மேஷம்போராட்டங்களும், புரட்சிகரமான சிந்தனைகளும் உடைய நீங்கள், தன்னைப் போல் மற்றவர்களும் மகிழ்ச்சியுடன் வாழ வேண்டும் என நினைப்பீர்கள். புதன் சாதகமாக இருப்பதால் புதிய சிந்தனைகள் மனதில் தோன்றும். பிரபலங்கள் அறிமுகமாவார்கள். பணவரவு அதிகரிக்கும். குடும்பத்தில் மகிழ்ச்சி தங்கும். பிள்ளைகளின் பொறுப்புணர்வு அதிகமாகும். உறவினர்கள், நண்பர்களால் அனுகூலம் உண்டு. வீடு, வாகன வசதிப் பெருகும். கன்னிப் பெண்களின் நீண்ட நாள் ஆசைகள் நிறைவேறும். ராசிநாதன் செவ்வாய் உச்சம் பெற்றிருப்பதால் சொத்துப் பிரச்சனைகளுக்கு நல்ல தீர்வு கிடைக்கும். சகோதர பகை நீங்கும். வாகனத்தை சீர் செய்வீர்கள். வழக்கில் சாதகமான தீர்ப்பு வரும். 12-ல் நிற்கும் குருவால் திடீர் பயணங்கள், செலவுகளால் திணறுவீர்கள். 15-ந் தேதி வரை சூரியன் 9-ம் வீட்டில் நிற்பதால் தந்தைக்கு மூட்டு வலி, மூச்சுத்திணறல் வந்து செல்லும். அரசியல்வாதிகள் தலைமைக்கு சில ஆலோசனைகள் வழங்குவீர்கள். வியாபாரத்தில் கூடுதல் லாபம் கிடைக்கும். பங்குதாரர்கள் உங்களுடன் கலந்தாலோசித்து சில முக்கிய முடிவுகள் எடுப்பார்கள். உத்தியோகத்தில் உங்களின் திறமைகள் வெளிப்படும். கலைத்துறையினர்களுக்கு புது ஒப்பந்தங்கள் கையெழுத்தாகும். தொலை நோக்குச் சிந்தனையால் சாதிக்கும் வாரமிது. அதிர்ஷ்ட தேதிகள் : 10, 11, 15 அதிர்ஷ்ட எண்கள் : 7, 8 அதிர்ஷ்ட நிறங்கள் : ஆரஞ்சு, ஊதா அதிர்ஷ்ட திசை : தென்மேற்கு
ராசி குணங்கள்
ரிஷபம்வெள்ளையுள்ளமும், வெளிப்படையான பேச்சும் கொண்ட நீங்கள், யார் தயவிலும் வாழாமல் தன் கையே தனக்குதவி என நினைப்பவர்கள். குரு வலுவாக நிற்பதால் நினைத்தது நிறைவேறும். அதிகாரப் பதவியில் இருப்பவர்கள் உதவுவார்கள். எதிர்பார்த்த பணம் வரும். குடும்பத்தில் அமைதி நிலவும். பிள்ளைகளின் கூடாப்பழக்க, வழக்கங்கள் விலகும். ஆன்மிக நாட்டம் அதிரிக்கும். மகளுக்கு தடைப்பட்ட திருமணப் பேச்சு வார்த்தைக் கைக்கூடும். சுக்ரன் சாதகமாக இருப்பதால் உற்சாகம் அடைவீர்கள். தடைப்பட்ட வேலைகள் முடியும். டி. வி. , வாஷிங் மெஷின் போன்ற சாதனங்கள் வாங்குவீர்கள். கன்னிப் பெண்களின் எதிர்பார்ப்புகள் நிறைவேறும். பெற்றோர் உங்களைப் புரிந்துக் கொள்வார்கள். புதன் சாதகமாக இருப்பதால் பழைய சொந்த-பந்தங்கள் தேடி வந்து பேசுவார்கள். 8-ல் சூரியன் நிற்பதால் சிறுசிறு விபத்து, தாயாருடன் கருத்து மோதல்கள், ஏமாற்றம் வந்து செல்லும். வழக்கில் நிதானம் தேவை. செவ்வாய் 9-ம் வீட்டில் இருப்பதால் சொத்து சிக்கல் தீரும். சகோதர வகையில் உதவிகள் கிடைக்கும். அரசியல்வாதிகள் யாரையும் விமர்சித்து பேசாதீர்கள். வியாபாரத்தில் அனுபவமிக்க வேலையாட்களை தேடுவீர்கள். உத்தியோகத்தில் சில நுணுக்கங்களை கற்றுக் கொள்வீர்கள். சக ஊழியர்கள் உதவுவார்கள். கலைத்துறையினர்களுக்கு புகழ், கௌரவம் உயரும். விடாமுயற்சியால் வெற்றி பெறும் வாரமிது. அதிர்ஷ்ட தேதிகள் : 10, 12, 13 அதிர்ஷ்ட எண்கள் : 1, 2 அதிர்ஷ்ட நிறங்கள் : மெரூண், வெள்ளை அதிர்ஷ்ட திசை : கிழக்கு
ராசி குணங்கள்
மிதுனம்கரைப்பார், கரைத்தால் கல்லும் கரையும் என்ற பழமொழியை அறிந்த நீங்கள், இங்கிதமான பேச்சால் மற்றவர்கள் மனதில் எளிதில் இடம் பிடிப்பவர்கள். புதன் சாதகமான நட்சத்திரங்களில் செல்வதால் இழுபறியாக இருந்த வேலைகள் முடியும். குடும்ப பொறுப்புகள் அதிகரிக்கும். ஒரு சொத்தைக் காப்பாற்ற மற்றொரு சொத்தை விற்க வேண்டி வரும். பிள்ளைகளிடம் குவிந்துக் கிடக்கும் திறமைகளை இனம் கண்டறிந்து வளர்ப்பீர்கள். வர வேண்டிய பணத்தை பல முறை கேட்டுப் பெறுவீர்கள். புதியவர்கள் நண்பர்களாவார்கள். உறவினர்கள் உதவுவார்கள். சுக்ரன் 6-ல் மறைந்திருப்பதால் கணவன்-மனைவிக்குள் விட்டுக் கொடுத்துப் போவது நல்லது. வாகனத்தை கவனமாக இயக்கப்பாருங்கள். மின்சாரம், மின்னணு சாதனங்கள் பழுதாகும். கன்னிப் பெண்கள் பெற்றோரை அனுசரித்துப் போங்கள். செவ்வாயும், சூரியனும் சரியில்லாததால் உடல் உஷ்ணம், வீண் டென்ஷன் வந்துச் செல்லும். உடன்பிறந்தவர்களுடன் சச்சரவு வரும். அரசியல்வாதிகளுக்கு மறைமுக எதிர்ப்புகள் இருக்கும். குரு 10-ல் தொடர்வதால் மற்றவர்களை நம்பி குறுக்கு வழியில் செல்லாதீர்கள். வியாபாரத்தில் பழைய பாக்கிகளை நயமாகப் பேசி வசூலிக்கப்பாருங்கள். உத்தியோகத்தில் உங்கள் உழைப்பிற்கு அங்கீகாரம் கிடைக்கவில்லையே என ஆதங்கப்படுவீர்கள். கலைத்துறையினர்களைப் பற்றிய வதந்திகள் வரும். தட்டு தடுமாறி கரையேறும் வாரமிது. அதிர்ஷ்ட தேதிகள் : 10, 12, 14 அதிர்ஷ்ட எண்கள் : 6, 8 அதிர்ஷ்ட நிறங்கள் : ரோஸ், நீலம் அதிர்ஷ்ட திசை : வடகிழக்கு
ராசி குணங்கள்
கடகம்தடைகளைக் கண்டு தளராமல், பீனிக்ஸ் பறவை போல ஓயாமல் போராடி உயிர்த்தெழும் குணம் கொண்ட நீங்கள், கடின உழைப்பாளிகள். சுக்ரன் 5-ல் நிற்பதால் உங்கள் அணுகுமுறையை மாற்றிக் கொள்வீர்கள். பணப்புழக்கம் அதிகரிக்கும். கணவன்-மனைவிக்குள் நெருக்கம் உண்டாகும். குழந்தை பாக்யம் கிடைக்கும். உங்கள் ரசனைக் கேற்ப வீடு, வாகனம் அமையும். வங்கிக் கடன் கிடைக்கும். நீண்ட நாட்களாக பார்க்க வேண்டும் என்று நினைத்தவரை சந்தித்து மகிழ்வீர்கள். கன்னிப் பெண்களின் நீண்ட நாள் கனவு நனவாகும். உடல் நலம் சீராகும். என்றாலும் சூரியன் ராகுவுடன் நிற்பதால் வீண் பழி, ஒற்றை தலை வலி வந்து நீங்கும். குரு வலுவாக நிற்பதால் நாடாளுபவர்களின் நட்பு கிடைக்கும். புது வேலைக் கிடைக்கும். அரசு காரியங்கள் விரைந்து முடியும். அரசியல்வாதிகள் தலைமைக்கு நெருக்கமாவீர்கள். செவ்வாய் சாதகமாக இருப்பதால் திடமாக சில முக்கிய முடிவுகள் எடுப்பீர்கள். உடன்பிறந்தவர்களின் பிரச்சனைகளை தீர்த்து வைப்பீர்கள். பூர்வீக சொத்தை சீர் செய்வீர்கள். வேற்றுமொழிப் பேசுபவர்களால் ஆதாயம் உண்டு. வியாபாரத்தில் சில மாற்றங்கள் செய்வீர்கள். புது பங்குதாரரை சேர்ப்பீர்கள். உத்தியோகத்தில் மேலதிகாரி உங்களை நம்பி சில முக்கிய பொறுப்புகளை ஒப்படைப்பார். புதிய பாதையில் பயணத்தைத் தொடங்கும் வாரமிது. அதிர்ஷ்ட தேதிகள் : 11, 13, 15 அதிர்ஷ்ட எண்கள் : 3, 9 அதிர்ஷ்ட நிறங்கள் : ஊதா, மஞ்சள் அதிர்ஷ்ட திசை : வடக்கு
ராசி குணங்கள்
சிம்மம்கவரிமானைப் போல் தன்மானம் மிக்க நீங்கள், நெருக்கடி நேரத்திலும் நெறி பிறழ மாட்டீர்கள். செவ்வாய் 6-ல் சாதகமாக இருப்பதால் குழப்பம் நீங்கி தெளிவான முடிவுகள் எடுப்பீர்கள். கணவன்-மனைவிக்குள் மனம் விட்டு பேசுவீர்கள். பேச்சில் முதிர்ச்சி தெரியும். கேட்ட இடத்தில் பணம் கிடைக்கும். மனதிற்கு இதமான செய்திகள் வந்து சேரும். கன்னிப் பெண்களுக்கு காதல் மற்றும் உயர்கல்வி சம்பந்தப்பட்ட குழப்பங்கள் நீங்கும். 15-ந் தேதி வரை ராசிநாதன் சூரியன் 5-ம் வீட்டில் நிற்பதால் பிள்ளைகளால் அலைச்சல் இருக்கும். அரசியல்வாதிகள் சகாக்களுடன் விவாதங்களை தவிர்ப்பது நல்லது. 10, 11 மற்றும் 12-ந் தேதி இரவு 7 மணி வரை சந்திராஷ்டமம் நடப்பதால் எதிலும் பொறுமையுடன் செயல்படப்பாருங்கள். யோகா, தியானம் செய்வது நல்லது. அயல்நாட்டிலிருப்பவர்களால் ஆதாயம் அடைவீர்கள். 8-ல் குரு மறைந்திருப்பதால் எதிர்பாராத பணவரவு உண்டு ஆனாலும் அநாவசியச் செலவுகளும் அதிகரிக்கும். வியாபாரத்தில் அதிரடி சலுகைகள் மூலம் லாபமடைவீர்கள். உத்தியோகத்தில் உயரதிகாரி சில சூட்சுமங்களை சொல்லித் தருவார். கலைத்துறையினர்கள் உற்சாகத்துடன் வலம் வருவார்கள். விடாமுயற்சியால் விட்டதைப் பிடிக்கும் வாரமிது. அதிர்ஷ்ட தேதிகள் : 10, 12, 14 அதிர்ஷ்ட எண்கள் : 4, 5 அதிர்ஷ்ட நிறங்கள் : சிவப்பு, ஆலிவு பச்சை அதிர்ஷ்ட திசை : தென்கிழக்கு
ராசி குணங்கள்
கன்னிகற்பனைத் திறன் அதிகம் உள்ள நீங்கள், ஆகாயக் கோட்டை கட்டுவதில் வல்லவர்கள். யோகாதிபதி சுக்ரன் சாதகமான நட்சத்திரங்களில் செல்வதால் நீண்ட நாட்களாக தள்ளிப் போன காரியங்கள் முடியும். ஓரளவு பணம் வரும். குடும்பத்தில் சந்தோஷம் நிலைக்கம். பிள்ளைகள் உங்கள் அறிவுரையை ஏற்றுக் கொள்வார்கள். அநாவசிய செலவுகளை கட்டுப்படுத்துவீர்கள். மனைவி வழியில் எதிர்பார்த்த உதவிகள் கிடைக்கும். நவீன ரக ஆடியோ, வீடியோ சாதனங்கள் வாங்குவீர்கள். குரு பகவான் 7-ல் நிற்பதால் சொந்த-பந்தங்கள் தேடி வருவார்கள். ஆன்மீகத்தில் மனம் லயிக்கும். பூர்வீக சொத்தை விற்று புது நிலம், வீடு வாங்குவீர்கள். கன்னிப்பெண்களுக்கு தடைபட்டுக் கொண்டிருந்த திருமணம் இப்போது கைகூடி வரும். அரசியல்வாதிகள் சகாக்களுக்கு மத்தியில் மதிக்கப்படுவீர்கள். சகோதர பகை விலகும். 12-ந் தேதி இரவு 7 மணி முதல் 13 மற்றும் 14 ஆகிய தேதிகளில் சந்திராஷ்டமம் இருப்பதால் யாரிடமும் உணர்ச்சிவசப்பட்டு பேசாதீர்கள். ஜன்மச் சனி தொடர்வதால் முதுகு வலி, முன்கோபம் வந்து நீங்கும். வியாபாரத்தில் எதிர்பார்த்த ஒப்பந்தம் உங்களுக்குக் கிடைக்கும். வாடிக்கையாளர்களின் வருகை அதிகரிக்கும். உத்தியோகத்தில் மூத்த அதிகாரிகள் முக்கிய அறிவுரைகள் தருவார்கள். கலைத்துறையினர்களின் திறமைகள் வெளிப்படும். தோல்வியிலிருந்து விடுபடும் வாரமிது. அதிர்ஷ்ட தேதிகள் : 11, 13, 15 அதிர்ஷ்ட எண்கள் : 4, 7 அதிர்ஷ்ட நிறங்கள் : ப்ரவுன், க்ரீம் வெள்ளை அதிர்ஷ்ட திசை : கிழக்கு
ராசி குணங்கள்
துலாம்நடுநிலை தவறாத நீங்கள், நியாயத்தின் பக்கம் எப்போதும் நிற்பீர்கள். செவ்வாயும், சூரியனும் சாதகமாக இருப்பதால் புதிய திட்டங்கள் நிறைவேறும். எதிர்த்தவர்கள் நண்பர்களாவார்கள். குடும்பத்தினரின் எண்ணங்களையும், ஆசைகளையும் புரிந்துக் கொண்டு பூர்த்தி செய்வீர்கள். பிள்ளைகள் குடும்ப சூழ்நிலைக்கு தகுந்தாற் போல் பொறுப்பாக இருப்பார்கள். உங்களை ஏமாற்றிக் கொண்டிருந்தவர்களை இனங்கண்டறிந்து ஒதுக்குவீர்கள். எதிர்பார்த்த விலைக்கு பழைய மனையை விற்பீர்கள். உடன்பிறந்தவர்களால் அனுகூலம் உண்டு. உறவினர்களின் ஆதரவுப் பெருகும். பள்ளிக் கல்லூரிக் கால நண்பர்களை சந்தித்து மகிழ்வீர்கள். கன்னிப் பெண்களுக்கு வேலைக் கிடைக்கும். முகப்பரு, தேமல் நீங்கும். 6-ல் குரு மறைந்திருப்பதால் வீண் சந்தேகம், மறைமுக எதிர்ப்பு, இனந்தெரியாத கவலைகள் வந்து விலகும். விரையச் சனி தொடர்வதால் கடனை நினைத்து சில நேரங்களில் கவலைப்படுவீர்கள். 15, 16 ஆகிய தேதிகளில் சந்திராஷ்டமம் தொடர்வதால் எதிலும் யோசித்து முடிவெடுக்கப்பாருங்கள். வியாபாரத்தில் புது இடத்திற்கு கடையை மாற்றுவீர்கள். உத்தியோகத்தில் மற்றவர்களின் வேலையையும் சேர்த்து பார்க்க வேண்டி வரும். கலைத்துறையினர்கள் மறைமுகப் போட்டிகளை சமாளிப்பீர்கள். நல்லவர்களின் நட்பால் சாதிக்கும் வாரமிது. அதிர்ஷ்ட தேதிகள் : 12, 13, 14 அதிர்ஷ்ட எண்கள் : 3, 5 அதிர்ஷ்ட நிறங்கள் : சில்வர்கிரே, மெரூண் அதிர்ஷ்ட திசை : மேற்கு
ராசி குணங்கள்
விருச்சிகம்உள்ளத்தில் அழுதாலும், உதட்டால் புன்னகைக்கும் நீங்கள், தன்னை எதிர்ப்பவர்களுக்கும் நல்லதே நினைப்பவர்கள். சுக்ரன் ராசிக்குள் நிற்பதால் சுறுசுறுப்புடன் செயல்பட்டு தேங்கிக் கிடந்த வேலைகளை முடிப்பீர்கள். வாராது என்றிருந்த பணம் வரும். கணவன்-மனைவிக்குள் அன்யோன்யம் பிறக்கும். பிள்ளைகள் தங்கள் தவறை உணருவார்கள். மனைவி வழியில் நல்ல செய்தி உண்டு. நினைத்திருந்த டிசைனில் ஆடை, ஆபரணங்கள் வாங்குவீர்கள். குரு வலுவாக அமர்ந்திருப்பதால் மதிப்பு, மரியாதைக் கூடும். கல்யாண விஷயங்களை நல்ல விதத்தில் பேசி முடிப்பீர்கள். சித்தர்கள், மகான்களின் ஆசி கிட்டும். உறவினர்கள் உதவுவார்கள். அக்கம்-பக்கம் வீட்டாரின் ஆதரவுப் பெருகும். கன்னிப் பெண்களின் நீண்ட நாள் கனவு நனவாகும். தடைப்பட்ட உயர்கல்வியை தொடர்வீர்கள். ராசிநாதன் செவ்வாய் உச்சம் பெற்றிருப்பதால் தைரியம் கூடும். வழக்கில் நல்ல தீர்ப்பு வரும். அரசியல்வாதிகள் யாரையும் விமர்சித்துப் பேச வேண்டாம். வியாபார ரீதியாக பிரபலங்களை சந்திப்பீர்கள். வேலையாட்களிடம் தொழில் சம்பந்தமான ரகசியங்களை வெளியிட வேண்டாம். உத்தியோகத்தில் வேலைச்சுமை அதிகரிக்கும். சக ஊழியர்களால் உங்கள் பெயர் கெடாமல் பார்த்துக் கொள்ளுங்கள். கலைத்துறையினர்கள் பரபரப்புடன் காணப்படுவார்கள். சவால்களில் வெற்றி பெறும் வாரமிது. அதிர்ஷ்ட தேதிகள் : 10, 11, 16, அதிர்ஷ்ட எண்கள் : 2, 7 அதிர்ஷ்ட நிறங்கள் : நீலம், ரோஸ் அதிர்ஷ்ட திசை : வடகிழக்கு
ராசி குணங்கள்
தனுசுஎதிர்பார்த்த போது கிடைக்காத வெற்றி எத்தனை முறை கிடைத்தாலும் தோல்வி தான் என்பதை உணர்ந்த நீங்கள் எதையும் தாங்கும் இதயம் கொண்டவர்கள். பூர்வ புண்யாதிபதி 2-ல் உச்சம் பெற்றிருப்பதால் திட்டமிட்ட காரியங்கள் கைக்கூடும்-. வி. ஐ. பிகளின் நட்பு கிடைக்கும். பணப்புழக்கம் கணிசமாக உயரும். குடும்பத்தில் உங்கள் வார்த்தைக்கு மதிப்புக் கூடும். பிள்ளைகள் நீண்ட நாள் கேட்டுக் கொண்டிருந்ததை வாங்கித் தருவீர்கள். நட்பு வட்டம் விரியும். புது வண்டி வாங்குவீர்கள். உறவினர்கள் மத்தியில் மதிக்கப்படுவீர்கள். பழைய வீட்டை நல்ல விலைக்கு விற்று புது இடம் வாங்குவீர்கள். சனி வலுவாக இருப்பதால் வெளிநாடு செல்லும் வாய்ப்பு வரும். கடன் பிரச்சனைகள் கட்டுக்குள் அடங்கும். கன்னிப் பெண்கள் தடைப்பட்ட உயர்கல்வியை தொடர்வீர்கள். ராசிக்குள் சூரியனும், ராகுவும் நிற்பதால் பெற்றோரால் வீண் அலைச்சல், செலவுகள் வந்து போகும். அரசியல்வாதிகள் கட்சிக்குள் நடக்கும் கோஷ்டி பூசலில் தலையிடாமலிருப்பது நல்லது. 4-ல் குரு தொடர்வதால் தாயாருடன் கருத்து மோதல்கள், வருங்காலம் பற்றிய கவலைகள் வந்து விலகும். வியாபாரத்தில் புது சரக்குகள் கொள்முதல் செய்வீர்கள். உத்தியோகத்தில் உங்களின் பரந்த மனசை மூத்த அதிகாரி புரிந்துக் கொண்டு உதவுவார். மனஉறுதியால் வெல்லும் வாரமிது. அதிர்ஷ்ட தேதிகள் : 12, 14, 16 அதிர்ஷ்ட எண்கள் : 1, 9 அதிர்ஷ்ட நிறங்கள் : மயில் நீலம், ஆரஞ்சு அதிர்ஷ்ட திசை : தென்மேற்கு
ராசி குணங்கள்
மகரம்மறப்போம் மன்னிப்போம் என்ற கொள்கை உடைய நீங்கள், பாகுபாடு பார்க்காமல் பலரிடமும் பாசமாக பழகுவீர்கள். சனி பகவான் வலுவாக அமர்ந்திருப்பதால் திட்டவட்டமாக சில முக்கிய முடிவுகள் எடுப்பீர்கள். ஓரளவு பணவரவு உண்டு. குடும்பத்தில் இழந்த செல்வாக்கை மீண்டும் பெறுவீர்கள். பிள்ளைகளின் பிடிவாதம் தளரும். உறவினர்களால் நன்மை உண்டு. அடகிலிருந்த நகையை மீட்பீர்கள். புதியவர்கள் அறிமுகமாவார்கள். நண்பர்கள் ஒத்தாசையாக இருப்பார்கள். கட்டிட வேலைகளைத் தொடங்குவீர்கள். லோன் கிடைக்கும். மகனுக்கு நீங்கள் எதிர்பார்த்ததைப் போல நல்ல குடும்பத்திலிருந்து பெண் அமையும். ஆன்மிக நாட்டம் அதிகரிக்கும். கன்னிப் பெண்களின் புது முயற்சியை பெற்றோர் ஆதரிப்பார்கள். 12-ல் ராகுவும், சூரியன் நிற்பதால் மனஉளைச்சல், கண் எரிச்சல், செலவுகள் வந்துப் போகும். அரசு காரியங்கள் இழுபறியாகும். வேற்றுமதத்தினரால் ஆதாயம் உண்டு. வெளியூர் பயணங்கள் திருப்திகரமாக அமையும். வியாபாரத்தில் சந்தை நிலவரம் அறிந்து புது ஏஜென்ஸி எடுப்பீர்கள். உத்தியோகத்தில் சக ஊழியர்கள் மதிப்பார்கள். கலைத்துறையினரே சம்பள பாக்கி கைக்கு வரும். வளைந்து நிமிரும் வாரமிது. அதிர்ஷ்ட தேதிகள் : 13, 14, 15 அதிர்ஷ்ட எண்கள் : 5, 8 அதிர்ஷ்ட நிறங்கள் : பிஸ்தாபச்சை, வைலெட் அதிர்ஷ்ட திசை : தெற்கு
ராசி குணங்கள்
கும்பம்அருகிலிருப்பவர்களின் குறை, நிறைகளை சுட்டிக்காட்டி நல்வழிப்படுத்தும் நீங்கள், யாருக்காகவும் தன் குறிக்கோளை மாற்றிக் கொள்ளாதவர்கள். குரு வலுவாக இருப்பதால் குடும்பத்தில் நல்லது நடக்கும். வீட்டை கட்டி முடிக்க எதிர்பார்த்த வங்கிக் கடன் கிடைக்கும். கணவன்-மனைவிக்குள் நெருக்கம் உண்டாகும். ஏளனமாகவும், இழிவாகவும் திட்டியவர்கள் எல்லாம் இனி உங்களை பாராட்டுவார்கள். தன்னார்வத் தொண்டு நிறுவனங்களில் சேர்ந்து உங்களாலான உதவிகளை செய்வீர்கள். ராகு வலுவாக அமர்ந்திருப்பதால் திடீர் பணவரவு உண்டு. கௌரவப் பதவிகள் தேடி வரும். புது வேலைக்கு முயற்சி செய்தீர்களே! நல்ல பதில் வரும். வழக்கில் சாதகமான தீர்ப்பு வரும். அரசியல்வாதிகள் தலைமையில் பாராட்டும் படி நடந்துக் கொள்வீர்கள். செவ்வாய் சாதகமான நட்சத்திரங்களில் செல்வதால் உடன்பிறந்தவர்கள் உறுதுணையாக இருப்பார்கள். சொத்து வாங்குவது, விற்பது சுலபமாக முடியும். வியாபாரத்தில் அதிரடியான திட்டங்களை தீட்டுவீர்கள். உத்தியோகத்தில் உங்களின் உழைப்பிற்கு பாராட்டு கிடைக்கும். கலைத்துறையினர்களுக்கு பெரிய நிறுவனங்களிலிருந்து வாய்ப்புகள் வரும். துடுக்கானப் பேச்சால் சாதித்துக் காட்டும் வாரமிது. அதிர்ஷ்ட தேதிகள் : 10, 14, 15 அதிர்ஷ்ட எண்கள் : 1, 6 அதிர்ஷ்ட நிறங்கள் : ப்ரவுன், அடர்நீலம் அதிர்ஷ்ட திசை : மேற்கு
ராசி குணங்கள்
மீனம்வாழ்க்கை என்பது இன்பமும், துன்பமும் கலந்தது தான் என்பதை உணர்ந்த நீங்கள், இழப்புகள், ஏமாற்றங்களைக் கண்டு என்றும் அஞ்சியதில்லை. சூரியன் வலுவாக அமர்ந்திருப்பதால் எதிர்த்தவர்கள் நண்பர்களாவார்கள். சில பிரச்னைகளுக்கு எதார்த்தமான முடிவுகள் எடுப்பீர்கள். குடும்பத்தில் உள்ளவர்களின் உணர்வுகளுக்கு மதிப்பளிப்பீர்கள். பிள்ளைகளால் பெருமை உண்டு. தாயாரின் உடல் ஆரோக்யம் சீராக இருக்கும். அரசியலில் செல்வாக்குக் கூடும். மூத்த சகோதரிக்கு திருமணம் பேசி முடிப்பீர்கள். சுக்ரன் சாதகமாக இருப்பதால் பணவரவு அதிகரிக்கும். எதிர்பார்த்த வகையில் உதவிகள் கிடைக்கும். வெளியூர் பயணங்களால் மகிழ்ச்சியுண்டு. கன்னிப் பெண்கள் பெற்றோரை கலந்தாலோசித்து சில முக்கிய முடிவுகள் எடுப்பீர்கள். வீட்டை அழகுப்படுத்துவீர்கள். உறவினர்கள் சிலர் உங்கள் உதவியை நாடுவார்கள். பேச்சிலே ஒரு கம்பீரம் தெரியும். புது சொத்து வாங்குவீர்கள். கண்டகச் சனி இருப்பதால் மனைவியுடன் மோதல்கள் வந்து நீங்கும். ஜன்ம குரு தொடர்வதால் சளித் தொந்தரவு, மறைமுக விமர்சனங்கள் வந்து செல்லும். புது முதலீடு செய்து வியாபாரத்தை விரிவுப்படுத்துவீர்கள். உத்தியோகத்தில் மேலதிகாரிக்கு நெருக்கமாவீர்கள். கலைஞர்களின் எதிர்பார்ப்புகள் நிறைவேறும். திடீர் திருப்பங்கள் நிறைந்த வாரமிது. அதிர்ஷ்ட தேதிகள் : 11, 12, 14 அதிர்ஷ்ட எண்கள் : 3, 4 அதிர்ஷ்ட நிறங்கள் : ஆலிவ்பச்சை, பிங்க் அதிர்ஷ்ட திசை : வடமேற்கு
ராசி குணங்கள்
0 comments :
Post a Comment