
தாய்த் தமிழகத்துத் தமிழர்களும், உலகெங்கும் உள்ள புலம் பெயர்ந்த தமிழ்ஈழமக்களும் துரோகிகளை அடையாளம் கண்டு கொள்ளவும், இந்த மோசடிமுயற்சிகளை ஆரம்பத்திலேயே முறியடிக்கவும் மிக்க விழிப்பு உணர்வுடன்செயலாற்ற வேண்டும்'' என்று வைகோ தனது அறிக்கை மூலம் கேட்டுக் கொண்டுள்ளார்.
0 comments :
Post a Comment