கர்நாடக மாநில காங்கிரஸ் கட்சிக்கு புதிய நிர்வாகிகளை நியமித்து அகில இந்திய காங்கிரஸ் தலைவர் சோனியாகாந்தி சமீபத்தில் பட்டியல் வெளியிட்டு இருந்தார். இந்த பட்டியல் காங்கிரஸ் கட்சியினர் மத்தியில் பெரும் அதிருப்தியை ஏற்படுத்தி உள்ளது.
குறிப்பாக, இளைஞர் காங்கிரசார் தங்கள் ஏமாற்றத்தை வெளிப்படுத்தி உள்ளனர். பட்டியலில் இளைஞர் காங்கிரசுக்கு போதிய முக்கியத்துவம் அளிக்கப்படவில்லை என்றும், எனவே நிர்வாகிகளை மாற்றி அமைத்து இளைஞர் காங்கிரசுக்கு பதவிகள் வழங்க வேண்டும் என்றும் அவர்கள் கூறி வருகிறார்கள்.
இந்த நிலையில், புதிய நிர்வாகிகள் பட்டியலால் அதிருப்தி அடைந்து உள்ள இளைஞர் காங்கிரஸ் பிரமுகர்களை சந்தித்து அவர்களின் மனக்குறையை கேட்டறிய அகில இந்திய காங்கிரஸ் பொதுச் செயலாளர் ராகுல்காந்தி முடிவு செய்து உள்ளார். இதற்காக அவர் கர்நாடகத்தில் 2 நாள் சுற்றுப்பயணம் செய்கிறார்.
இதற்கான ஏற்பாடுகளை கர்நாடக மாநில காங்கிரஸ் தலைவர் பரமேஸ்வர் மேற்கொண்டுள்ளார். வரும் 20, 21 ஆகிய தேதிகளில் ராகுல் கர்நாடக மாநிலத்திற்கு செல்ல ஏற்பாடு செய்யப்பட்டுள்ளது.
0 comments :
Post a Comment